Saak 1:4 - Kwatay (Kuwaataay)

⁴ Bare arinaŋ toko kikawuun karuusaate koonuun kéeyemi kite hiraanu, man n'áriyemi bakan keeyane faŋ ti bítim bu, doon fe itim dijahaluun.

Saak 1:4 Referans Kwoze

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.

Hirim Heetoofe hu hi Luk akiñje hu 21:19

Af'arijok alit tip, n'aŋ'aribaj buroŋ béehabanaariit bu.

Májiye 5:48

Faafuun eeemo u t'etiir aŋ'akuur but; aruun yooŋ áriyemi naane akina.

2 Timote 3:17

Iyu a Atambatun áhine fu kaanuku man an eeemo oone n'áyemi an eefaree áhabanein, éeyinie káhinu burok fe beejake.

Galasi 6:9

Utum'úene úlaama ti káhinu kite meejake mu, ábuki uf'úñiŋkaan, af'areeŋee kep, úne káhotukan.

Saak 3:2

Úreyi fe uŋ'újuum kuhooj aa ti máhinar meehooje. An éejuumaariit ti báhamin, akina an eekuure but, akina an éeyinie bújokumooro áhabanein.

Saak 1:5

Bare ake t'aruun afut'áwesinato areeŋ, alaw bo Atambatun, abe Atambatun kawunio bo. Ábuki Atambatun aŋ'awun ésuk i ereyi fe n'ehol yeekuure, abe áwatanaariit an.

1 Korent 2:6

Bare keeemo ku káyilen kooniin kiyanayan, iŋ'iriwaareiin búwesinato bu. Búwesinato bite bíiit t'etaam ye, bite bíiit yooŋ bakan kómbokun ku bakate ku t'etaam ye keeemo ku bakate bútowuto.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

Hirim Heetoofe hu hi Luk akiñje hu 8:15

Sinawaay seeneye su t'etaam yeejake i seemo fu bakan kiŋki kajam hirim hu, ni kanaŋ ho ti sihel seekuure but, abe ni kajok te ho alit tip ayak abin áami kabuka miriyaay meejake.

Májiye 10:22

Ésuk i fe kahuufuuun uŋu húuma hu. Bare an eeja u kajoku alit tip bija tu hunak hiraanu hu, Atambatun kafakano.

2 Piyeer 1:9

Bare an eebajut u so, ámoomi naane an éefuume; ájukaariit áwariee. Afiilafiil kaanuku Atambatun akuuranakuuran wuhoofoor woone wute wu kóŋkeyin.

Saaŋ 17:23

Aamo fu íñje n'íyemi tu boko, abe n'á̱yemi t'íñje, man ni káyemi afeeneŋ taŋ, bakate t'etaam i kéemeyi yooŋ kaanuku awe á̱boñinam fu, abe á̱maŋiiinmaŋi yooŋ naane á̱maŋiam i.

Hirim Heetoofe hu hi Luk akiñje hu 18:22

Hi Yesu ajame hu bondu, n'aano: —Aroŋee doon difeeneŋ d'a̱ware káhinu: a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.

Mark 10:21

Yesu n'áheelino, náami ániine u atoofo dómbokun. N'aano: —Aroŋee doon difeeneŋ d'a̱ware káhinu: a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.

Májiye 19:20

Ábaakiit u n'aano: —Ifesut hikee tu suluwa sondu fe. Naŋ n'iware fu kasooñu íhin?

1 Tesalonik 5:23

Atambatun humuumo aa awun káasuumaay ku, áhin áriiyemi bokoone ku árihabanein. Aja ajukaruun yooŋ búwejet bu, yaan i, n'eni i fe, atum'aribin ariwatanee tu doon hunak h'Anahaan ite úne Yesu Kiris ábatikein hu te ho.