Eleetar i yi Pool akiñje i Tit 1:7 - Kwatay (Kuwaataay)

⁷ Hikaw hite kéeyilene ku af'atofotoor burok bite b'Atambatun; iŋ'ite ho aamo fu awarut kabaju bike b'an ayino kawatano te bo. Awarut biyitooro, awarut kahilu ti kayiŋat, awarut káwusan, awarut káyemi aloba, atum'aŋes yooŋ kabaju sírirem seekuurut.

Eleetar i yi Pool akiñje i Tit 1:7 Referans Kwoze

2 Piyeer 2:10

O kahaŋu kaniju ti kiŋki kanaban wúfaŋi weejakut wute siniiin, abe n'iŋi kahuuf hiseefaate hu. Bokondu kiŋki kaliiken ésuk i bite haajuus hu kákoleyiit Atambatun, abe yooŋ iŋi kayitooro. Kájeŋginaariit bakate ku t'etiir kéenike ku, bare iŋi kátumb kálafatiniin.

Efees 5:18

Atum'aŋ'áriwusan, ábuki éwusan aŋ'ábuj an. Bare arihooj bib nu Búwejet Beenabe bu.

1 Piyeer 5:2

arihaaw áwariee kaahaaw k'Atambatun ánihanuun ku. Atum'árihin kite bakan keenoŋkooranee, bare arinoŋk ariijukar ko naane t'Atambatun ámaŋie du. Atum'árihin burok bondu iŋi hiŋes ebaj, bare árihin bo aŋarkeyi naane ho hutoofuun n'áriyokunaniin.

1 Piyeer 4:10

Atambatun awunuunwun arireyi fe bifehe bite káyokunan bakaaku, huruw fe aliik ti b'Atambatun awuno bu. Áriyemi naane eroka keejake keeemo ti káhinu bakaaku meejake mite m'Atambatun meewayoore mu.

Hirim Heetoofe hu hi Luk akiñje hu 12:42

Anahaan u n'aane: —Náami aañ aamo fu aroka eejoŋoore u, abe n'áwesinato yooŋ? O aamo fu an u a ate enuuf i asaane u bujukar bite enuuf i, abe n'asoko yooŋ kaanuku aŋ'abin awun bakaaku eroka buhuŋ booniin keeñoofo kane ewahatu i ereeŋ.

Eleetar i yi Pool akiñje i Tit 2:3

A̱ane yooŋ haare hu keehaane ku kabaj buroŋ beetoofe Atambatun. Kawarut kasoku t'an, itim káyemi yooŋ búsukateen bite ehob. Kawarawar iŋi karimu ésuk i ajakee.

Eleetar i yi Pool akiñje i Tit 1:5

Iwasiwas Kiret kaanuku a̱ahabanoor beeŋeñene bu, abe ti hikinu-kinu fe ti *kéeyilene kaamo, n'a̱siiŋan bakan kéeyemi *sifaaf sooniin. Á̱baŋino kaanuku ibinabina eeni:

Fílip 1:1

Íñje Pool ni Timote, eroka yite Yesu *Kiris írikiñjinuun fee aruun arireyi fe, bakan kite Atambatun ki Yesu Kiris akino ku keeemo ku Fílip, nu kunahaan koonuun, n'ejokoora yeeniin.

Májiye 24:45

—Náami aañ aamo fu aroka eejoŋoore u, abe n'áwesinato yooŋ? O aamo fu an u a ate enuuf i asaane u bujukar bite enuuf i, abe n'asoko yooŋ kaanuku aŋ'abin awun bakaaku eroka keeñoofo kane ewahatu i ereeŋ.