1 Chronicles 1:4 - De Beebaa Dabu

⁴ Dama daane a Noah: go Shem, ma Ham, aama Japheth.

1 Chronicles 1:4 Referans Kwoze

Genesis 5:32

Gai ga 500 huu ngadau o Noah, gai ia ga hagadili a Shem ma Ham aama Japheth.

Genesis 9:18

Gai denga dama daane a Noah ne ssao mai laa i lo te vaga hale go Shem, ma Ham aama Japheth. Gai a Ham e dahi ana dama daane, dono ingoo go Canaan.

2 Peter 2:5

gai noo ia tee hagaola henua i lalo madagidagi, i de masavaa aana ne gaamai ai tolona gi honga o dangada tee haia lodo o de Maadua, aagai ne hagaola donu huu Noah, de ia ne agoagona dagodo o de heohi, madali e dogohidu ange dangada;

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.

Luke 17:26

Gai laangi o Tama a Tangada e bei naa dagodo o de masavaa o Noah.

Luke 3:36

Shelah go tama daane a Cainan, Cainan go tama daane a Arphaxad, Arphaxad go tama daane a Shem, Shem go tama daane a Noah, Noah go tama daane a Lamek,

Ezekiel 14:14

gai ga nnoho naa donu denga daane dogodolu nei, go Noah, ma Daniel, aama Job i honga de henua, gai go gilaadeu donu huu alaadeu e maua i de hagaola i olaadeu heohi, go de Ia Aamua go Iahweh e hagadaba.

Genesis 9:29

Gai ne 950 ngadau alodahi o Noah ne mouli ai, gai ia ga magau.

Genesis 7:1

Gai Tagi Maolunga ga hai ange gi Noah, “Hannoo ulu gi lo te vaga hale madali dangada alodahi i doo huaabodu, go hiidinga au gu gidee bolo koe se daane e heohi oo dagodo i de atangada nei.

Genesis 9:19

Aanei denga dama daane dogodolu a Noah, gai go gilaadeu ne hagadili ga soa ga hhao ai henua i lalo alodahi.

1 Chronicles 1:3

Enoch, Methuselah, Lamek, ma Noah.

1 Chronicles 1:5

Dama daane a Japheth: go Gomer, ma Magog, ma Madai, ma Javan, ma Tubal, ma Meshek, aama Tiras.

Genesis 10:1

Gai aanei aamuli o Noah ma ana dama daane: go Shem, ma Ham, aama Japheth. Gai gilaadeu ne hagadili hogi hanu dama i dua tolona.