Saaŋ 3:3 - Kwatay (Kuwaataay)

³ Yesu n'aano: —Iisoki bifeeneŋ bu: an afut'asooñ abukee ti kátiyar, at'áyini kajuku *Jáyi jite Atambatun.

Saaŋ 3:3 Referans Kwoze

2 Korent 5:17

An af'áhin ni Kiris t'afeeneŋ, an ondu áyemia húŋgowulan híyeni; beehaane bu bútowutaa, bíyeni bisiiŋee fu.

1 Saaŋ 3:9

An fe eeemo añi ite Atambatun araana kahoofoor, ábuki buroŋ béenuutina bu t'Atambatun bondu te o. At'aŋk'áyini kakinu ti kaahoofoor, ábuki akina añi ite Atambatun.

1 Saaŋ 5:1

An fe éeyilene kaanuku Yesu aamo fu *Kiris, akina añi Atambatun, abe an fe éemaŋie Faaf u, aŋ'ámaŋi yooŋ bakañio.

Eleetar i yi Pool akiñje i Tit 3:5

N'afakan úne, káanukiiit man aŋarkeyi naane úne úhine ajakee, bare aŋarkeyi naane am ayubiyene úne. Ti sembe site Búwejet Beenabe bu t'añawe fu úne. Búwejet Beenabe bu ifi bíhin n'úbukee ti kátiyar, abe nu buwun úne buroŋ bíyeni.

Saaŋ 1:13

Íŋiiit naane aamo i kabukeebuk naane húŋgowulan aa abukee aamo fu káyemia bakañi Atambatun. Bare kaaneeen boko bakañi Atambatun ábuki Atambatun abukiin fu.

1 Saaŋ 2:29

Árimoomi kaanuku Kiris ájubajub. Náami ariwarawar yooŋ kámeyi kaanuku an fe aŋ'áhin beejoŋoore, akina añi ite Atambatun.

1 Piyeer 1:3

Úsokoroor Atambatun Faaf ite Anahaan ite úne Yesu *Kiris! Ti kajaku koone kómbokun ku k'áwufoore ku úne, awunawun úne buroŋ bíyeni h'aritane hu Yesu Kiris t'eket i. Iyu u úbaje fu eyakar yéeketaariit,

Galasi 6:15

Kateyi karam man yooŋ kateyaate karam, bondu bibajut éñjeriŋ; beeemo bu toko beemo fu Atambatun awun úne buroŋ bíyeni.

1 Saaŋ 5:18

Úmoomi kaanuku añi fe ite Atambatun aŋ'araan kahoofoor, ábuki Añi ite Atambatun aŋ'ajukaro, abe Batuuk bu biyinaat te o doon.

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

Saaŋ 12:40

«Atambatun áhiniinhin kéefuum, kaanuku ñíkiniin itim'iŋi ñujuk, afeŋkafeŋk yooŋ ñúwejet ñooniin, kaanuku itim'iŋi ñínandin; itim kabin káwuŋgan nu boone éehiniin kéekoyi.»

Efees 2:1

Hítiyar hu, árimoomi t'Atambatun naane bakan keekete aŋarkeyi naane aŋ'árijuum, abe yooŋ aŋ'arihoofoor.

Saaŋ 1:5

Meejaaŋe mu iŋi mijaaŋan ébaani i, abe ébaani i eheekut mo.

Saak 3:17

Bare búwesinato béenuutina bu t'etiir, bítiyar bite te bo beemo fu *bukuurakuur. Hunuut toko ni bíyemi bite káasuumaay, ni bíneeni, abe biyaŋgut hikaw. Uŋu buyubiyen dómbokun, abe n'uŋu bubuk kunoŋk keejake. Bújokaariit ésuk i kawayo, abe bútuukaariit.

Saaŋ 1:51

N'asooñ aane: —Iisokuun bifeeneŋ bu: aruun kajuku kane bufor bu bífeŋgino, emalaka yite Atambatun ti bisiro, abe n'iŋi káwanein *t'Añi ute Húŋgowulan hu!

Májiye 16:17

Náami Yesu eeeno: —Atoof t'awe Simoŋ, añi ite Sonas, ábuki húŋgowulaniit áwufoori fu bondu, bare Faafam eeemo u t'etiir.

Májiye 5:18

Iisokuun bifeeneŋ bu: naane bufor bu biyak i bifiyo fe n'etaam i, núhuunu neehaŋe nu káteti fe ti beekiñjee bu ti kaawiit kite Eluwa i utu nútowuto hikee-kee, ayak abin áami yooŋ beesokee bu te yo fe bibaja.

Kafeeñal ku 3:14

—A̱kiñj amalaka ite bakate ku Lawodise *kéeyilene ku a̱ano: «An u ii kaane Amiin, aseede éejube u ite u nu múniyo, a Atambatun aŋaase u te o éewuwan doon areyi fe aane:

Májiye 19:24

Iisokuun yooŋ bonde: éŋgelem áyinooni fíya buyooso t'efulu yite kaakiiku? Mayet fu! Bare buyooso bite an eebaje ti Jáyi jite Atambatun bihaŋe kátaañi.

Májiye 21:31

Yesu n'ákandijen eseef ite *esaraha i, ni *sifaaf su aaniin: —Aañ tu boko áhine fu bi faafiin ámaŋie bu? Ni kaano: —Aneemak u. Náami Yesu eeeniin: —Iisokuun bifeeneŋ bu: *esaa yite búhal bu, ni kiŋki kafurukato kajabu kayoosouun ti *Jáyi jite Atambatun.

Mark 9:47

Arko dike ti ñíkini ifi díkinineŋ n'a̱ney ti kaahoofoor, a̱nuutan do! Ahaŋ kajaku t'awe n'a̱yooso ti *Jáyi jite Atambatun káafeelin, bala á̱fiitenee sambuun ni ñíkini t'ésuba te ño,

Mark 10:14

Hi Yesu ajuke hu bondu, n'ayiŋat naane. N'aane eriboora yeene: —Ariwas biñi bu keebin t'íñje! Atum'aribatikaniin, ábuki bakan naane boko kakino fu *Jáyi jite Atambatun.

Saaŋ 3:4

Nikodem n'aano: —Buŋ b'an ayino fu kasooñu abukee o káahaanin? Áyinooni fíya bibatuko ti har hite íñaayo eesooñ eebukee?

1 Saaŋ 5:4

ábuki añi fe ite Atambatun áyinooni kaheeku buroon beejakut bite bu t'etaam i. Ti káyilen kite k'úne t'uf'úheek buroon bondu.