Saak 1:5 - Kwatay (Kuwaataay)

⁵ Bare ake t'aruun afut'áwesinato areeŋ, alaw bo Atambatun, abe Atambatun kawunio bo. Ábuki Atambatun aŋ'awun ésuk i ereyi fe n'ehol yeekuure, abe áwatanaariit an.

Saak 1:5 Referans Kwoze

Saaŋ 15:7

Bare af'arijok t'íñje, abe n'arijok ti kirim kúuma, doon fe d'ariyak kalawu, aruun kabaju do.

Saak 3:17

Bare búwesinato béenuutina bu t'etiir, bítiyar bite te bo beemo fu *bukuurakuur. Hunuut toko ni bíyemi bite káasuumaay, ni bíneeni, abe biyaŋgut hikaw. Uŋu buyubiyen dómbokun, abe n'uŋu bubuk kunoŋk keejake. Bújokaariit ésuk i kawayo, abe bútuukaariit.

Saaŋ 14:13

Abe doon d'arilawe fe tu huruwu húuma, íñje káhinu do, man íñje eeemo u Añi u n'íwufoor ésuk i naane Faaf u ánike i.

1 Saaŋ 3:22

Aŋ'awun úne doon fe d'úlawo, ábuki uŋ'újeŋgin suluwa soone, abe beetoofo bu b'uf'úhin.

Saak 5:16

Náami arisokoor wuhoofoor woonuun, abe n'aŋ'arilaw bija ti bakanuun man n'árikoyi. Kalawu kite an éejube kibajabaj sembe, abe kúnooni káhinu buroon bómbokun.

Saaŋ 4:10

Yesu n'aano: —Kane á̱meyi yéeni b'Atambatun bamb'awun, n'aañ yooŋ af'aani iye a̱wuno éehujo, humuumi a̱ja fu kaanio awuni á̱ahujo, abe n'aŋ'awuni móhujo mummu muwun buroŋ bu.

Saak 1:17

kawunu fe keetoofe ni keejake, t'etiir tu buroon bondu búnuutina fu. T'Atambatun áwuwana ite meejaaŋe meeemo mu t'etiir t'ufu búnuutin béewanein. Atambatun áwayaariit, áwetekaariit yooŋ éehin ébaani.

Májiye 11:20

Yesu n'áyemi ti kawatan bakate ti kikinu ku t'ahaŋe du káhinu buroon beehaŋe bu ésuk i kikaw, ábuki kawasut kinij kooniin keejakut ku.

Mark 16:14

Yesu n'atik áŋaasin t'eriboora i sumoŋu n'afeeneŋ u, boko tu buñoofo. N'akamoor tu boko naane káyilen kooniin kifamut i, ni naane ñúwejet ñooniin ñíbaanie i, ábuki káyilenut keejuko ku h'áriteina hu t'eket i.