Saaŋ 16:3 - Kwatay (Kuwaataay)

³ Boko káhinu iyu aŋarkeyi naane kámeyiit Faaf u, kámeyiitam yooŋ.

Saaŋ 16:3 Referans Kwoze

Saaŋ 15:21

Bare boko káhinuuun bondu fe aŋarkeyi naane aruun bákuuma ku, ábuki kámeyiit an éeboñinam u.

Saaŋ 17:25

Faafa, awe éejube u, bakate t'etaam i kámeyiiti, bare íñje ímoomii, abe eriboora íima bokonde kámoomi kaanuku awe á̱boñinam.

2 Tesalonik 1:8

O bibin ti kaañen kómbokun kaanuku eenij ásuf ti kéemaŋiit ku kámeyi Atambatun, abe n'iŋi kateñeko káhinu naane Hirim Heetoofe hite h'Anahaan ite úne Yesu *Kiris husoke i.

Saaŋ 8:55

Árimeyiito, bare íñje ímoomio. Arko íñje if'eene ímeyiito, n'iŋ'íyemi ajuusa naane aruun. Bare ímoomio, abe ijokajok hirim hoone.

Saaŋ 8:19

Ni kaano: —Kame faafi ondu diin? Yesu n'aaniin: —Árimeyiitam, árimeyiit yooŋ Faafam. Kane árimeyiam yéeni, n'aŋ'árimeyi yooŋ Faafam.

1 Saaŋ 4:8

An eefinut ámaŋi ésuk i, an ondu ámeyiit Atambatun, ábuki Atambatun ámaŋamaŋi ésuk i.

1 Saaŋ 3:1

Arijuk naane Faaf u ámaŋie i úne ariike, asooñen n'aŋ'aane úne bakañio! Abe nu múniyo, úne bakañio. Bakate ku t'etaam ye kámeyiit Faaf u; bo bíkinineŋe fu kámeyiit úne yooŋ.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

1 Korent 2:8

Mayet afeeneŋ ti bakan kómbokun ku bakate ku t'etaam ye ámeyie búwesinato bondu. Kane kámeyi bo, man katib yéeni *t'ekuruwa i Anahaan éenike u.

Saaŋ 15:23

An eehuufam u, ahuufa yooŋ Faafam.

Hirim Heetoofe hu hi Luk akiñje hu 10:22

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

1 Timote 1:13

Hítiyar hu, iŋ'isok te o beejakut, iŋ'ílafatino yooŋ, abe n'iŋ'íhihinoor bakan koone. Bare Atambatun ayubiyenamyubiyen, ábuki ámoomi kaanuku bimb'íhinaani fe, ti kámeyiaate, abe íyilenut yéeni ti Kiris.

Epotor i 3:17

«Kújakuwe, hahiyu ímoomi kaanuku ti kámeyiaate t'árihine fii Yesu, aruun n'eseef yeenuun.

1 Saaŋ 2:23

Abe an eeteñekee Añi u, ámeyiit yooŋ Faaf u. An éesiiŋooreina n'Añi u, ámoomi yooŋ Faaf u.