Saak 2:19 - Kwatay (Kuwaataay)

¹⁹ Eeman á̱yilenayilen kaanuku Atambatun afeeneŋ abaje fu? Kame beejake. Sirab su yooŋ síyilenayilen bondu, abe iŋi síbit ekoloowe taŋ.

Saak 2:19 Referans Kwoze

Hirim Heetoofe hu hi Luk akiñje hu 4:34

—Híiña, Yesu ite u *Nasaret, kame baŋka úne? Kame kátowutan uni k'a̱bine fu? Ímoomi awe a̱amo fu aañ: an eenabe u a Atambatun áboñina u!

Mark 1:24

—Híiña, Yesu ite u *Nasaret, kame baŋka úne? Kame kátowutan uni k'a̱bine fu? Ímoomi awe a̱amo fu aañ: an eenabe u a Atambatun áboñina u!

Májiye 8:29

Náami keetaŋk t'etiir kaane: —Añi ite Atambatun, kame baŋka úne? Káhihinoor uni k'a̱bine fu t'ewahatu i ereeŋoorut?

Epotor i 16:17

N'aŋ'ásein uni ti hiñaawu uni Pooliin, abe n'aŋ'ataŋk aane: —Háyine hondu eroka bakate Atambatun eeemo u t'etiir-t'etiir! Kabinabin káwufooruun buŋ b'ariyino fu kafaku!

Galasi 3:20

Áreeŋinana aŋ'áyemi t'etut bakan. Bare h'Atambatun ajamoore hu n'Aburaham, o unoono, áreeŋinana áyemiit.

Epotor i 19:15

Bare hike hunak eke erab n'eeniin: —Ímoomi Yesu, ímoomi yooŋ aañ aamo fu Pool, bare aruun, aruun ariemo fu aañiin?

Mark 5:7

Yesu n'aŋ'aane toko: —Erab ye, a̱nuut t'ániine ondu! Ániine u n'ataŋk t'etiir aane: —Yesu, Añi ite Atambatun eeemo u t'etiir-t'etiir, kame baŋka wane? Íiwasiyani tu huruwu hite Atambatun, atum'á̱hihinooram!

1 Timote 2:5

Ábuki Atambatun afeeneŋ taŋ abaje fu, abe afeeneŋ taŋ asiiŋee fu t'etuto nu kúŋgowulan ku éehiniin keebukan: o aamo fu Yesu *Kiris húŋgowulan hu.

Mark 12:29

Yesu n'aano: —Yeehaŋe i fe yeemo fu yende yeeene i: «Arijamatan, aruun bakate ku *Israyel! Atemit aamo fu Atambatun ite úne, akina aamo fu Atambatun unoono.

1 Korent 8:6

T'úne bare Atambatun afeeneŋ taŋ abaje fu: o aamo fu Faaf u éewuwane u doon areyi fe, abe bija te o h'úemo fee buroŋ. Anahaan yooŋ afeeneŋ taŋ abaje fu: o aamo fu Yesu *Kiris, éekinineŋe u doon fe nu dúwuwin, abe n'ákinineŋ yooŋ n'úroŋ.

Eleetar i yi Pool akiñje i bakate ku Rom 3:30

ábuki Atambatun afeeneŋ taŋ abaje fu. Akina aja fu kajoku Esuwif i bakan kéejube ti káyilen kooniin, n'ajok yooŋ keenooto ku Esuwif bakan kéejube ti káyilen kooniin.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

Eleetar i yi Sud akiñje i 1:6

Áribaŋino yooŋ emalaka i kéemaŋiit ku biriiko t'Atambatun anaŋiin du yéeni, kayak kánuutin toko ti kakine du. Atambatun n'ajokiin, abe n'afaakiin ni ñaasel hiraanu. Ahaban, n'anaŋiin t'ébaani i bija tu Hunak hómbokun hu hi kayak hu kajoonanee.

Saak 2:8

*Míkiñjin mu meenaan: «A̱warawar kámaŋi áwiyi húŋgowulan naane á̱maŋie i hikawi.» Diyu eluwa yéenuutina t'Atambatun áyi u. Af'árihin nu múniyo naane esoke i, árihinahin ajakee.

1 Korent 8:4

Náami úyinooni fíya kateŋu efuwa yeesarahee ti ñájiim ñu? Úmoomi kaanuku: «Bájiim dóoniit fe t'etaam ye», abe: «Atambatun afeeneŋ taŋ abaje fu.»

Kafeeñal ku 20:10

Náami Setani aa abuut biheet bu áfiitenee ti han hite sineemak su n'efor yéesufe i, t'éndakakureŋ i éfiitenee du yéeni, yo n'ajuusa eeene u akina *ayiŋana ite Atambatun. Kabaa káhihinooree bújom tujon hiraanu.

Eleetar i yi Sud akiñje i 1:4

Ábuki abajeebaj bakan keejakut, kéenuusee kéeyoosein t'aruun. Iŋi kawetekanoor hirim heesoke hu mite kajaku kite Atambatun ite úne, kaanuku kéeyini káhinu beejakut naane hutoofiin i. Iyu ifi kateñeko Yesu *Kiris eeemo u Aseef ite úne unoono, n'Anahaan u yooŋ toko. Afiyeefiyo naane *Míkiñjin mu musoke i buŋ b'Atambatun aja fu kaniju tu boko.

Mark 7:9

Árihinahin fu ajak aa naane árifiitene i eluwa yite Atambatun, áriihin bu joosan yeenuun esoke bu!

Epotor i 24:25

Bare hu Pool áhamine hu tu buroŋ beejoŋoore bu, ni naane húŋgowulan aware i kajoku hikawo, ni kajoonan keeware ku bibin, Felikis n'ákoleyi abe n'aane: —Hahiyu a̱ja. If'ibin ibaj ejot, n'iŋ'isooñ iruwi.