Saaŋ 3:21 - Kwatay (Kuwaataay)

²¹ Bare an u aa áhin beejake bite bu nu múniyo, aŋ'abin ti meejaaŋe mu, ésuk i keejuk kaanuku bamb'áhin biriibariib naane t'Atambatun ámaŋie du.

Saaŋ 3:21 Referans Kwoze

1 Saaŋ 1:6

Uf'úene úhinahin ne o t'afeeneŋ, abe n'úkin yooŋ t'ébaani, újuusa, abe úhinut naane múniyo mu musoke i.

3 Saaŋ 1:11

Óom, atum'a̱liikool ni meejakut mu, bare a̱liikool ni meejake mu. An aŋ'áhin meejake, akina an ite Atambatun; an aŋ'áhin meejakut, an ondu ámeyiit Atambatun.

Efees 5:9

ábuki meejaaŋe mu uŋu mubuk doon fe deejake, ni deejoŋoore, ni dite múniyo.

Fílip 2:13

ábuki Atambatun ondu tu burok t'aruun kaanuku éehinuun áriimaŋi beetoofo bu, abe n'árihin bo yooŋ.

Galasi 6:8

An af'awañ wúfaŋi woone weejakut wu weetoofo wu barebare, wo káhinio éehotukan eket i. Bare an n'afin awañ beetoofe bu Búwejet Beenabe bu, bo káhinio éehotukan buroŋ béehabanaariit bu.

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

Kolos 1:29

Bondu bíkinineŋe fu n'iŋ'irok, abe n'iŋ'ítuum ni sembe si Kiris awunam su, sondu sunsu surok t'íñje dómbokun.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Saaŋ 5:39

Aŋ'ariŋesoor ti *Míkiñjin mu ábuki aŋ'ariene man múnooni kákinineŋ n'aribaj buroŋ béehabanaariit bu. Abe Míkiñjin mondu míhaminahamin uŋu húuma hu!

Saaŋ 1:47

Hi Yesu ajuke hu Natanayel ti bibin bu nu boone, n'aane: —An ondu aamo fu an ite *Israyel ite nu múniyo. An ite bifeeneŋ.

2 Korent 1:12

Iisokuun bimb'irisaŋgoor ne bo: sihel site s'uni súwufoorawufoor uni kaanuku iririikariiko n'ésuk i biriiko beejoŋoore, ni bijak yooŋ, áhaŋum n'aruun. Abe bondu fe t'Atambatun tu búnuutina fu. Káanukiiit tu búwesinato bite húŋgowulan. Aaa, t'Atambatun éewufoore u uni kajaku koone tu búnuutina fu.

1 Korent 15:10

Bare Atambatun áwufooramwufoor kajaku koone éehinam íiyemi an u eemo ee, abe naane áwufooram i kajaku koone, áfiitenut: irokarok ihaŋ bakaaku epotor fe. Múniyo íñjeiit humuumam if'irok iyu, bare kajaku k'Atambatun áwufooram ku keeemo ku t'íñje ufu kurok iyu.

Kafeeñal ku 3:15

ímoomi buroon b'á̱hine bu fe. Ímoomi kaanuku a̱jokokanut, á̱sufut yooŋ. Tiŋkan yéeni bare a̱jokokanajokokan man yooŋ á̱sufasuf!

Saaŋ 3:20

An fe éenoŋkaariit ajakee aŋ'ahuuf meejaaŋe mu, ábinaariit yooŋ te mo, ábuki aŋ'ákoleyi kaanuku buroon beejakut bu bamb'áhin n'iŋi bujukano.

Saaŋ 7:17

An af'ámaŋi káhinu b'Atambatun ámaŋie bu, o kámeyi man bimb'iliiken ésuk i, t'Atambatun tu búnuutina fu, man yooŋ íñje iŋ'inoŋk iisok.