Saaŋ 3:16 - Kwatay (Kuwaataay)

¹⁶ Ábuki Atambatun ahaŋahaŋ kámaŋi ésuk i, ayak awun Añi oone afeeneŋ u, kaanuku an fe éeyilene te o atum'átowuto hiraanu, bare n'abaj buroŋ béehabanaariit bu.

Saaŋ 3:16 Referans Kwoze

Eleetar i yi Pool akiñje i bakate ku Rom 5:8

Bare iye a Atambatun áwufoore fu buŋ b'ámaŋie fu úne ariike: Kiris aketaket bija t'úne, úne káaroŋin ku ehoofoora.

Saaŋ 3:15

kaanuku kéeyilene ku te o fe ni kabaj buroŋ béehabanaariit bu.

Eleetar i yi Pool akiñje i bakate ku Rom 8:32

Akina éetumbut u awas Añio, bare n'ásiko asaan eeket bija t'úne úreyi, buŋ b'atuf'awun úne doon areyi fe t'afeeneŋ n'Añio?

Saaŋ 6:40

Hee, bonde butoofe fu Faafam: an fe eejuke Añi u abe n'áyilen te o, n'abaj buroŋ béehabanaariit bu, abe íñje karitano t'eket i tu hunak hiraanu hu.

Saaŋ 3:36

An éeyilene u t'Añi u abaja buroŋ béehabanaariit bu; an éeyilenut u t'Añi u at'ajuk buroŋ bondu, bare Atambatun akufokufo awasan.

1 Saaŋ 4:19

Atambatun ajabe fu ámaŋi úne. Iŋ'ite ho h'úmaŋio fu, akina nu kúŋgowulan ku fe.

Saaŋ 10:28

Iŋ'iwun kiŋki kasaam ti hiñaawu buroŋ béehabanaariit bu; iti kaket hikee, abe an at'aramiin t'emoŋiam.

Eleetar i yi Pool akiñje i bakate ku Rom 5:10

Úne yéeni enatoora Atambatun; bare áhina núubukan ne o t'eket ite Añi oone. Abe makamu hahiyu Añi oone ondu tu buroŋ, abe úbukana, buŋ b'atuf'afakan úne ariike?

Saaŋ 1:29

Tifiit, Saaŋ n'ajuk Yesu ti bibin ásooñann nu boone. N'aane: —O onde, Ametek ite Atambatun aa anuutan wuhoofoor wute ésuk i.

2 Tesalonik 2:16

Atambatun Faaf úne ámaŋamaŋi úne, abe ti kajaku koone n'ayaŋganan úne kikaw ko kireyi fe n'eyakar yeeyane. Uni bokondu ti kalawu Anahaan ite úne Yesu Kiris humuumo, n'Atambatun Faaf úne

Efees 2:4

Bare Atambatun aŋ'ayubiyen úne dómbokun, abe n'átumb ámaŋi úne naane, asooñen

Májiye 9:13

Ariliiken kámeyi bonde b'Atambatun asoke bu ti *Míkiñjin mu. Aanaan: «Arijak ti bakaaku; bondu b'ímaŋie fu, bare *wusarah wíiit.» Ábuki ibinut karuwu bakan keejoŋoore ku, bare bísambaŋ bu.

Kafeeñal ku 1:5

Yesu *Kiris yooŋ, aseede éejube u aja ásoniyanuun, abe n'awunuun káasuumaay, akina eeemo u átiyar u dók ti karitanee t'eket i, akina eeemo u áyi ite bákayi ku t'etaam i. Kiris ámaŋamaŋi úne, abe n'aram úne tu wuhoofoor wu ni halan hoone héeyuusee hu.

Saaŋ 1:14

Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.

Eleetar i yi Pool akiñje i Tit 3:4

Bare Atambatun *Afakana ite úne n'áwufoor úne kajaku koone, nu buŋ b'ámaŋie fu húŋgowulan ariike.

Saaŋ 1:18

An ámusut kajuku Atambatun. Bare Añi afeeneŋ u, eeemo u yooŋ Atambatun, abe n'áhin ni Faaf u káakondin kifeeneŋ, áhinahin núumeyio.

Mark 12:6

Náami bare an afeeneŋ taŋ aroŋo fu toko a ayino kaboñu; o aamo fu añi oone a ámaŋie u. Náami eeboño ti kaanu ni hikawo: «Boko kájeŋgin añi úuma.»

Hirim Heetoofe hu hi Luk akiñje hu 2:14

«Atambatun eeemo u t'etiir-t'etiir ánikanee, abe káasuumaay koone nu kuwunee bakan keetoofo ku t'etaam ye!»

Saaŋ 3:18

An éeyilene u t'Añi u ajoonanutee; bare an éeyilenut u te o ajoonanee ahaban, ábuki áyilenut t'Añi u afeeneŋ ite Atambatun.

Esuwif i 2:9

Újakutanajakutan bare bonde: Yesu awananeewanan kawanan keefiyeit, emalaka i keehaŋo. Ti kajaku kite Atambatun, n'aket bija tu kúŋgowulan ku fe. Bare hahiye uŋ'újuk kaanuku ánikanee dómbokun naane áyi iŋi sílaam s'ajuke su t'eket yeene.

1 Saaŋ 3:1

Arijuk naane Faaf u ámaŋie i úne ariike, asooñen n'aŋ'aane úne bakañio! Abe nu múniyo, úne bakañio. Bakate ku t'etaam ye kámeyiit Faaf u; bo bíkinineŋe fu kámeyiit úne yooŋ.