Eleetar i yi Pool akiñje i Tit 3:3 - Kwatay (Kuwaataay)

³ Ábuki hítiyar hu, úne yooŋ úbajut kikaw, újeŋginaariit an, abe úmoomi naane bakan keehiile. Úne yéeni búsukateen bite wúfaŋi weejakut wánowan, ni katoofu kánokan. Úkinaanakinaani ti bánafut ni bíhiñanoor. Uŋ'úhuuf bakaaku, ni kahuuf úne yooŋ.

Eleetar i yi Pool akiñje i Tit 3:3 Referans Kwoze

Kolos 1:21

Hítiyar hu, aruun yooŋ arikambakamb Atambatun, árimoomi enatoorao iŋi meejakut mamm'ariyinoor, ni mamm'árihin yooŋ.

Eleetar i yi Pool akiñje i bakate ku Rom 6:17

Bare úene Atambatun eyeehen: aruun kéeyemie ku hítiyar hu búsukateen bite kaahoofoor ku, arijokajok hahiye árihabanein tu múniyo m'ariliikenee mu.

Kolos 3:7

Iyu yooŋ af'árinijaani hítiyar hu, aruun ti káhinu kite wuhoofoor wondu.

Eleetar i yi Pool akiñje i bakate ku Rom 6:22

Bare hahiye arikolut ni kaahoofoor ku, abe aruun búsukateen bite Atambatun. Doon d'aribaje du toko deemo fu buroŋ beenabe, abe ti biraanu, aruun kabaju buroŋ béehabanaariit.

1 Piyeer 1:14

Árijeŋgin Atambatun, abe atum'aribatikan siheluun tu wúfaŋi woonuun wute wu ti hítiyar hu t'árimeyioorut múniyo mu.

2 Korent 12:20

Íkolakoleyi n'ija ibin, n'íŋaabeinuun tu buroŋ beetoofutam, aruun yooŋ n'arijamam ti kasokuuun beetoofutuun. Íkolakoleyi bíŋaabeina t'aruun síheñjeŋoor, ni bíhiñanoor, ni kayiŋatoor, ni kabatikanoor, ni bílafatinool, nu búsokoor meejakut, ni biyitooro, ni kajoŋooraate.

Saaŋ 8:34

Yesu n'aaniin: —Iisokuun bifeeneŋ bu: an aŋ'áhin wuhoofoor, akina ásukateen ite wuhoofoor wu.

Májiye 21:29

Ahaawa u n'aano: «Aaa, it'ija», bare afiyo dikee, n'awatanooro, n'aja arok.

Saak 1:26

An af'aane akina átumbatumba ajok bítim bu, abe bare ayinaat kajoku butumo, an ondu abuuta hikawo: káyilen koone kibajut éñjeriŋ.

Galasi 6:3

An af'ayinoor ti hikawo n'aane akina an ómbokun, abe bare anooto doon fe, an ondu abuuta hikawo.

Hirim Heetoofe hu hi Luk akiñje hu 21:8

Yesu n'aaniin: —Arinaŋ toko kikawuun, an atum'abuutuun. Ábuki bakan keehooje bibin nu huruwu húuma iŋi kaane boko kaamo fu *Afakana u, man yooŋ ewahatu i ereeŋa. Bare atum'ariseiin ti hiñaawu.

Kafeeñal ku 18:2

N'ataŋk t'etiir aane: «Eneya, *Babilon yómbombokun i eneya! Éyemia báakinum bite sirab, nu ñúwejet ñánoñan ñeejakut, ni bilele bánoban fe *beekuurut abe nu búhuufunani.

Kafeeñal ku 13:14

N'ebuut bakate t'etaam i nu buroon bómbokun bemb'éhin beehaŋe bu ésuk i kikaw, b'ewunee bu kaanuku yéehin tu buhooŋu éndakakureŋ étiyar i. Ehaban, n'eene ésuk i éhin búwisenum beenokoore n'éndakakureŋ yeenufanee i yéeni ni kábura, abe bare n'eroŋ.

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

Eleetar i yi Pool akiñje i bakate ku Rom 6:6

Úmoomi kaanuku manoŋkar mite m'úne mítiyar mu mitibeetib *t'ekuruwa i ni Kiris, kaanuku man kaahoofoor keeemo ku ti sini site s'úne nu kúbujarooree, utum'uŋk'úyemi búsukateen bite te ko.

Eleetar i yi Pool akiñje i bakate ku Rom 6:12

Kaahoofoor ku kuwarut iŋki kabaju sembe ti sini soonuun seeemo su iŋi siket, kiyak iŋi kitiŋguun áriihin wúfaŋi wute te so.

Eleetar i yi Pool akiñje i bakate ku Rom 11:30

Hítiyar hu árijeŋginut Atambatun. Bare hahiye Atambatun ayubiyenuun, ábuki Esuwif i kateñekateñeko kájeŋgino.

2 Timote 3:6

Bakaake tu boko iŋi kayoosorooro sunuuf su, abe n'iŋi kabuut haare hu kéeniyeit ku keejam tu boko. Haare hondu kaniŋananiŋan wuhoofoor taŋ, abe wúfaŋi wánowan w'ifi kanaban.

2 Timote 3:13

Bare kéenafute ku ni ñatuuk ñu, boko kahaŋu ti meejakut mooniin kep. Boko kabuutu bakaaku, abe boko kumuumiin yooŋ kabuutiee.

Eleetar i yi Pool akiñje i Tit 1:16

Iŋi kaane kámoomi Atambatun, bare kinij kooniin kúwufoorawufoor kaanuku tókoiit. Káhuufunanahuufunani, kájeŋginaariit Atambatun, abe yooŋ kayinaat káhinu mayet bifeeneŋ beejake.

Eleetar i yi Pool akiñje i Tit 2:12

Kajaku koone kiliikenaliiken úne kawasu buroŋ beejakut, nu wúfaŋi wute t'etaam ye, kaanuku man n'úyinoor ajakee hahiye, n'úbaj yooŋ buroŋ beejoŋoore, abe nu bújub t'Atambatun.