Saak 1:16 - Kwatay (Kuwaataay)

¹⁶ Kújakuwe, aruun k'ímaŋie-maŋie ku, atum'aribuut kikawuun:

Saak 1:16 Referans Kwoze

Saak 1:19

Kújakuwe, aruun k'ímaŋie-maŋie ku, ariwarawar kámeyi bonde: huruw fe awarawar iŋi kamoken ti kajamatan kite bakaaku, bare atum'amoken ti báhamin, atum'ahil yooŋ ti kayiŋat;

Fílip 2:12

Náami kújakuwe, aruun k'ímaŋie-maŋie ku, árijeŋginamjeŋgin ko kireyi fe h'íyemie hu n'aruun; bare hahiye naane aamo i inooto t'aruun, ariwarawar kahaŋu kájeŋginam. Áriñiŋkaan ariirok áriiwufoor kaanuku arifakafak, abe n'árihin bo ti kábitu ni sembe hágila Atambatun,

Galasi 6:7

Atum'aribuut kikawuun: Atambatun ásuwaariitee. Huruw fe káhotukan doon d'awañe du.

Kolos 2:8

Arinaŋ toko kikawuun an atum'abuutuun nu búwesinato bite húŋgowulan, beeemo bu bibajut éñjeriŋ. Búwesinato naane bondu iŋi kajam bo t'ejoosan ite kúŋgowulan ku, nu tu ñúwejet ñeebaje ñu sembe ñite ñu t'etaam ye. Búwesinato bondu búnuutinoot ti Kiris.

Esuwif i 13:1

Árimaŋioori ko kireyi fe naane baatiaay, aruun bakan kite Atambatun.

Kolos 2:4

Isokuunsok bonde kaanuku an atum'abin abuutuun ni báhamin beetoofe.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

2 Timote 2:18

Kawasawas múniyo mu, abe ni kábuj káyilen kite bakaake iŋi kaaniin Atambatun aheeka eeritan úne t'eket i.

Fílip 4:1

Náami kújakuwe, aruun k'ímaŋie-maŋie ku, arkaam kasooñu íheelin t'aruun dómbokun. Ábuki aŋ'árihin hikawam heetoof, abe n'aruun yooŋ n'if'isaŋgoor. Iŋ'ite ho aamo fu waasuun, arijok alitee tu buroŋ boonuun n'Anahaan u.

1 Korent 6:9

Árimeyiit kaanuku kiŋki káhin meejakut mu iti kamaat hikee ti *Jáyi jite Atambatun? An atum'abuutuun: kiŋki kafurukato, n'ewaasena i, ni kiŋki kaŋot ni bakan ki kaseñeit ku, ni kiŋki kaŋot ániine n'ániine,

Mark 12:27

Atambatun, akina Atambatun ite keeroŋe ku, bija ni keeenee ku boko kakete fe, ábuki buroŋ bu t'éketiit ti biraane fu. Árijuumajuum dómbombokun!

Mark 12:24

Yesu n'aaniin: —Árijuuma fu, abe árimoomi iŋi naŋ? Ábuki árimeyiit *Míkiñjin mu, árimeyiit yooŋ sembe site Atambatun.

Májiye 22:29

Yesu n'aaniin: —Árijuuma fu, ábuki árimeyiit *Míkiñjin mu, árimeyiit yooŋ sembe site Atambatun.

Epotor i 1:15

Tu kunak kondu, *kéeyilene ku bokondu ti kakuukanooree du (kareeŋ téemeer nu butuman), Piyeer n'arito asiiŋo t'etut abe n'aaniin:

Saak 1:2

Kújakuwe, kikawuun kutoof dómbokun kane ariwar kajuku sílaam sánosan.

Saak 2:1

Kújakuwe, aruun kéeyilene ku t'Anahaan ite úne Yesu *Kiris éenike u, atum'arijok ésuk i kawayoor.

Saak 2:14

Kújakuwe, an af'aŋ'aane abajabaj káyilen, abe bare ánoŋkaariit ajakee, bibajabaj fíya éñjeriŋ? Káyilen kondu kúnoonio fíya kafakan?

Saak 3:1

Kújakuwe, bakate ku t'aruun kiŋki kaliiken ésuk i kawarut kahooju, ábuki árimoomi kaanuku uni eliikena yite ésuk i, uni kajoonanee ahaŋ kaniŋu bakaaku.

Saak 3:10

Kasokoroor uŋu kúnuutin tu butum bifeeneŋ bu ni káwuumu. Kújakuwe, buwarut bija iyu.

Saak 4:11

Kújakuwe, atum'arisok meejakut ti bakaaku. An af'asok meejakut t'ake, man yooŋ n'ajoonano, asoka meejakut t'Eluwa yite Atambatun, ajoonana yo yooŋ. Abe af'a̱joonan Eluwa i, aŋkut á̱yemi an éejeŋgine yo: awe ajoonana yo.

Saak 5:12

Kújakuwe, beehaŋe bu fe beemo fu bonde: af'ariene aruun káhinu dike doon, atum'ariwaat hikee. Atum'ariwaat bufor bu, n'etaam i, atum'ariwaat yooŋ doon fe. Af'arko hee, ariene «hee», af'arko aaa, ariene «aaa», man Atambatun atum'abin ajoonanuun.

Saak 5:19

Kújakuwe, árimeyi bonde: ake t'aruun af'akamb múniyo mu, abe ake n'ábatikanno, an éenuutanna ahoofoora ti bítim bu t'áyemie du tu bútowuto bu, an ondu afakano t'eket i, abe o kákinineŋ wuhoofoor weehooje nu wuboŋketee.