UJeremiya 6:23 - Contemporary Zulu Bible 2024

²³ Bayakuthatha umnsalo nomkhonto; banonya futhi abanasihe; izwi labo liduma njengolwandle; bagibele amahhashi, behlomele njengamadoda okulwa nawe, ndodakazi yaseSiyoni.

IBHAYIBHELI ELINGCWELE

²³ Babamba umnsalo nomkhonto; banonya, abanamusa, izwi labo liduma njengolwandle, bakhwele amahhashi, behleliwe njengabantu abayakulwa, behlelelwe ukulwa nawe ndodakazi yaseSiyoni.”

IsiZulu 2020

²³ Babamba umnsalo nomkhonto; banonya, abanamusa, izwi labo liduma njengolwandle, bagibele amahhashi, bahleliwe njengamabutho eyokulwa, bahlelelwe ukulwa nawe, ndodakazi uZiyoni.”

UJeremiya 6:23 Referans Kwoze

U-Isaya 13:18

Iminsalo yabo iyakuchoboza izinsizwa; futhi ngeke bahawukele isithelo sesisu sikanina; iso labo aliyikubahawukela abantwana.

UJeremiya 50:42

Bayobamba umnsalo nejula; banonya futhi ngeke babonise umusa; izwi labo liyohlokoma njengolwandle, futhi bayogibela amahhashi, yilowo nalowo ebhince izikhali njengendoda yokulwa, ngokumelene nawe, ndodakazi yaseBhabhiloni.

UJeremiya 30:14

Zonke izithandwa zakho sezikukhohliwe; abafuni Wena; ngokuba ngikushayé ngomvimbo wesitha, ngokujezisa kononya, ngenxa yobuningi bobubi bakho; ngoba izono zenu zandile.

UJeremiya 5:16

Umgodla wabo unjengethuna elivulekile, bonke bangamadoda anamandla.

UJeremiya 4:29

Umuzi wonke uyawubalekela umsindo wabamahhashi nabacibishelayo; bayakungena emahlathini, bagibele emadwaleni; yonke imizi iyakushiywa, kungahlali muntu kuyo.

UJeremiya 4:13

Bheka, uyenyuka njengamafu, nezinqola zakhe zinjengesivunguvungu; amahhashi akhe anejubane kunezinkozi. Maye kithi! ngoba sonakele.

U-Isaya 19:4

Ngiyakubanikela abaseGibithe esandleni senkosi enesihluku; futhi inkosi enesihluku iyobusa phezu kwabo, kusho uJehova, uJehova Sebawoti.

UDuteronomi 28:49

UJehova uyakulethela isizwe esivela kude, emikhawulweni yomhlaba, esindiza ngejubane njengokhozi; isizwe ongayikuzwisisa ulimi lwaso;

U-Isaya 10:32

Uyakuhlala eNobi ngalolo suku; uyosikisela isandla sakhe entabeni yendodakazi yaseSiyoni, igquma laseJerusalema.

U-Isaya 17:12

Maye ngobuningi bezizwe ezibanga umsindo njengokuhlokoma kolwandle; nangomsindo wezizwe ezibanga umsindo njengomsindo wamanzi anamandla!

UJeremiya 6:4

Zilungiseleni impi; vuka sikhuphuke ntambama. Maye kithi! ngoba usuku luyedlula, ngoba amathunzi okuhlwa ayelulekile.

UJeremiya 25:9

Bhekani, ngiyakuthuma, ngithabathe zonke izizwe zasenyakatho, usho uJehova, noNebukadinesari, inkosi yaseBabele, inceku yami, ngizilethe phezu kwaleli zwe, naphezu kwabakhileyo kulo, naphezu kwazo zonke lezi zizwe ezizungezile, Uyobashaya ngesiqalekiso, abenze isimangaliso, inhlekisa, incithakalo kuze kube phakade.

UHezekeli 21:31

Ngiyakuthulula phezu kwakho ukufutheka kwami, ngikuvuthele ngomlilo wokufutheka kwami, ngikunikele esandleni sabantu abayizihlakaniphi nabanekhono lokubhubhisa.

UJeremiya 4:16

Kabize izizwe; bheka, memezelani ngeJerusalema ukuthi abalindi bayeza bevela ezweni elikude, bazwakalise izwi labo ngemizi yakwaJuda.

UJeremiya 8:16

Ukukhala kwamahhashi akhe kwezwakala kwaDani; ngoba bafika balidla ilizwe lakho konke okwakukulo; umuzi nabakhileyo kuwo.

UJeremiya 25:32

Usho kanje uJehova Sebawoti, uthi: “Bheka, okubi kuyakuphuma kwesinye isizwe kuye kwesinye, nesivunguvungu siyavuswa ezindaweni zomhlaba.

UJeremiya 50:41

Bheka, kuyakuvela abantu enyakatho, isizwe esikhulu, namakhosi amaningi ayakuvuswa ezindaweni zomhlaba.