Eleetar i yi Pool akiñje i Tit 3:14 - Kwatay (Kuwaataay)

¹⁴ Bakan wane yooŋ kawarawar káñiŋkaan keeliiken káhinu buroon beejake, kaanuku man ni káyini káyokunan keebaje ku bisawula bómbokun. Ifi káhin iyu, n'iŋi káñjeriŋ ti dike doon.

Eleetar i yi Pool akiñje i Tit 3:14 Referans Kwoze

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Eleetar i yi Pool akiñje i Tit 3:8

Hirim honde héewoore. Ímaŋamaŋi a̱sooñoor tu bonde b'isoke bee, man kéeyilene ku t'Atambatun ni kanaŋ toko kikawiin iŋi káhin buroon beejake. Bondu bijake fu tu húŋgowulan, abe ni bíñjeriŋo.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Májiye 7:19

Nunukanuk fe neebukut miriyaay meejake, no kafiitiee, abe ni nífiitenee ti sineemak su.

2 Piyeer 1:8

Ábuki af'aribaj síjiko sondu, abe nu sulooñ t'aruun, so kákinineŋ kámeyi k'árimeyie ku Anahaan ite úne Yesu *Kiris ni kibaj éñjeriŋ, abe nu kubukoor meejake.

Fílip 4:17

Íñjeiit eeemo ti hiŋes kaanuku man n'ibaj dike doon t'aruun. B'ímaŋie bu beemo fu Atambatun ásoniyanuun iŋ'ite kawunu koonuun.

Efees 4:28

An eeemo ákuw araan kákuwat; anoŋk éesuwat aŋ'arok burok beejake éekuumanooro, éeyini yooŋ káyokunan keebajut ku.

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

Saaŋ 15:8

Af'aribuk miriyaay meehooje, iyu i Faafam aja fu kánikanee, iyu yooŋ a arija fu káwufoor kaanuku aruun eriboora íima.

2 Tesalonik 3:8

Iriñoofeit t'an fuufu. Aaa, iŋ'irirok burok beeniŋe kaajiŋgan ni káajiim kaanuku an t'aruun atum'álaam t'uni.

Epotor i 20:35

Ti bireyi fe, íwufooruunwufoor kaanuku iyu u úware fu karoku núuyokunan keebajut ku, abe n'uŋ'úbaŋino kirim konde k'Anahaan u Yesu asoke ku akina humuumo. Aanaan: “Kawunu ni kasayi, ti kawunu ku ti katoofu kihaŋe fu.”»

Májiye 21:19

Ajuka *nífigiye ti kaakaŋa bítim bu, n'atof areeŋ, bare búsuus taŋ b'ajuke fu te no. Náami eeene nífigiye nu: —A̱roŋut hikee-kee kabuku miriyaay! Toko-toko yooŋ, náami nisaya kaŋ.

Epotor i 18:3

abe makamu burokiin bifeeneŋ, karoku kite bitant bu, n'ariiko tu boko iŋi karok t'afeeneŋ.

1 Tesalonik 2:9

Kújakuwe, áribaŋinabaŋino naane ii irirok aniŋee. Iŋ'irirok kaajiŋgan ni káajiim kaanuku an t'aruun atum'álaam t'uni, uni ti kasoku koonuun Hirim Heetoofe hite h'Atambatun.

Eleetar i yi Pool akiñje i bakate ku Rom 15:28

If'ija ayak abin áami isaaniin kuboñ ku, butum hahiyu íkolinaa tu bondu, n'iŋ'íŋaasin t'aruun iitik ija Esipañ.

Eleetar i yi Pool akiñje i bakate ku Rom 12:13

Áriyokunan bakanuun kéeyilene ku keebaje ku bisawula, abe n'aŋ'arijok áwariee kiŋki kawanan t'aruun.

Fílip 4:16

H'íyemie hu Tesalonik, áriboñinamboñin hífeeneŋiit buroon b'isawulee bu.

Eleetar i yi Pool akiñje i Tit 2:8

A̱sok kirim kéejube k'an ayinaat kawaaŋatoor. Af'á̱hin ii, enatoora íiwe n'iŋi kafuño, ábuki iti kabaj beejakut bite kasoku t'úne.