Saak 1:19 - Kwatay (Kuwaataay)

¹⁹ Kújakuwe, aruun k'ímaŋie-maŋie ku, ariwarawar kámeyi bonde: huruw fe awarawar iŋi kamoken ti kajamatan kite bakaaku, bare atum'amoken ti báhamin, atum'ahil yooŋ ti kayiŋat;

Saak 1:19 Referans Kwoze

Efees 4:26

Af'ariyiŋat, arinaŋ toko kikawuun, atum'aribin ariney ti kaahoofoor. Atum'aŋ'ariŋotan kayiŋat koonuun.

Kolos 3:8

Bare hahiye, ariwas bonde fe: kajoku an tu suhol soonuun, ni kayiŋat, ni bánafut. Kílafatinu kuwarut kánuutina tu ñutumuun, ni báhamin yooŋ beefute fe.

Efees 4:31

Arinuutan méetike meeemo mu tu suhol soonuun, ni kajoku an tu suhol soonuun, ni kayiŋat, nu sulob, ni bílafatinool, ni bánafut bánoban.

Kolos 3:15

Káasuumaay ki Kiris kaŋk'awun kija kujoŋooran siheluun. Atambatun aruwuunruw bite káasuumaay kondu kaanuku áriiyemi eni efeeneŋ. Arieno ko kireyi fe eyeehen.

Májiye 5:22

Íñje bare eenuun: an fe eeyiŋate t'áwiyo, o kajoonanee. An af'aane áwiyo: «A̱yakut hikaw!», n'aŋ'ajee ne o ti sifaaf site ejoonana i. An n'aane áwiyo: «Esoŋ yendu!», n'aŋ'áfiitenee sambuun.

Saak 1:26

An af'aane akina átumbatumba ajok bítim bu, abe bare ayinaat kajoku butumo, an ondu abuuta hikawo: káyilen koone kibajut éñjeriŋ.

1 Tesalonik 2:13

Iŋ'iriene Atambatun ko kireyi fe eyeehen ti bike yooŋ: h'irisokuun hu hirim hite Atambatun, arijamatanajamatan, abe n'áriyilen ho náaneiit hirim hite húŋgowulan, bare naane hirim hite Atambatun; múniyo hite h'Atambatun, abe uŋu hurok t'aruun kéeyilene ku.

Epotor i 17:11

Bakate ku bo kahaŋe Esuwif i bakate ku Tesalonik bíhandino, ábuki kajokajok hirim hite Atambatun káhabanein. Húnakonak fe, n'iŋi kajaŋga ti *Míkiñjin mu keejuk man bu Pool bamb'asok bite toko.

Hirim Heetoofe hu hi Luk akiñje hu 19:48

Bare kámeyiit naane kaja i, ábuki ésuk i fe eŋ'ejamatano kep.

Mark 2:2

Ésuk i n'étumb éhoojin toko ayak abin áami an aŋkut are, bija yooŋ tu húruman hu fe. Aŋ'asokiin toko hirim hite Atambatun.

Epotor i 10:33

N'ihaŋ íboñin búuwe, abe á̱hinahin áwariee naane a̱bine i. Hahiyu uni bokondu diye irireyi fe hágila Atambatun, kaanuku iriijamatan bireyi fe b'Atemit asaani bu kaanuku a̱asok uni.

Epotor i 2:42

Iŋi kajok alit tip ti b'epotor i bimbi kaliikeniin, ni kariiko t'afeeneŋ biriiko beejake, ni kafiitar kumburu ku t'afeeneŋ, abe n'iŋi kalaw yooŋ t'afeeneŋ.

Hirim Heetoofe hu hi Luk akiñje hu 15:1

Hike hunak, *kiŋki kasa búhal bu, ni bakate kuruwu kéebujee ku ni kátofin kareyi fe bibin ti Yesu kaanuku keejamatano.

1 Saaŋ 2:21

Náami if'íkiñjinuun, iŋi káanukiiit man aruun árimeyiit múniyo mu, bare aŋarkeyi naane árimoomi mo. Abe árimoomi yooŋ kaanuku haajuus hiyinaat kánuutina tu múniyo mu.

Epotor i 13:48

Hi keenooto ku Esuwif kajame hu bondu, kikawiin nu kutoof naane, abe ni káyemi ti kasokoroor hirim hite Anahaan u. K'Atambatun ajifane ku fe kaanuku keebaj buroŋ béehabanaariit bu, ni káyilen.

Mark 12:37

Dafit humuumo aŋ'aano «Anahaan u». Náami buŋ *b'Afakana u ayino fu kasooñu áyemi añio? Bakan úkaan kámoomi ti kajamatano. Nu hutoofiin dómbokun.

Epotor i 1:15

Tu kunak kondu, *kéeyilene ku bokondu ti kakuukanooree du (kareeŋ téemeer nu butuman), Piyeer n'arito asiiŋo t'etut abe n'aaniin:

Saak 1:2

Kújakuwe, kikawuun kutoof dómbokun kane ariwar kajuku sílaam sánosan.

Saak 1:16

Kújakuwe, aruun k'ímaŋie-maŋie ku, atum'aribuut kikawuun:

Saak 2:1

Kújakuwe, aruun kéeyilene ku t'Anahaan ite úne Yesu *Kiris éenike u, atum'arijok ésuk i kawayoor.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

Saak 3:10

Kasokoroor uŋu kúnuutin tu butum bifeeneŋ bu ni káwuumu. Kújakuwe, buwarut bija iyu.

Saak 4:11

Kújakuwe, atum'arisok meejakut ti bakaaku. An af'asok meejakut t'ake, man yooŋ n'ajoonano, asoka meejakut t'Eluwa yite Atambatun, ajoonana yo yooŋ. Abe af'a̱joonan Eluwa i, aŋkut á̱yemi an éejeŋgine yo: awe ajoonana yo.

Saak 5:12

Kújakuwe, beehaŋe bu fe beemo fu bonde: af'ariene aruun káhinu dike doon, atum'ariwaat hikee. Atum'ariwaat bufor bu, n'etaam i, atum'ariwaat yooŋ doon fe. Af'arko hee, ariene «hee», af'arko aaa, ariene «aaa», man Atambatun atum'abin ajoonanuun.

Saak 5:19

Kújakuwe, árimeyi bonde: ake t'aruun af'akamb múniyo mu, abe ake n'ábatikanno, an éenuutanna ahoofoora ti bítim bu t'áyemie du tu bútowuto bu, an ondu afakano t'eket i, abe o kákinineŋ wuhoofoor weehooje nu wuboŋketee.