1 Chronicles 1:32 - De Beebaa Dabu

³² Gai dama daane a Abraham ange gi Keturah, dono bodu laa daha: go Zimran, ma Jokshan, ma Medan, ma Midian, ma Ishbak, aama Shuah. Dama daane a Jokshan: go Sheba ma Dedan.

1 Chronicles 1:32 Referans Kwoze

Ezekiel 27:20

Dedan ne hagao oo goloa i denga malo e nnoho ange ai gi honga hoosa.

Ezekiel 25:13

deenei ai, e hagadaba de Ia Aamua go Iahweh: Au e hagaabo naa dogu lima e hagaduasala ai de gau Edom, ma de daa gi maakau ono dangada ma ana manu. Au e hai naa Edom gi se mommee e ngadi dagodo; gai ono dangada e daa naa ga maakau i de gadilaasa, mai i Teman ga dae ai gi Dedan.

Jeremiah 49:8

Dangada e nnoho i Dedan, goodou saavini mmuni i lodo haonga kelo, go hiidinga au e hai naa gi hai ngadaa Esau, i de masavaa aagu e hagaduasala ai ia.

Jeremiah 25:23

ma Dedan, ma Tema, ma Buz, ma dangada alodahi e dahi baasi o olaadeu biho;

Isaiah 60:6

Denga hagabuulingaa gamelo e loomai naa ga hhao honga de henua, go gamelo gauligi a Midian ma Ephah. Gai dangada alodahi mai i Sheba e loomai naa; gilaadeu ga gaamai denga goolo ma mee maanongi, ma de tala de tuhi o Tagi Maolunga.

Isaiah 21:13

Muna hagadaemaha i dagodo o Arabia. Goodou de gau Dedan e hagadaga saele laa, goodou e nnoho i de vao o Arabia i de boo.

Psalm 72:15

Gi daulooloa dono mouli ai! Gai dangada gi gaavange gi de ia goolo mai i Sheba. Dangada gi dalodalo ange gi de ia i masavaa alodahi, ma de hagadegi ia mai taiao ga boo ai.

Psalm 72:10

Gai denga hodooligi o Tarshish ma denga mommee i tagudai e hagao ange naa taagisese gi de ia; gai denga hodooligi o Sheba ma Seba e gaamai naa denga mee ngadi gaavange gi de ia.

De Beebaa go Job 6:19

Manu e hagauda ina dangada mai i Tema e sala vai, de gau hagao mee mai i Sheba ne tali hagalodolodo.

1 Kings 10:1

Gai ga langona huu e de hine hodooligi o Sheba longo o Solomon, ma dagodo o de ingoo o Tagi Maolunga, gai ia ga humai e hagatale ange dono iloo mee i hanu muna ssili hai ngadaa.

Numbers 31:2

“I mua doo magau, gai koe suuia ange hegau baubau a de gau Midian ne hai ange gi de gau Israel, gai muli mai gai koe ga magau ai bei oo dubuna madagidagi.”

Numbers 25:6

De masavaa laa gai dahi daane Israel ne gaamai dahi hahine Midian gi daho dono huaabodu, gai Moses ma de hagabuulingaa dangada o Israel alodahi ne gidee mee laa, i de masavaa olaadeu e nnoho ai ma e tangi i gaogao de haitoga o de hale malo hagabuni.

Genesis 37:28

Gai hanu daane hagao mee mai i Midian ne loomai laa kilaa, gai daina o Joseph ga dada age ia i lo te geelinga laa, ga hagao ange gi dangada de aamuli o Ishmael i e madalua dibaa selevaa, gai de gau laa ga kave Joseph madali gilaadeu gi Egypt.

1 Chronicles 1:31

ma Jetur, ma Naphish, aama Kedemah. Aanei dama a Ishmael.

1 Chronicles 1:33

Dama daane a Midian: go Ephah, ma Epher, ma Hanok, ma Abida, aama Eldaah. Aanei alodahi dama a Keturah.