Saaŋ 10:3 - Kwatay (Kuwaataay)

³ Ajukara ite ékus i aŋ'áfeŋgino karuŋ ku, abe síkarniina su iŋi sijam kaaji koone. Aŋ'aruw síkarniina soone yánoyan fe huruwu hite te yo, abe n'aŋ'anuutan so tíyaŋ.

Saaŋ 10:3 Referans Kwoze

2 Timote 2:19

Bare káyilen k'Atambatun awune ku úne kiyanayan naane kiñaan kítiyar kite enuuf. Kirim konde kikiñjee fu toko: «Atemit ámoomi bakan koone.» Nu bonde yooŋ: «An fe eeene akina an ite Atemit áwuŋg meejakut mu hiñaawu.»

Saaŋ 10:4

Af'aja ayak abin áami anuutana so sireyi fe, n'aŋ'ágilan so seesao ti hiñaawu, ábuki súmoomi kaaji koone.

Saaŋ 10:16

Huroŋam yooŋ sike síkarniina seeyoosoorut t'ékus yendu. Sondu, iwarawar bibin ne so. So yooŋ kajamu kaaji kúuma, abe n'aŋ'abaj kaahaaw kifeeneŋ taŋ, n'ahaawa yooŋ afeeneŋ.

Saaŋ 10:14

Íñj'eemo fu ahaawa eejake u. Ímoomi síkarniina súuma, so yooŋ súmoomiam,

Kafeeñal ku 3:20

A̱jam, iŋ'isiiŋo ti karuŋ ku, abe n'ikoŋkoŋan. An af'ajam kaajiam abe n'áfeŋgin, íñje buyooso te o iriiñoofo t'afeeneŋ.

Kafeeñal ku 7:17

Ábuki Ametek eeemo u kaagoroor n'eriikeey ite híyiaate hu aja fu kahaawiiin, abe o bija nu boko tu wúbulanu wute móhujo mummu muwun buroŋ bu. Abe Atambatun katotu muhuw mánoman ti ñíkiniin.

Eleetar i yi Pool akiñje i bakate ku Rom 8:30

Bakan kéekinineŋe ku Atambatun n'asoŋk bíhabaneina tu bondu, aruwiinruw yooŋ; k'aruwe ku, ajokiinjok yooŋ bakan kéejube; k'ajoke ku bakan kéejube, áhiniinhin yooŋ keemaat ti kániku koone.

Saaŋ 6:45

Tu wuwiit *w'eyiŋana yite Atambatun kakiñje wu, busokeesok toko kaanuku: «Atambatun kaliikeniin kareyi fe.» An fe eejamatane Atambatun, abe n'ajok b'aliikeno bu, o bibin t'íñje.

Saaŋ 6:37

Bakan ki Faaf u awunam ku bibin kareyi fe t'íñje, abe it'íkutoor hikee-kee an eebine u t'íñje.

Kafeeñal ku 20:15

An fe eeemo huruwu hoone hikiñjutee ti kaawiit kite buroŋ bu, n'áfiitenee ti han hite sineemak su.

Kolos 4:3

Af'áriyemi ti kalawu, n'aŋ'arilaw n'uni man Atambatun n'awun uni bítim iriiwaare ésuk i hirim hoone, abe n'irisokiin yooŋ béenuusee bite bu *Kiris. Aŋarkeyi naane iwaarawaare béenuusee bondu híkinineŋe fu n'ikulee.

Fílip 4:3

Awe yooŋ eeemo u burok wane bifeeneŋ, waasi, á̱yokunan haare hondu t'ésubaiin, íñje ilawi. Ábuki uni íriyemie fu t'étuum i t'afeeneŋ kaanuku Hirim Heetoofe hu heejamo, uni Kilemoŋiin, ni bakaaku bákawiyam fe kiŋki karok n'íñje. Atambatun akiñjakiñj kuruwu kooniin ti kaawiit koone kite buroŋ bu.

1 Piyeer 1:12

Atambatun n'áwufoor eyiŋana yeene aaniin hirim h'asaaniin hii bíjaiit tu boko, bare bija t'aruun. Hahiyu kiŋki kawaare Hirim Heetoofe hu kasokuunsok hirim hondu ti sembe site Búwejet Beenabe bu béeboñinee bu huta hu t'etiir. Abe humuum emalaka i kámaŋamaŋi kámeyi bondu.

1 Korent 16:9

ábuki ibaja bítim beejake-jak bite káhinu burok bómbokun bija t'Atambatun. Enatoora i bare kahoojahooj beebe.

Saaŋ 10:9

Íñj'eemo fu karuŋ ku. An eeŋaase u t'íñje, o kafaku. Áyinooni buyooso abe n'ánuutin, abe akina kabaju eehoofooro.

1 Saaŋ 4:6

Úne bare bakan bakate Atambatun. An éemeyie Atambatun aŋ'ajamatan úne; bare an eenooto ite Atambatun ájamatanaariit úne. Iyu u úyino fu kakeetan Búwejet bite múniyo mu, nu búwejet bite haajuus hu.

3 Saaŋ 1:14

Mánoman wane kajukoor memee, abe n'uŋu waanoŋk núwaahamin kúsuba wane.