Saaŋ 8:44 - Kwatay (Kuwaataay)

⁴⁴ Setani aamo fu faafuun, abe beetoofo bu b'af'árimaŋi káhinu. Huta hu ti kájabina ku, aŋ'ayool ésuk i. Ásokaariit bifeeneŋ, ábuki múniyo mu munooto te o. Af'ajuus yooŋ, máhaminaro, ábuki akina ajuusa, abe akina átuute fu haajuus.

Saaŋ 8:44 Referans Kwoze

Epotor i 13:10

abe n'aano: —Awe ajuusa, batuuk, añi Setani, anatoora ite meejake mu! Kaakaŋ me n'a̱ja fu karaan kayeeman kite buroon beejoŋoore bu b'Atemit ámaŋie bu kasiiŋan?

1 Saaŋ 3:12

Úwarut káyemi naane Kayin eeyoole u at'o. Akina an ite Setani. Kame iŋi naŋ n'ayoolo fu? Aŋarkeyi naane buroon bamb'áhin bijakut, abe bare bite b'at'o bijakajak.

2 Korent 11:3

Bare íkolakoleyi an atum'abin abuutuun éehinuun ariiwas kájeŋgin Kiris kájeŋgin keejoŋoore abe nu kukuur, naane yooŋ doon du dibine i dubuut Eef ni haajuus hu.

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

Saaŋ 8:38

Íñje, b'ijuke bu ti Faafam b'if'isok. Aruun, n'árihin b'arijame bu ti faafuun.

Saaŋ 8:41

Aruun aŋ'árihin naane faafuun. Ni kaano: —Iribukutee tu búhuhu. Faaf afeeneŋ taŋ i iribaje fu: Atambatun.

1 Saaŋ 3:15

An fe eehuufe at'o, an ondu ayoola bakan. Abe árimoomi kaanuku ayoola bakan abajut te o buroŋ béehabanaariit bu.

Májiye 13:38

hitaaŋaat hu heemo fu aduna i; sinawaay su seemo fu bakate ku ti *Jáyi jite Atambatun; husuwa hu heemo fu bakate ku Setani;

Eleetar i yi Sud akiñje i 1:6

Áribaŋino yooŋ emalaka i kéemaŋiit ku biriiko t'Atambatun anaŋiin du yéeni, kayak kánuutin toko ti kakine du. Atambatun n'ajokiin, abe n'afaakiin ni ñaasel hiraanu. Ahaban, n'anaŋiin t'ébaani i bija tu Hunak hómbokun hu hi kayak hu kajoonanee.

1 Saaŋ 2:4

An af'aane ámoomio, abe bare ájeŋginut buluwa boone, akina ajuusa, abe múniyo mu munooto te o.

Kafeeñal ku 21:8

Bare bukoloow bu, ni kéeyilenut ku, ni kiŋki káhin buroon béekojie bu, ni kiŋki kayool bakan, ni kiŋki kaŋot ni bakan ki kaseñeit ku, n'élugusa i, ni kiŋki kásukaay ñúwisenum ñu, n'ejuusa i fe, boko káyemi ti han héesufe-sufe hu hite sineemak su n'efor i. Ho heemo fu eket ésooboriyan i.

1 Piyeer 5:8

Arijok kikawuun, abe n'áriwasiyoor! Ábuki anatoora oonuun Setani ondu ti kañaahoor naane éŋaŋ ti kanuuru kep, hiŋes aañ a aware fu kateŋu.

Kafeeñal ku 9:11

Áyi ite te bo aamo fu amalaka eesaanee u kaayeen kéesulie-sulie ku; huruwu hoone ti kíhaminiin kite Esuwif i «Abadon», ti *kigerekaay «Apoliyoŋ» (aamo fu «Ábuja u»).

Epotor i 5:3

Náami Piyeer eeeno: —Anañas, buŋ b'a̱sooñe fu a̱was Setani eeyooso t'eholi ayak abin áami a̱juusa Búwejet Beenabe bu, abe n'á̱nuus ti sírirem s'a̱baje su h'a̱joohene hu hitaaŋaat hu?

Saaŋ 6:70

Yesu n'aaniin: —Íñjeiit ijifanuun fu, aruun sumoŋu ni bákasuba ku? Bare ake t'aruun an ite Setani!

Kafeeñal ku 2:10

Atum'á̱koleyi sílaam s'a̱ja su kajuku. A̱jam i: Setani kajoku bakaake t'aruun aja akul kaanuku man n'áhinuun áriiwuŋg Atambatun kiñaawu, abe aruun kajuku sílaam kunak keereeŋe sumoŋu. Bare a̱jok alitee hutoof yooŋ ni kayooli, abe n'iŋ'iwuni buroŋ bu naane hisiibanu.

2 Piyeer 2:4

Múniyo Atambatun ayubiyenut emalaka i keehoofoore ku; áfiiteniinfiiten ti kaayeen kéesulie-sulie ku ti kafaakee du t'ébaani i túruk bija tu hunak hite Kajoonan ku.

Kafeeñal ku 13:14

N'ebuut bakate t'etaam i nu buroon bómbokun bemb'éhin beehaŋe bu ésuk i kikaw, b'ewunee bu kaanuku yéehin tu buhooŋu éndakakureŋ étiyar i. Ehaban, n'eene ésuk i éhin búwisenum beenokoore n'éndakakureŋ yeenufanee i yéeni ni kábura, abe bare n'eroŋ.

Kafeeñal ku 22:15

Bare kiŋki káhin meejakut mu, n'élugusa i, ni kiŋki kaŋot ni bakan ki kaseñeit ku, ni kiŋki kayool bakan, ni kiŋki kásukaay ñúwisenum ñu, n'ejuusa i fe kiŋki kámaŋi buroon bite haajuus hu, boko káyemi tíyaŋ!

Májiye 12:34

Ñuroon ñondu! Buŋ b'ariyino fu káhamin atoofee, abe bare arijakut? Ábuki fu butum af'ánuutann beeemo bu tu búwejet bu.

Májiye 13:15

Ábuki kayaŋgayaŋg aa kikaw, iŋ'ite ho hu ñúwejet ñooniin ñínandinaariit fu; kalofalof wúkondiniin, kaanuku utum'uŋu wujam; kaŋotaŋot ñíkiniin, kaanuku itim'iŋi ñujuk. Káhinahin ii kaanuku itim kabin káwuŋgan inde íñje, íihiniin kéekoyi.»

Saaŋ 7:17

An af'ámaŋi káhinu b'Atambatun ámaŋie bu, o kámeyi man bimb'iliiken ésuk i, t'Atambatun tu búnuutina fu, man yooŋ íñje iŋ'inoŋk iisok.

Saaŋ 8:55

Árimeyiito, bare íñje ímoomio. Arko íñje if'eene ímeyiito, n'iŋ'íyemi ajuusa naane aruun. Bare ímoomio, abe ijokajok hirim hoone.

1 Saaŋ 1:8

Uf'úene úbajut mayet kaahoofoor, úbuuta kikaw úne, abe múniyo mu munooto t'úne.

1 Saaŋ 2:21

Náami if'íkiñjinuun, iŋi káanukiiit man aruun árimeyiit múniyo mu, bare aŋarkeyi naane árimoomi mo. Abe árimoomi yooŋ kaanuku haajuus hiyinaat kánuutina tu múniyo mu.

Epotor i 24:9

Esuwif i ni kalitan bo yooŋ kaane nu múniyo.