Saaŋ 3:5 - Kwatay (Kuwaataay)

⁵ Yesu n'aano: —Iisoki bifeeneŋ bu: an ayinaat buyooso ti Jáyi jite Atambatun t'abukutee nu móhujo, nu Búwejet Beenabe bu.

Saaŋ 3:5 Referans Kwoze

Epotor i 2:38

Piyeer n'aaniin: —Ariwatanooro kinij koonuun keejakut ku, abe huruw t'aruun n'áhin eebostee tu huruwu hite Yesu *Kiris man wuhoofoor woone nu wuboŋketee, abe Atambatun n'aŋ'awunuun Búwejet Beenabe bu.

Efees 5:26

Áhinahin bondu kaanuku éekajiniin bija t'Atambatun. *Akuuraniinkuuran nu móhujo, ni hirim hu yooŋ.

1 Piyeer 3:21

Móhujo mondu múmoomi naane *kaboste ku kiŋki kifakanuun hahiye. Kaboste kondu, káanukiiit kite kañawu ñubub ñite eni. Aaa, ko kite kájeŋgin Atambatun nu búwejet beekuure. Kaboste ku iŋi kifakan úne aŋarkeyi naane Yesu Kiris aritaneeritan t'eket i.

1 Korent 6:11

Iye i bakaake t'aruun káyemie fu hítiyar hu. Bare wuhoofoor woonuun wuñaweeñaw akuur but, árikajineekajin bija t'Atambatun, arijokeejok bakan kéejube hágila Atambatun tu huruwu hite Anahaan u Yesu *Kiris, nu Búwejet bite Atambatun ite úne.

Májiye 3:11

Íñje, ibosteuunboste nu móhujo iŋi káwufoor kaanuku ariwatanoorawatanooro kinij koonuun. Bare ake bibin eehaŋam sembe. Ihaŋahaŋ káteti te o kaanuku íijendin sikaku soone. O kabosteuun nu Búwejet Beenabe bu, ni sineemak.

Saaŋ 3:3

Yesu n'aano: —Iisoki bifeeneŋ bu: an afut'asooñ abukee ti kátiyar, at'áyini kajuku *Jáyi jite Atambatun.

Mark 16:16

An eeja u káyilen, abe *n'abostee, o kafaku. Bare an at'a áyilen, Atambatun akufokufo awasan.

1 Korent 2:12

Úne bare úmoomi buroon b'Atambatun awune bu úne, ábuki búwejetiit bite t'etaam ye b'úbaje fu, bare Búwejet béenuutina bu t'Atambatun.

Saaŋ 1:13

Íŋiiit naane aamo i kabukeebuk naane húŋgowulan aa abukee aamo fu káyemia bakañi Atambatun. Bare kaaneeen boko bakañi Atambatun ábuki Atambatun abukiin fu.

1 Saaŋ 5:1

An fe éeyilene kaanuku Yesu aamo fu *Kiris, akina añi Atambatun, abe an fe éemaŋie Faaf u, aŋ'ámaŋi yooŋ bakañio.

1 Saaŋ 2:29

Árimoomi kaanuku Kiris ájubajub. Náami ariwarawar yooŋ kámeyi kaanuku an fe aŋ'áhin beejoŋoore, akina añi ite Atambatun.

Galasi 6:15

Kateyi karam man yooŋ kateyaate karam, bondu bibajut éñjeriŋ; beeemo bu toko beemo fu Atambatun awun úne buroŋ bíyeni.

Eleetar i yi Pool akiñje i bakate ku Rom 14:17

Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

Májiye 28:19

Náami arija tánotan fe t'etaam ye, abe n'árihin ésuk i kéeyemi eriboora íima: *aribosteiin tu huruwu hite Faaf u, n'Añi u, nu Búwejet Beenabe bu,

Májiye 18:3

abe n'aaniin: —Iisokuun bifeeneŋ bu: afut'arihosanooro áriiyemi naane biñi, at'ariyooso hikee-kee ti *Jáyi jite Atambatun.

1 Piyeer 1:2

Atambatun Faaf u ajifanuunjifan aliik naane t'afiye du asok. Búwejet boone bíhinuunhin áriiyemi bokoone ku kaanuku áriijeŋgin Yesu Kiris, abe halan hoone nu *hukuuranuun. Atambatun aja ahaŋuun kásoniyan, abe n'awunuun yooŋ káasuumaay keefame-fam.

Epotor i 3:19

Náami ariwatanooro kinij koonuun keejakut ku, abe n'áriwuŋgan inde Atambatun man n'atot wuhoofoor woonuun.

Hirim Heetoofe hu hi Luk akiñje hu 13:3

Aaa! Bare íñje isok fee n'aruun: afut'ariwatanooro wuhoofoor woonuun, aruun yooŋ kaketu arireyi fe.

Májiye 5:20

Íñje isok fee n'aruun: afut'aŋ'árihin naane Atambatun ámaŋie i arihaŋ *Efarisiyeŋ i *n'émuse yite Eluwa yite Moyis, at'ariyooso hikee ti Jáyi joone.

Eleetar i yi Pool akiñje i bakate ku Rom 8:2

Ábuki Búwejet Beenabe bu bumbu buwun buroŋ bite bu nu múniyo ti káhinu ku t'afeeneŋ ni Yesu Kiris biramamram ti kaahoofoor ku n'eket i.

Hirim Heetoofe hu hi Luk akiñje hu 13:24

—Ariŋes man n'ariŋaas ti karuŋ keeyiite ku; ábuki íñje isok fee n'aruun: keehooje kaŋesu buyooso abe iti káyini.

Hirim Heetoofe hu hi Luk akiñje hu 13:5

Aaa! Bare íñje isok fee n'aruun: afut'ariwatanooro wuhoofoor woonuun, aruun yooŋ kaketu arireyi fe.

Májiye 19:24

Iisokuun yooŋ bonde: éŋgelem áyinooni fíya buyooso t'efulu yite kaakiiku? Mayet fu! Bare buyooso bite an eebaje ti Jáyi jite Atambatun bihaŋe kátaañi.

Májiye 21:31

Yesu n'ákandijen eseef ite *esaraha i, ni *sifaaf su aaniin: —Aañ tu boko áhine fu bi faafiin ámaŋie bu? Ni kaano: —Aneemak u. Náami Yesu eeeniin: —Iisokuun bifeeneŋ bu: *esaa yite búhal bu, ni kiŋki kafurukato kajabu kayoosouun ti *Jáyi jite Atambatun.

Mark 9:47

Arko dike ti ñíkini ifi díkinineŋ n'a̱ney ti kaahoofoor, a̱nuutan do! Ahaŋ kajaku t'awe n'a̱yooso ti *Jáyi jite Atambatun káafeelin, bala á̱fiitenee sambuun ni ñíkini t'ésuba te ño,

Mark 10:14

Hi Yesu ajuke hu bondu, n'ayiŋat naane. N'aane eriboora yeene: —Ariwas biñi bu keebin t'íñje! Atum'aribatikaniin, ábuki bakan naane boko kakino fu *Jáyi jite Atambatun.

Saaŋ 3:4

Nikodem n'aano: —Buŋ b'an ayino fu kasooñu abukee o káahaanin? Áyinooni fíya bibatuko ti har hite íñaayo eesooñ eebukee?

1 Korent 15:50

Kújakuwe, b'ímaŋie bu kasoku beemo fu bonde: doon dite kihaay ni halan diyinaat kamaatu ti *Jáyi jite Atambatun, abe doon dite búbujo diyinaat kamaatu tu buroŋ béehabanaariit bu.