Saak 1:12 - Kwatay (Kuwaataay)

¹² Atoof t'an kane ajok alitee o ti sílaam; ábuki af'áwufoor kaanuku ajokajok alitee ahaban, o kabaju hisiibanu: ho heemo fu buroŋ b'Atambatun aane bu o kawunu kéemaŋio ku.

Saak 1:12 Referans Kwoze

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.

Kafeeñal ku 2:10

Atum'á̱koleyi sílaam s'a̱ja su kajuku. A̱jam i: Setani kajoku bakaake t'aruun aja akul kaanuku man n'áhinuun áriiwuŋg Atambatun kiñaawu, abe aruun kajuku sílaam kunak keereeŋe sumoŋu. Bare a̱jok alitee hutoof yooŋ ni kayooli, abe n'iŋ'iwuni buroŋ bu naane hisiibanu.

Saak 5:11

Uŋ'úene katoofana, ábuki kajokajok alitee. Arijamajam naane Sob abine i ámuñ, abe árimoomi naŋ n'Atemit abine fu awuno. Ábuki Atemit aŋ'ayubiyen naane, abe ajakajak faa t'ésuk i.

Eleetar i yi Pool akiñje i bakate ku Rom 8:28

Úmoomi kaanuku doon fe deeyino kabaju kéemaŋie ku Atambatun, bokondu k'aruwe ku naane t'afiye du asok, aŋ'áhin do déeyemi deejake bija ti káasuumaay kooniin.

Májiye 10:22

Ésuk i fe kahuufuuun uŋu húuma hu. Bare an eeja u kajoku alit tip bija tu hunak hiraanu hu, Atambatun kafakano.

1 Korent 9:25

Kiŋki káhin buroon bu naane kateyi ku bija ti síheekoor su, ajok étuum i, iŋi kajab kaliiken ásuf. Iŋi káhin bondu kaanuku man ni kabin kabaj hisiibanu héefiyaariit. Úne bare uŋ'úhin bo kaanuku man n'úbaj hisiibanu hite hiraanu.

1 Piyeer 3:14

Hutoof yooŋ ariwarawar kajuku sílaam aŋarkeyi naane aŋ'árihin meejake, kikawuun n'uŋu kutoof. Atum'árikoleyi an, abe atum'ariwas an eehohotanuun.

2 Timote 4:8

Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

1 Piyeer 5:4

Abe Kiris Aseef ite ehaawa i af'aja áŋaasin, n'aŋ'awunuun hisiibanu héenike, abe utu húbujo hikee.

1 Korent 2:9

Bare *Míkiñjin mu meenaan: «B'an ámusut bu kajuku, b'an yooŋ ámusut bu kajamu, ni b'an ámusut bu kayinoor, Atambatun afarafare bo bija ti bakan kéemaŋio ku.»

Kafeeñal ku 3:21

An fe eeyak kariiŋan, íñje karahano t'eriikeey íima yite híyiaate hu, naane iriiŋane i yooŋ, Faafam n'arahanam t'eriikeey yeene yite híyiaate hu.

1 Piyeer 4:13

Kikawuun kutoof kep aŋarkeyi naane aŋ'arimaat ti sílaam site *Kiris, man hunak h'ésuk i eja hu kajuku kániku koone, n'aritoofan árihabanein.

1 Korent 8:3

Bare an éemaŋie u Atambatun, Atambatun ámoomio.

Kafeeñal ku 3:19

Bakan k'ímaŋie ku fe, iŋ'ijoŋooraniin abe n'ímiñiin. Náami á̱ñiŋkaan á̱habanein, abe n'a̱watanooro wuhoofoor wúuwe.

Esuwif i 10:32

Áribaŋino beebajuun bu hítiyar hu, hu múniyo mite Atambatun mijaaŋanuun hu. Arijukajuk kóŋkeyin sílaam sómbombokun, bare arijokajok alitee.

Esuwif i 6:15

Aburaham n'anahan ti kámuñu yooŋ kep, abe n'abin abaj b'Atambatun afiye bu asoko.

Májiye 25:34

Náami áyi u kaanu keeemo ku inde baatoso: «Aruun ki Faafam ásoniyane ku, aribin áriikini Jáyi jeefaree ju bija t'aruun huta h'etaam i eŋ'ebin éwuwanee.

Esuwif i 11:17

Káyilen kíkinineŋe fu Aburaham n'ásik Isak kaanuku yéeni eesaraho, h'Atambatun aŋese hu kajuku buŋ bi káyilen koone keemo fu ariike. Ásikasik añi oone afeeneŋ u kaanuku eesaraho, abe bare Atambatun káahinin koone eeyakar

1 Saaŋ 4:19

Atambatun ajabe fu ámaŋi úne. Iŋ'ite ho h'úmaŋio fu, akina nu kúŋgowulan ku fe.

Esuwif i 12:5

Kame arifiilafiil kirim k'Atambatun asokuun ku kaanuku eeyaŋgananuun kikaw, aruun bakañio? Aanaan: «Áñuumo, Atemit af'ajoŋoorani, atum'a̱jok bo doon déewiinie; abe af'akamoor t'awe, eheli etum'ébujo.

Hirim Heetoofe hu hi Luk akiñje hu 6:22

«Atoof t'aruun kane ésuk i kahuufuun, káfiitenuun, kálafatinuun, abe ni kábuj kuruwu koonuun aŋarkeyi aŋ'arisa *Añi ute Húŋgowulan hu ti hiñaawu!

Eleetar i yi Pool akiñje i bakate ku Rom 5:4

kámuñu n'abuk kajoku alitee; kajoku alitee n'abuk eyakar.

2 Timote 2:15

Á̱hin wáhowah a̱atoof Atambatun, naane aroka eejake, eeyakut bufuño, abe n'aŋ'aliiken ésuk i Hirim hite múniyo mu ajoŋoor júl.

1 Piyeer 4:14

Atoof t'aruun kane árilafatinee aŋarkeyi naane aruun eriboora yite Kiris, ábuki Búwejet béenike bu bite b'Atambatun bondu t'aruun.