UMikha 7:4 - Contemporary Zulu Bible 2024

⁴ Abahle kunabo bonke banjengokhakhasi, abaqotho babukhali kunothango lwameva; luyeza usuku lwemilindo yakho nokuhanjelwa kwakho; manje bayoba ukudideka.

IBHAYIBHELI ELINGCWELE

⁴ Omuhle wabo unjengobobe, olungileyo mubi kunothango lwameva; usuku lwabalindi bakho nolokuhanjelwa kwakho lufikile; sekuyakuba ngukukhungatheka kubo.

IsiZulu 2020

⁴ Omuhle kubo unjengehlokozi elinameva; oqotho kubo mubi kunothango lwameva. Usuku lwabalindi bakho nolokujeziswa kwakho sekufikile; sekuyakuba ngukudideka kwabo.

UMikha 7:4 Referans Kwoze

U-Isaya 22:5

Ngoba luwusuku lokucindezeleka nolokunyathelwa nolwesiphithiphithi ngeNkosi uJehova Sebawoti esigodini sombono nokudilizwa kwezindonga nokuhlaba umkhosi ezintabeni.

UHezekeli 2:6

Wena-ke, ndodana yomuntu, ungabesabi, ungawesabi amazwi abo, nakuba ukhula oluhlabayo nameva kukhona kuwe, uhlezi phakathi kwawofezela; ungawesabi amazwi abo, ungapheli amandla emehlweni abo, bayindlu edlubulundayo.

U-Isaya 10:3

Niyakwenzani ngosuku lokuhanjelwa nasekubhujisweni okuvela kude na? niyakubalekela kubani nifuna usizo na? futhi uyoyishiyaphi inkazimulo yakho?

KumaHeberu 6:8

Kepha uma uthela ameva namakhakhasi, uyaliwa, useduze nokuqalekiswa; okuphela kwawo kungukushiswa.

NgokukaLuka 21:25

Kuyakuba khona izibonakaliso elangeni nasenyangeni nasezinkanyezini; nasemhlabeni usizi lwezizwe, zididekile; kuhlokoma ulwandle namagagasi;

UNahume 1:10

Ngoba lapho bebotshwe ndawonye njengameva, futhi lapho bedakwe njengezidakwa, bayoqedwa njengamabibi ome ngokuphelele.

U-Amose 8:2

Wathi: “Amose, ubonani na?” Futhi ngathi: Ubhasikidi izithelo zasehlobo. Wayesethi uJehova kimi: “Ukuphela sekufike kubantu bami u-Israyeli; Ngeke ngiphinde ngibadlule.

UJeremiya 10:15

Ziyize nomsebenzi wenkohliso; ngesikhathi sokuhanjelwa kwazo ziyakubhubha.

UJeremiya 8:12

Baba namahloni ngokwenza izinengiso na? yebo, ababanga namahloni nakancane futhi bengenakuba namahloni; ngakho-ke bayakuwa phakathi kwalabo abawayo; ngesikhathi sokuhanjelwa kwabo bayakuwa, usho uJehova.

U-Isaya 55:13

Endaweni yameva kuyakumila umsayipuresi, endaweni yokhula kukhule umuthi wombomvana; kuyakuba yigama likaJehova, kube yisibonakaliso esiphakade esingayikunqunywa.

UJeremiya 11:23

Kakuyikuba khona insali kubo, ngokuba ngiyakwehlisela okubi phezu kwabantu base-Anathoti, umnyaka wokuhanjelwa kwabo.

UJeremiya 46:21

Abaqashwa bayo basemathunjini ayo njengezinkunzi ezikhuluphalisiweyo; ngoba nabo baphenduka babaleka kanyekanye; abazange beme, ngoba usuku lokubhujiswa kwabo lwalubafikele kanye nesikhathi sokuhanjelwa kwabo.

UHezekeli 28:24

Ngeke kusaba khona ikhakhasi elihlabayo noma iva elibuhlungu kuyo yonke indlu yakwa-Israyeli ababeyidelela; bazakwazi ukuthi ngiyiNkosi uJehova.