Saaŋ 7:12 - Kwatay (Kuwaataay)

¹² Hahooja hu toko ti báhamin t'etaam iŋi kajemeno. Bakaake iŋi kaane: «An fu eejake.» Bakaaku n'iŋi kafin kaane: «Aaa, aŋ'abuut ésuk i.»

Saaŋ 7:12 Referans Kwoze

Saaŋ 9:16

Bakaake t'Efarisiyeŋ i ni kaane: —Áyin ondu éehine ii ayinaat kánuutina t'Atambatun, ábuki ateñekateñeko kajoku erimaas ite úne. Bakaaku ni kaane: —Ahoofoora áyinooni fíya káhinu beehaŋe ésuk i kikaw naane bondu? Náami kumuumiin yooŋ kajamoorut t'efeeneŋ.

Saaŋ 7:47

Efarisiyeŋ i ni kasooñ kaaniin: —Aruun yooŋ abuutuunbuut?

Saaŋ 7:32

*Efarisiyeŋ i ni kajam bi hahooja hu bimbi káŋuŋunoor ti Yesu. Náami eseef ite *esaraha i, n'Efarisiyeŋ i ni kaboñ bakaake t'esulaan i kiŋki kajukar *Enuuf ite Atambatun kaanuku keejoko.

Fílip 2:14

Doon fe d'ariemo ti káhinu, atum'arifutanoor, síñakoor yooŋ itim sibaj toko,

Eleetar i yi Pool akiñje i bakate ku Rom 5:7

Bítaañataañi kajuku ake n'aane hee eeket bija t'áwiyo, hutoof yooŋ áwiyo ondu an éejube. Maske ake bija ayak abin áami aana hee eeket bija t'an eejake.

Epotor i 11:24

Múniyo Barnabas an eejake, eehooje bib nu Búwejet Beenabe bu, abe n'abaj yooŋ káyilen kómbokun. Bakan keehooje-hooj ni káwutiyenee ti bítim bite Anahaan u.

Saaŋ 7:52

Ni kaano: —Awe yooŋ kereŋ ite *Gálile i? A̱ja a̱ŋes ti *Míkiñjin mu, n'aŋ'a̱juk kaanuku ámusut kabaju *ayiŋana ite Atambatun éenuutina bo.

Saaŋ 6:14

H'ésuk i kajuke hu bondu beehaŋiin bu kikaw bi Yesu áhine bu, ni kaane: —An onde átumbe fu áyemi *Ayiŋana ite Atambatun, eeware u bibin t'etaam ye!

Hirim Heetoofe hu hi Luk akiñje hu 23:50

N'abaj ake ániine huruwu hoone Siseef, ite ti hikinu hite Esuwif i hihi kaane Arimate. Ániine ondu ajakajak, abe ite bifeeneŋ. Ámoomi ti kanahan n'eyakar yómbokun Atambatun eesiiŋan Jáyi joone. Boko kaamo fu *sifaaf site ejoonana i, bare ariboorut ni bakano ti hirim hi kajoke hu te ho, ni ti naane káhine i.

Hirim Heetoofe hu hi Luk akiñje hu 23:47

H'aseef ite esulaan i ajuke hu bondu beebaje bii, n'asokoroor Atambatun abe n'aane: —Nu múniyo fu ániine onde an eejake!

Hirim Heetoofe hu hi Luk akiñje hu 18:19

Yesu n'aano: —Iŋi naŋ n'a̱anam fu íñje ijake? Abajut fu an eejake, kane arko Atambatun unoono taŋ.

Hirim Heetoofe hu hi Luk akiñje hu 7:16

Kareyi fe ni kajahale. N'iŋi kasokoroor Atambatun kaane: —*Ayiŋana ómbokun ite Atambatun abine fee t'úne beebe! Ni kaane yooŋ: —Atambatun abinabin karamu úne, úne bakan koone!

Hirim Heetoofe hu hi Luk akiñje hu 6:45

Húŋgowulan heejake aŋ'asok buroon beejake aŋarkeyi naane biyinoor beejake beemo fu ti hikawo. Bare húŋgowulan heejakut aŋ'asok buroon beejakut aŋarkeyi naane biyinoor beejakut beemo fu ti hikawo. Ábuki butum bu ufu búnuutann biyinoor beeemo bu tu búwejet bu.

Májiye 27:63

abe ni kaano: —Maan, íribaŋinabaŋino kaanuku ajuusa ondu aanaan akina buroŋ: «Kabaju kunak kíhaaji, n'iŋ'iritanee t'eket i.»

Májiye 21:46

Ni kaŋes naane kaja i káhinu kaanuku man ni kajoko, bare ni kákoleyi hahooja hu, ábuki ésuk i fe kajokajok Yesu naane *ayiŋana ite Atambatun.

Májiye 10:25

Aliikena awarawar káhinu éeyemi naane ámuse oone, aroka u man n'áyemi naane aseef oone. Ésuk i ifi kaja ayak abin áami kaana ate enuuf i Belsebul, buŋ fíya bi kaja fu karuwu bakate ku t'enuuf yeene?