Saaŋ 3:2 - Kwatay (Kuwaataay)

² N'abin kike káajiim bibin ti Yesu abe n'aano: —Ámuse u, írimoomi kaanuku Atambatun áboñini fu kaanuku a̱abin a̱liiken uni; ábuki an ayinaat káhinu buroon bamb'á̱hin beehaŋe bu ésuk i kikaw t'Atambatun ariboorut ne o.

Saaŋ 3:2 Referans Kwoze

Saaŋ 5:36

Abe abajeebaj bike beeseedaam beehaŋe bite bu Saaŋ: bo beemo fu burok bi Faaf u asaanam bu kaanuku íihin. Iŋ'íhin bo, abe búwufoorawufoor akuur but kaanuku Faaf u áboñinam fu.

Epotor i 10:38

Árimoomi yooŋ buŋ b'Atambatun ahoojane fu Yesu ite u *Nasaret nu Búwejet Beenabe bu, abe n'awuno yooŋ sembe. Yesu añaahoorañaahoor ésuk i fe ti káhinu meejake, abe n'aŋ'aritan ki Setani ajoke ku kareyi fe, ábuki Atambatun ámoomi ne o.

Epotor i 2:22

«Aruun bakate ku *Israyel, arijamatan jak b'ija bee kasokuuun: Yesu ite u *Nasaret, akina an árimeyie kaanuku Atambatun ámoomi ne o, ábuki awunowun éehin tu buhooŋuuun buroon beejahaluun ni beehaŋuun kikaw, naane árimeyie i bo aruun kumuumuun.

Saaŋ 9:16

Bakaake t'Efarisiyeŋ i ni kaane: —Áyin ondu éehine ii ayinaat kánuutina t'Atambatun, ábuki ateñekateñeko kajoku erimaas ite úne. Bakaaku ni kaane: —Ahoofoora áyinooni fíya káhinu beehaŋe ésuk i kikaw naane bondu? Náami kumuumiin yooŋ kajamoorut t'efeeneŋ.

Saaŋ 12:37

Bija naane áhine i tu buhooŋiiin buroon úkaan beehaŋiin kikaw fe, káyilenut mayet te o.

Saaŋ 1:38

Yesu n'aweteko, n'ajuk kaanuku bokondu ti kanabano. N'aaniin: —Naŋ n'árimaŋie fu? Ni kaano: —Rabi, kame diin t'a̱kine fu? (Rabi aamo fu ámuse u.)

Májiye 22:16

Ni kaboñ te o bakaake t'eriboora yeeniin, ni bakaake ti kéesiiŋooreina ku *n'Erod. Kareeŋ ni kaane Yesu: —Ámuse u, írimoomi kaanuku awe an ite bifeeneŋ, abe aŋ'a̱liiken ésuk i múniyo mu ti bítim bite Atambatun. Á̱koleyiit yooŋ an fe, ábuki á̱anaariit man an onde an ómbokun man yooŋ.

Saaŋ 7:31

Ti hahooja hu, úkaan ni káyilen te o. Iŋi kaane: —Afakana u af'aja abin, o fíya káhinu beehaŋe ésuk i kikaw, beehaŋe kahooju b'ániine onde áhine bu?

Saaŋ 20:16

Yesu n'aano: —Mari! Mari n'áwuŋgan nu boone abe n'aano: —Rabuni! (aamo fu «Ámuse u» ti kíhaminiin kite Esuwif i).

Saaŋ 15:24

Arko yéeni íhinut tu buhooŋiiin buroon b'an fe ámusut káhinu, man kasejanee wuhoofoor wooniin. Bare hahiye kajuka burok búuma, bokondu yooŋ ti kahuufu uni, íñje ni Faafam.

Saaŋ 3:26

Ni kaja kaŋaabo Saaŋ abe ni kaano: —Ámuse u, á̱baŋinabaŋino an éeyemie u n'awe ti yaayu eraab ti kaayelu kite ku *Surdeŋ, a á̱hamine u uŋu hoone hu? Ondu ti kaboste yooŋ, abe ésuk i fe eŋ'etey bija te o!

Mark 12:14

Káreeŋin ni kaano: —Ámuse u, írimoomi kaanuku awe an ite bifeeneŋ. Á̱koleyiit yooŋ an fe, ésuk i karare t'awe, ábuki á̱anaariit man an onde an ómbokun man yooŋ, abe aŋ'a̱liiken ésuk i múniyo mu ti bítim bite Atambatun. A̱sok uni fee, man uf'újaam *áyi ómbokun eeemo u Rom búhal, n'uŋ'útin *t'Eluwa yite Moyis, man yooŋ bayi? Úwarawar kajaamu bo, man yooŋ aaa?

Fílip 1:14

Bakan keehooje-hooj ti *kéeyilene ku, hi kajame hu kaanuku íñj'endu t'ekulu i, kikawiin ni kihaŋ kayaŋgu t'Anahaan u, kasooñen ni kahaŋ káñiŋkaan ti kawaare kite ésuk i Hirim hite Atambatun ti kákoleyiit.

Májiye 23:7

Iŋi kámaŋi ésuk i eŋ'erito yeesaafiin ti sifiñjan su, abe n'eŋ'eeniin «Ámuse u».

Májiye 23:8

Bare aruun fe baatiaay; iŋ'ite ho aamo fu ariwarut kajokiee naane émuse, ábuki Ámuse afeeneŋ taŋ a aribaje fu.

Saaŋ 2:11

Doon dondu di Yesu áhine fu dítiyar deehaŋe ésuk i kikaw. Kana, eke ésuk ite Gálile tu bondu bibaje fu. Iyu a áwufoore fu kániku koone, abe eriboora yeene ni káyilen te o.

Saaŋ 4:31

T'ewahatu yendu, eriboora yeene ti kaanio: —Ámuse u, a̱ñoofo, a̱ñoofo tíme!

Saaŋ 6:2

Bakan keehooje-hooj ni kanabano, ábuki kajukajuk buroon beehaŋiin kikaw h'áhine hu kéesomute ku kéekoyi.

Saaŋ 10:38

Bare if'íhin bo, arko yooŋ at'áriyilen t'íñje, áriyilen kame te bo man n'árimeyi akuur but kaanuku Faaf u ondu t'íñje, íñje yooŋ n'íyemi te o.

Saaŋ 14:10

Kame á̱yilenut kaanuku íñj'endu ti Faaf u, abe Faaf u yooŋ ondu t'íñje? Kirim ku kiŋk'isokuun fe kúuma kíiit, bare Faaf eeemo u t'íñje af'anoŋk éehin burok boone.