Saak 1:22 - Kwatay (Kuwaataay)

²² Atum'ariraan ti kajamatan hirim hite Atambatun barebare, bare árihin yooŋ naane husoke i. Káhinaate iyu, n'aŋ'aribuut kikawuun.

Saak 1:22 Referans Kwoze

Eleetar i yi Pool akiñje i bakate ku Rom 2:13

Káanukiiit kiŋki kajamatan Eluwa i abe araanee toko kaamo fu kéejube ku t'Atambatun; aaa, kéejube ku te o kaamo fu kiŋki káhin naane esoke i.

Saaŋ 13:17

Makamu árimoomi bo, af'árihin bo, kikawuun katoofu naane.

Saak 4:17

Náami an éemeyie meejake m'aware mu káhinu, abe áhinut mo, an ondu áhina kaahoofoor.

1 Saaŋ 2:3

Uf'újeŋgin buluwa bite Atambatun, bukuur úne kaanuku úmoomio.

Hirim Heetoofe hu hi Luk akiñje hu 11:28

Bare Yesu n'aano: —Ti kiŋki kajamatan hirim hite Atambatun, abe ni kajok ho t'ahaŋe fu katoofu!

Májiye 12:50

An aa áhin bi Faafam eeemo u t'etiir ámaŋie bu, an ondu aamo fu at'am, ániinam, n'íñaayam toko.

Kolos 3:17

Abe doon fe d'ariemo ti káhinu, man yooŋ ti kasoku, árihin do tu huruwu hite Anahaan u Yesu, abe n'ariene yooŋ Atambatun Faaf u eyeehen uŋu hoone hu.

Kafeeñal ku 22:7

Yesu n'aane: —Arijamatan, íñje bibin memee! Atoof t'an éejeŋgine u báhamin béenuutina bu t'Atambatun, beesokee bu ti kaawiit konde!

1 Saaŋ 3:7

Kúñuumo, atum'ariwas an fe eebuutuun! An aŋ'áhin béejube, ájubajub naane Yesu Kiris ájube i.

Saak 1:26

An af'aane akina átumbatumba ajok bítim bu, abe bare ayinaat kajoku butumo, an ondu abuuta hikawo: káyilen koone kibajut éñjeriŋ.

Galasi 6:7

Atum'aribuut kikawuun: Atambatun ásuwaariitee. Huruw fe káhotukan doon d'awañe du.

3 Saaŋ 1:11

Óom, atum'a̱liikool ni meejakut mu, bare a̱liikool ni meejake mu. An aŋ'áhin meejake, akina an ite Atambatun; an aŋ'áhin meejakut, an ondu ámeyiit Atambatun.

Galasi 6:3

An af'ayinoor ti hikawo n'aane akina an ómbokun, abe bare anooto doon fe, an ondu abuuta hikawo.

1 Korent 6:9

Árimeyiit kaanuku kiŋki káhin meejakut mu iti kamaat hikee ti *Jáyi jite Atambatun? An atum'abuutuun: kiŋki kafurukato, n'ewaasena i, ni kiŋki kaŋot ni bakan ki kaseñeit ku, ni kiŋki kaŋot ániine n'ániine,

Májiye 28:20

abe n'ariliikeniin kéehin buroon b'isokuun bu fe. Abe n'árimeyi bonde: íñje káyemi n'aruun ko kireyi fe, ayak abin áami yooŋ etaam i emoosena.

1 Saaŋ 1:8

Uf'úene úbajut mayet kaahoofoor, úbuuta kikaw úne, abe múniyo mu munooto t'úne.

Fílip 4:8

Kújakuwe, biraanu búuma bonde: árisik siheluun arinaŋ tu buroon beejake, beejare kasokorooree. Bo beemo fu doon fe dite nu múniyo, doon fe dite kájeŋginee, déejube, *deekuure, deetoofe, nu doon fe deewaree kajoku nu sumoŋu súsuba.

1 Korent 15:33

Atum'aribuut kikawuun: «Kariboor ni bakan keejakut kúnooni kábuju an eejake.»

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

2 Piyeer 2:13

Kunoŋk keejakut ki káhine ku bakaaku, boko kabatikanee ko. Katoofu kooniin fe keemo fu ni káhin wúfaŋi wooniin weejakut wu mijiniŋga raŋgaw. Ifi káyemi tu buñoofo n'aruun t'afeeneŋ, iŋi kajuusuun kep kikawiin keetoof; abe bondu bútumbatumba búfuñinani t'aruun.

Eleetar i yi Pool akiñje i Tit 3:3

Ábuki hítiyar hu, úne yooŋ úbajut kikaw, újeŋginaariit an, abe úmoomi naane bakan keehiile. Úne yéeni búsukateen bite wúfaŋi weejakut wánowan, ni katoofu kánokan. Úkinaanakinaani ti bánafut ni bíhiñanoor. Uŋ'úhuuf bakaaku, ni kahuuf úne yooŋ.

1 Korent 3:18

An atum'abuut hikawo: ake t'aruun af'aliik ti bakate ku t'etaam ye n'aane áwesinatawesinato, aja áyemi t'ésuk i naane an eewene, t'áami nu múniyo áwesinatawesinato.

2 Timote 3:13

Bare kéenafute ku ni ñatuuk ñu, boko kahaŋu ti meejakut mooniin kep. Boko kabuutu bakaaku, abe boko kumuumiin yooŋ kabuutiee.

Saak 4:11

Kújakuwe, atum'arisok meejakut ti bakaaku. An af'asok meejakut t'ake, man yooŋ n'ajoonano, asoka meejakut t'Eluwa yite Atambatun, ajoonana yo yooŋ. Abe af'a̱joonan Eluwa i, aŋkut á̱yemi an éejeŋgine yo: awe ajoonana yo.