Eleetar i yi Pool akiñje i Tit 2:5 - Kwatay (Kuwaataay)

⁵ ni kayinoor ajakee, abe ni *kakuur. Kawarawar kaliikeniin yooŋ kajokoor sunuuf sooniin ajakee, ni káyemi bakan keejake, abe ni kájeŋgin bákayiniin man an atum'abin asok beejakut ti hirim hite Atambatun.

Eleetar i yi Pool akiñje i Tit 2:5 Referans Kwoze

Kolos 3:18

Aruun haare hu, árijeŋgin bákayinuun naane bijake i ti bakan kite Anahaan u.

1 Timote 5:10

Awarawar káyemi an éemeyiee tu burok boone beejake bu: an eejoŋoorane bakañio, aŋ'ajok áwariee kiŋki kaja te o, abe yooŋ n'aŋ'añaw wuwot wute *kéeyilene ku. Awarawar káyemi an aŋ'áyokunan yéeni keeemo ku ti sílaam su, abe n'aŋ'áhin yooŋ buroon bánoban beejake.

Efees 5:33

Náami hahiyu aruun, huruw fe ámaŋi anaar'o naane ámaŋie i hikawo, abe anaare-naare fe n'ájeŋgin áyino.

Epotor i 9:36

N'abaj ake anaare ti bakate ku Sope *kéeyilene ku, huruwu hoone Tabita (ti *kigerekaay iŋi kaane «Dorkas», aamo fu «huboŋk»). Anaare ondu, buroko káhinu meejake kep, ni káyokunan keebajut ku.

1 Timote 6:1

Keeemo ku tu húsukateenaate hu fe kawarawar kajoku kéekiniiin ku naane bakan keewaree kájeŋgin, kaanuku man an atum'abin asok beejakut tu huruwu hite Atambatun, nu tu bumb'úliiken ésuk i.

1 Korent 14:34

ifi kakuukanooro, haare hu kawarawar kakoowan. Kátumbut kawar káhamin toko. Kawarawar kajamu ti háyine hooniin naane busokee i *t'Eluwa yite Moyis.

1 Korent 11:3

Bare ímaŋamaŋi árimeyi bonde: *Kiris aamo fu aseef ite ániine-niine fe, ániine n'áyemi aseef ite anaare, abe Atambatun n'áyemi aseef ite Kiris.

Eleetar i yi Pool akiñje i bakate ku Rom 2:24

Ábuki *Míkiñjin mu meenaan: «Keenooto ku Esuwif kálafatina huruwu hite Atambatun áriikinineŋ.»

Epotor i 9:39

Piyeer n'arito eeriboor nu boko. H'areeŋe hu, ni kaja ne o t'anuuf atiira u. Haare hu ki bákayiniin kakete ku ni kálohino ti biyiy kep. Ni káwufooro wújufa wu ni waawu wañ wu Dorkas aroke wu akina buroŋ.

Eleetar i yi Pool akiñje i bakate ku Rom 14:16

Beejake bu t'aruun buwarut káyemi ti bakaaku húkuuseima hite kasoku te bo meejakut.

Eleetar i yi Pool akiñje i Tit 2:4

Ifi káhin ii, n'iŋi kaliiken toko yooŋ éfur i kámaŋi bákayiniin ni bakañiiin,