Saaŋ 4:10 - Kwatay (Kuwaataay)

¹⁰ Yesu n'aano: —Kane á̱meyi yéeni b'Atambatun bamb'awun, n'aañ yooŋ af'aani iye a̱wuno éehujo, humuumi a̱ja fu kaanio awuni á̱ahujo, abe n'aŋ'awuni móhujo mummu muwun buroŋ bu.

Saaŋ 4:10 Referans Kwoze

Saaŋ 4:14

Bare an eeyak u búhujo tu móhujo m'ija mu kawunio, búhujo buroŋuto kajoku hikee. Ábuki móhujo m'ija mu kawunio káyemi t'enio naane káabulanu tu móhujo miyak kábulu, abe ni míhino eebaj buroŋ béehabanaariit bu.

Kafeeñal ku 7:17

Ábuki Ametek eeemo u kaagoroor n'eriikeey ite híyiaate hu aja fu kahaawiiin, abe o bija nu boko tu wúbulanu wute móhujo mummu muwun buroŋ bu. Abe Atambatun katotu muhuw mánoman ti ñíkiniin.

Kafeeñal ku 21:6

Abe n'áwutiyen aane: —Hahiyu ahabanee! Íñj'eemo fu átiyar u n'araan u toko, kájabina ku ni bihabanooreey bu. An i nukuno nisaye, íñje kawunio éehujo fuufu ti káabulanu kite móhujo mite buroŋ bu.

Saaŋ 3:16

Ábuki Atambatun ahaŋahaŋ kámaŋi ésuk i, ayak awun Añi oone afeeneŋ u, kaanuku an fe éeyilene te o atum'átowuto hiraanu, bare n'abaj buroŋ béehabanaariit bu.

Kafeeñal ku 22:17

Búwejet Beenabe bu n'anaare ite Ametek u ni kaano: «A̱bin!» An yooŋ eejame bonde aja aano: «A̱bin!» An i nukuno nisaye abin. An éemaŋie búhujo tu móhujo mite buroŋ bu aja áhujo te mo fuufu.

Eleetar i yi Pool akiñje i bakate ku Rom 8:32

Akina éetumbut u awas Añio, bare n'ásiko asaan eeket bija t'úne úreyi, buŋ b'atuf'awun úne doon areyi fe t'afeeneŋ n'Añio?

1 Korent 10:4

kareyi yooŋ káhujee fu búhujo bifeeneŋ b'asaaniin bu. Múniyo iŋi káhujo móhujo m'Atambatun áhine mu méenuutin t'elaaliñj yeeseiin i ti hiñaawu, abe elaaliñj yendu yeemo fu *Kiris.

Saaŋ 6:35

Yesu n'aaniin: —Íñj'eemo fu humburu huhu huroŋan ésuk i. An eebine u t'íñje, aroŋut kajoñjolat. An yooŋ éeyilene u t'íñje, búhujo buroŋuto kajoku.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

Saaŋ 6:51

Íñj'eemo fu humburu huhu huwun buroŋ bu, héewaneina hu t'etiir. An eeteŋe u te ho, buroŋ boone iti bihabano. Humburu h'ija hu kawunu heemo fu eniam. Íñje kawunu ho kaanuku ésuk i keeroŋ.

2 Korent 9:15

Úene Atambatun eyeehen iŋi b'awune bu úne beehaŋe bu doon areyi fe!

Hirim Heetoofe hu hi Luk akiñje hu 11:13

Naane árijakaatie i fe, árimoomi kawunu bakañuuun buroon beejake. Náami buŋ bi Faaf úne eeemo u t'etiir atuf'áhin ahaŋ diyu ariike, eewun Búwejet Beenabe bu kiŋki kalawo bo?

Efees 2:8

Múniyo iŋi kajaku kite k'Atambatun h'arifake fu, ábuki áriyilenayilen te o. T'áruuniit tu bondu búnuutina, Atambatun awunuun fu bo.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Saaŋ 16:3

Boko káhinu iyu aŋarkeyi naane kámeyiit Faaf u, kámeyiitam yooŋ.

Epotor i 9:11

Anahaan u n'aano: —A̱ja t'enuuf ite *Suda yeeemo i ti bítim bu bimbi kaane «Bítim Beejoŋoore bu». Á̱kandijen toko ániine ii kaane Sóol, ite Taris. Ondu ti kalawu,

Esuwif i 6:4

Abajeebaj bakan ku múniyo mite Atambatun múmuse kajaaŋan, ni kajeken yooŋ tu doon d'Atambatun dand'awun, abe ni kabaj Búwejet Beenabe bu.