Saak 1:21 - Kwatay (Kuwaataay)

²¹ Iŋ'ite ho aamo fu arinuutan ti siheluun doon fe *deekuurut, abe n'ariwas kunoŋk fe keejakut. Áritetianooro ariijok hirim heenawee hu ti siheluun, ábuki húnooniuun kafakan.

Saak 1:21 Referans Kwoze

Efees 4:22

Náami ariwarawar kawasu manoŋkar moonuun mítiyar mu. Manoŋkar mondu mummu múyoosanaaniuun tu wúfaŋi wuwu wubuutuun múbujuunbuj fu yéeni.

Efees 1:13

Aruun yooŋ kéehine ku t'afeeneŋ ni Kiris, arijamajam hirim hite múniyo mu, heeemo hu Hirim Heetoofe hu héekinineŋe hu n'arifak. H'áriyilene hu ti Kiris, Atambatun n'áhin t'aruun éluwenuma yite káwufoor kaanuku aruun bokoone ku; yo yeemo fu Búwejet Beenabe bu b'afiye bu aane o kawunu úne.

1 Piyeer 2:11

Kújakuwe, aruun k'ímaŋie-maŋie ku, aruun keeemo ku emoosoora t'etaam ye abe yooŋ at'arifiyo, waasuun, ariwas wúfaŋi weejakut wu, ábuki uŋu wutiik n'aruun.

Saaŋ 6:63

Búwejet Beenabe bu ufu buwun buroŋ bu; húŋgowulan ayinaat káhinu bondu. Kirim k'isokuun ku ufu kuwun Búwejet bu nu buroŋ bu.

1 Piyeer 2:1

Náami hahiyu ariwas bánafut bu, ni haajuus hu, nu butuuko bu, ni baabet bu, nu husoku hu ti bakan.

Esuwif i 12:1

Eseede keehooje-hooj kaŋoloolaŋolool úne. Náami úne yooŋ útuyinooro doon fe deekolene bija bite b'úne, ni kaahoofoor ku kuŋku kukolen yooŋ úne ti meehile jab, abe n'úñiŋkaan núutey kateyi k'úsokee ku.

Saak 4:8

Ariloh Atambatun, abe n'aŋ'alohuun. Aruun ehoofoora i, *arikuuranooro; aruun kaŋk'árihin sihel súsuba, arikuuran siheluun!

Eleetar i yi Pool akiñje i Tit 2:11

Atambatun áwufoorawufoor ésuk i kajaku koone kéeyinie ku kafakaniin kareyi fe.

Eleetar i yi Pool akiñje i bakate ku Rom 1:16

Ifuñeit kawaare Hirim Heetoofe hu: ho heemo fu sembe site Atambatun sans'afakan ne so an fe éeyilene, éejabin t'Esuwif i, abe n'ahabanooro ti keenooto ku Esuwif.

Esuwif i 4:2

Ábuki újamajam Hirim hondu Heetoofe hu, hite kaanuku úne buyooso t'afaree du núubin úuyih toko, naane kéeyemie ku t'eramba i kajame i ho yooŋ. Bare hirim hi kajame hu híñjeriŋutiin doon fe, ábuki káyilenut ho tu ñúwejet ñooniin.

Esuwif i 2:3

Náami buŋ b'úyino fu kafaku tu kúnuur kondu kéesufe ku, kane arko núuwiinen hirim héeyinie hu úne kafakan, h'Anahaan u Yesu humuumo ajabe hu asok? Keejamo ku ti báhamin bu kaanaan úne hite nu múniyo.

1 Korent 15:2

Te ho t'Atambatun aja fu kaŋaasu eefakanuun, kane arko ariijok ho naane t'ibine du isokuun ho. Káhinaate iyu, n'aŋ'áami áriiyilen fuufu.

Eleetar i yi Pool akiñje i bakate ku Rom 6:17

Bare úene Atambatun eyeehen: aruun kéeyemie ku hítiyar hu búsukateen bite kaahoofoor ku, arijokajok hahiye árihabanein tu múniyo m'ariliikenee mu.

Saaŋ 6:68

Simoŋ Piyeer n'aano: —Anahaan u, kame iriija yooŋ t'aañ? Awe a̱baje fu kirim ku kuŋku kuwun buroŋ béehabanaariit bu.

1 Tesalonik 2:13

Iŋ'iriene Atambatun ko kireyi fe eyeehen ti bike yooŋ: h'irisokuun hu hirim hite Atambatun, arijamatanajamatan, abe n'áriyilen ho náaneiit hirim hite húŋgowulan, bare naane hirim hite Atambatun; múniyo hite h'Atambatun, abe uŋu hurok t'aruun kéeyilene ku.

2 Korent 7:1

Kújakuwe, aruun k'ímaŋie-maŋie ku, makamu Atambatun aanaan o káhinu úne bondu fe, úkuuranooro tu buroon bu fe bumbu bubuusatan sini su nu ñúwejet ñu. Úbaj buroŋ bite bakan keenabe kareeŋ, abe n'úkoleyi Atambatun.

Epotor i 13:26

«Kújakuwe, aruun bakañi *Aburaham, n'aruun yooŋ keeyoosee ku bítim bite Atambatun: úne k'Atambatun áboñina fu hirim honde héewufoore hu naane aja i kafakan úne.

1 Piyeer 1:9

Ábuki aruun bokondu ti kabaju hisiibanu hite káyilen koonuun: ho heemo fu kafaku kite siyaan soonuun.

Eleetar i yi Pool akiñje i bakate ku Rom 11:17

Bakate ku *Israyel kámoomi naane *núolifiye neenawee, abe bike biland ni bifiitee. Aruun keenooto ku Esuwif n'áriyemi naane biland bite nike neenoŋke néelooñin, abe ni bísikee beesukenee ti baabu bifiitee du. Hahiyu halan huhu húnuutin ti kíjiŋ kite nunukanuk nondu neenawee nu ufu huwunuun sembe.

Epotor i 10:33

N'ihaŋ íboñin búuwe, abe á̱hinahin áwariee naane a̱bine i. Hahiyu uni bokondu diye irireyi fe hágila Atambatun, kaanuku iriijamatan bireyi fe b'Atemit asaani bu kaanuku a̱asok uni.

Májiye 5:5

Atoof ti kéeneenie ku, ábuki Atambatun kawuniiin etaam i kéekini yo!

1 Tesalonik 1:5

Irisokuunsok Hirim Heetoofe hu, káanukiiit ni kirim barebare, bare yooŋ ni sembe site Búwejet Beenabe bu, abe bukuurakuur uni kaanuku Hirim honde Heetoofe hu hite nu múniyo. Abe arijukajuk naane biriiko bite b'uni t'aruun bíñjeriŋuun i.

Efees 5:4

Ajakutee yooŋ n'aŋ'arifut báhamin; ariwas yooŋ báhamin béekojie. Ho húkoyie n'arilaw Atambatun ariieno eyeehen.

Efees 4:25

Iŋ'ite ho aamo fu atum'aŋ'arijuus! Huruw-ruw fe asok áwiyo bite bu nu múniyo, ábuki úhinahin t'afeeneŋ.

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.