Saak 2:5 - Kwatay (Kuwaataay)

⁵ Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

Saak 2:5 Referans Kwoze

Májiye 5:3

Yesu n'aaniin: —Atoof ti kéemeyie ku kaanuku kasawulasawulo Atambatun, ábuki Jáyi joone jooniin ju!

Hirim Heetoofe hu hi Luk akiñje hu 6:20

Yesu n'áheelin eriboora yeene abe n'aane: —Atoof t'aruun keebajut ku doon fe, ábuki aruun arikino fu *Jáyi jite Atambatun!

Kafeeñal ku 2:9

ímoomi sílaam s'a̱amo su te so, ímoomi kabajaate kúuwe, bare t'Atambatun awe husaanum! Ijamajam kílafatinu ku kiŋki kálafatini. Bakan kondu iŋi kaane boko kaamo Esuwif, bare nu múniyoiit: boko bakan bakate Setani!

2 Korent 8:9

Ábuki árimoomi naane Anahaan ite úne Yesu *Kiris áwufoore i úne kajaku koone: akina éeyemie u husaanum, n'áhinooro an eebajut uŋu hoonuun hu kaanuku man kabajaate koone ni kíhinuun áriiyemi kusaanum.

Hirim Heetoofe hu hi Luk akiñje hu 12:21

Yesu n'áwutiyen aane: —Iyu yooŋ i beemo fu n'an aŋ'akuukan ebaj bija te o humuumo, abe bare abajut doon fe t'Atambatun.

1 Piyeer 1:4

abe úmoomi kaanuku úne kákini buroon beejake b'Atambatun anaŋe bu bija ti bakan koone. Buroon bondu biyinaat búbujo, biyinaat kabuubat, biyinaat yooŋ bútowuto. Atambatun anaŋanaŋ bo tu bufor bu bija t'aruun.

Saak 1:12

Atoof t'an kane ajok alitee o ti sílaam; ábuki af'áwufoor kaanuku ajokajok alitee ahaban, o kabaju hisiibanu: ho heemo fu buroŋ b'Atambatun aane bu o kawunu kéemaŋio ku.

Esuwif i 11:26

Ajukajuk náami ifi kálafatino naane yooŋ *Afakana u, bondu bihaŋahaŋ ebaj ite Esipt fe. Ayinoorayinoor bondu ábuki ásikasik ñíkino fe anaŋ ti hisiibanu hite hágila.

Hirim Heetoofe hu hi Luk akiñje hu 12:32

—Árimoomi naane kaahaaw keefamut, bare atum'árikoleyi, ábuki ho hutoofe Atambatun n'awunuun jáyi joone.

1 Korent 2:9

Bare *Míkiñjin mu meenaan: «B'an ámusut bu kajuku, b'an yooŋ ámusut bu kajamu, ni b'an ámusut bu kayinoor, Atambatun afarafare bo bija ti bakan kéemaŋio ku.»

Májiye 25:34

Náami áyi u kaanu keeemo ku inde baatoso: «Aruun ki Faafam ásoniyane ku, aribin áriikini Jáyi jeefaree ju bija t'aruun huta h'etaam i eŋ'ebin éwuwanee.

Kafeeñal ku 21:7

An fe eeriiŋane, o kabaju bondu t'íñje. Íñje káyemi Atambatun oone, abe n'aŋ'áyemi añi úuma.

Saak 1:9

Akarjen eebajut, hikawo hutoof naane Atambatun ayito i.

2 Timote 4:8

Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.

2 Korent 6:10

Iŋi káhin uni íriitaañian, bare ko kireyi fe iŋ'iritoofan. Írimoomi naane bakan keebajut, bare iŋ'írihin keehooje kéeyemi kusaanum ti bítim bu. Írimoomi naane bakan kéeyekiit doon fe, bare uni irikino fu buroon bireyi fe.

Kafeeñal ku 3:18

Náami iirimi bonde: a̱bin a̱ajoohen t'íñje éwurus yeekuuranee ti sineemak, man n'á̱yemi husaanum. A̱joohen yooŋ wañ weefañje man n'a̱siimo á̱anuus méefuñinanie múuwe. Abe n'a̱joohen bubuun bite káhinu ti ñíkini man n'á̱yini kajuku.

1 Timote 6:18

A̱sokiin a̱aniin iŋi kanoŋk ajakee, abe ni káyemi kusaanum ti kinij keejake; káyemi bakan keewune, abe n'iŋi káruboor buroon booniin ni bakaaku.

Hirim Heetoofe hu hi Luk akiñje hu 16:25

Bare Aburaham n'ásafin aane: «Kamat, á̱baŋino kaanuku awe buroŋ, a̱wuneewun ebaj yeehahe, abe Lasaar n'afin asaanee wúseñji wu. Hahiyu ondu ti katoofu ku, awe a̱afin á̱laam.

Májiye 11:5

kéefuume ku kasiŋa kajuk, keeyinaat ku bija káyinia bija, ki *yafot i ejoke ku kákoyia, bútuut bu bisiŋa bijam, keekete ku iŋi karitanee t'eket i, abe keebajut ku doon fe iŋi kajamatan Hirim Heetoofe hu.

2 Piyeer 1:11

Iyu a Atambatun aja fu káfeŋginuun tay wuruŋ wute Jáyi jéehabanaariit ju. Jo jeemo fu jite ju Yesu Kiris Anahaan ite úne, *n'Afakana ite úne yooŋ toko.

2 Timote 4:18

O karamiam ti meejakut mánoman, abe o kajukaram kaanuku iibin iyooso ti Jáyi joone jite ju t'etiir. Aja ákini kániku ku hiraanu! Amiin.

2 Tesalonik 1:5

Bare sílaam sondu káwufoor kaanuku Atambatun aŋ'ajoonan ésuk i ajoŋooree. Ábuki fu naane aamo i aŋ'arijuk sílaam, Atambatun káhinuuun áriiyemi bakan bakate nu múniyo, buroŋ boonuun beeriib ni jáyi joone. H'arijoke hu te jo híkinineŋe fu n'aŋ'arijuk sílaam.

Efees 3:8

Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

Eleetar i yi Pool akiñje i bakate ku Rom 8:17

Abe makamu úne bakañio, úne kabaju húrub t'ebaj y'anaŋe i bija ti bakan koone. Úne kamaatu te yo ni Kiris, ábuki uf'úmaat ti sílaam soone, úne yooŋ kamaatu ti kániku koone.

Hirim Heetoofe hu hi Luk akiñje hu 16:22

Ániine ondu eebajut u n'aket. Emalaka i ni kayit yaan yeene kaja kariikan kaagoroor *n'Aburaham t'arijana i. Husaanum hu yooŋ n'aket, abe ni kahoko.

Saak 1:16

Kújakuwe, aruun k'ímaŋie-maŋie ku, atum'aribuut kikawuun:

1 Tesalonik 2:12

Iririmuunrim, n'iriyaŋgananuun kikaw, n'irilawuun yooŋ abe n'irisooñoor, kaanuku man buroŋ boonuun ni biriib naane t'Atambatun ámaŋie du, akina eeruwuun u kaanuku ariiyooso ti Jáyi joone ariijuk kániku koone.

Efees 1:18

Iŋ'ilaw Atambatun kaanuku eejaaŋan ñúwejet ñoonuun, man n'árimeyi eyakar yómbokun y'aruwuun i bite te yo, n'ebaj yéewarie-warie i y'anaŋe i bija ti bakan k'akino ku.

2 Korent 4:15

Bimbi bibaj uni fe, uŋu hoonuun hu, kaanuku man meejake mite Atambatun ni mihaŋ kagoru bakan keehooje. Iyu, ésuk i n'eŋ'ehaŋ kahooju ti kaanu Atambatun eyeehen, ni ti kasokoroor koone.

Saaŋ 7:48

Kame arijukajuk t'eseef ite úne, man yooŋ t'Efarisiyeŋ i afeeneŋ taŋ éeyilene te o?

Hirim Heetoofe hu hi Luk akiñje hu 22:29

Naane Faafam asaanam i híyiaate hu, iyu yooŋ i isaan fu ho n'aruun.

Mark 7:14

Ahaban, Yesu n'asooñ aruw hahooja hu abe n'aaniin: —Arijamatan jak arireyi fe áriimeyi bonde:

Epotor i 7:2

Eejen n'ásafin aane: —Bakat'am ni sifaafam, arijamatanam. Kóŋkeyin, Atambatun éenike u áŋaasinoŋaasin ti faaf úne *Aburaham h'áyemie hu Mesopotami, t'ajoorut aja akin Haran.

Saak 1:19

Kújakuwe, aruun k'ímaŋie-maŋie ku, ariwarawar kámeyi bonde: huruw fe awarawar iŋi kamoken ti kajamatan kite bakaaku, bare atum'amoken ti báhamin, atum'ahil yooŋ ti kayiŋat;