Saak 2:20 - Kwatay (Kuwaataay)

²⁰ Esoŋ yendu! Á̱maŋamaŋi bukuuri kaanuku an af'áyilen barebare, abe ánoŋkaariit ajakee, káyilen kondu kibajut éñjeriŋ?

Saak 2:20 Referans Kwoze

Saak 2:26

Húŋgowulan heebajut síhiinu, o an eekete. Káyilen yooŋ keeriboorut ni manoŋkar meejake, ko yooŋ keekete.

Saak 2:17

Iyu yooŋ i káyilen ku keemo fu: an af'áyilen barebare, abe áwufoorut ko tu hunoŋk hoone heejake hu, káyilen koone keekete.

Eleetar i yi Pool akiñje i bakate ku Rom 1:21

ábuki naane aamo i kámoomi fe kaanuku Atambatun abajabaj, kájeŋginaariito. Káanaariito yooŋ eyeehen naane kawaro i yéeni káhinu, kasooñen biyinoor booniin buñunut, siheliin seereeŋut su yooŋ ni síyemi t'ébaani.

Galasi 6:3

An af'ayinoor ti hikawo n'aane akina an ómbokun, abe bare anooto doon fe, an ondu abuuta hikawo.

Saak 1:26

An af'aane akina átumbatumba ajok bítim bu, abe bare ayinaat kajoku butumo, an ondu abuuta hikawo: káyilen koone kibajut éñjeriŋ.

Eleetar i yi Pool akiñje i Tit 1:10

Abajeebaj bakan keehooje kájeŋginaariit an, áhaŋum t'Esuwif i keeyoosee ku bítim bite *Kiris. Iŋi kabuut ésuk i ni kirim kooniin keeñunut ku.

1 Timote 1:6

Bakaake káwuŋgawuŋg bondu kiñaawu, abe iŋi kayiil ti báhamin beeñunut.

Kolos 2:8

Arinaŋ toko kikawuun an atum'abuutuun nu búwesinato bite húŋgowulan, beeemo bu bibajut éñjeriŋ. Búwesinato naane bondu iŋi kajam bo t'ejoosan ite kúŋgowulan ku, nu tu ñúwejet ñeebaje ñu sembe ñite ñu t'etaam ye. Búwesinato bondu búnuutinoot ti Kiris.

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Eleetar i yi Pool akiñje i bakate ku Rom 3:28

Uŋ'úene Atambatun ajokajok húŋgowulan an éejube iŋi káyilen koone ti Yesu Kiris, káanukiiit man iŋi naane ájeŋgine i Eluwa i.

Eleetar i yi Pool akiñje i bakate ku Rom 9:20

Kame awe á̱tumbe fu á̱yemi aañ, awe húŋgowulan hu hihi hijeeŋoor ii n'Atambatun? Éndiis yeerokee n'ekaf, eŋ'eene fíya an eeroke u yo: «Iŋi naŋ n'a̱rokam fee?»