Eleetar i yi Pool akiñje i bakate ku Rom 9:5 - Kwatay (Kuwaataay)

⁵ Boko kaamo fu bakañi sifaaf su kómbokun ku bakate ku kóŋkeyin k'Atambatun ajifane ku. Kiris yooŋ ite t'eheet yeeniin h'abine hu éeyemi húŋgowulan. Akina aamo fu Atambatun eehaŋe u doon areyi fe. Úsokorooro ko kireyi fe! Amiin.

Eleetar i yi Pool akiñje i bakate ku Rom 9:5 Referans Kwoze

Eleetar i yi Pool akiñje i bakate ku Rom 1:25

Iŋi kawas múniyo mite Atambatun keejok ti haajuus hu. Ni kásukaay buroon b'áwuwane bu, abe ni katofotoor bo yooŋ, keewaso akina Áwuwana u eeware u kasokorooree ko kireyi fe! Amiin.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Saaŋ 10:30

Íñje ni Faaf u, uni k'afeeneŋ ku.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

Eleetar i yi Pool akiñje i bakate ku Rom 1:3

Husokasok bite bu Añi oone Yesu Kiris Anahaan ite úne. Abukeebuk naane húŋgowulan tu noota nite áyi u *Dafit, bare h'aritanee hu t'eket i, Búwejet Beenabe bu búwufoorawufoor ni sembe-sembe kaanuku akina Añi ite Atambatun.

Kafeeñal ku 1:18

Íñj'eemo fu an eeemo u buroŋ. Íketaanaketaani, bare hahiye íñj'endu buroŋ hiraanu. Íñje íyekie fu sijaab site eket i, ni site ti keekete ku tindi kaja.

Kafeeñal ku 22:16

«Íñje Yesu íboñina fu amalaka úuma eebin eesokuun bo aruun *kéeyilene ku. Íñje ite tu butoŋ bite áyi u *Dafit, íñj'eemo fu yooŋ kaarabu ku.»

2 Korent 11:31

Atambatun, Faaf ite Anahaan u Yesu ámoomi kaanuku ijuusut. Úsokorooro ko kireyi fe!

Eleetar i yi Pool akiñje i bakate ku Rom 11:28

T'Esuwif i kateñekee du Hirim Heetoofe hu ti káhinooree fu enatoora yite Atambatun, abe bondu bija ti káasuumaay koonuun, aruun keenooto ku Esuwif. Bare karoŋa ni káyemi bakan k'Atambatun ajifane ku. Aroŋa n'ámaŋiiin iŋ'ite hu b'abine bu asok sifaafiin.

Eleetar i yi Pool akiñje i bakate ku Rom 10:12

Náami Asuwif u n'eenooto u Asuwif, boko k'afeeneŋ ku. Anahaan afeeneŋ i kabaje fu aa ásoniyan dómbokun kiŋki karuwo fe.

Kafeeñal ku 22:20

An eeseedee u kaanuku bondu fe bite nu múniyo aane: «Hee, íñje bibin memee!» Amiin! A̱bin Anahaan u Yesu!

2 Timote 2:8

Á̱baŋino Yesu *Kiris. Akina ite tu hubukandin hite *Dafit, abe aritaneeritan t'eket i. Bondu beemo fu Hirim Heetoofe hu hih'iwaare.

1 Timote 6:15

Atambatun káhinio éebatikein hunak h'ajoke hu te ho. Akina abaje fu sembe sánosan. Akina aamo fu Atambatun unoono, Faaf ite meejake mu, Áyi ite bákayi ku, n'Anahaan ite kunahaan ku.

1 Korent 14:16

Af'a̱law Atambatun ti kíhaminiin kuway kaanuku a̱aano eyeehen, abe bakan kéemusut kajamu báhamin naane bondu ni káyemi toko ti kéeyilene ku, kámeyiit yooŋ naŋ n'a̱soke fu, buŋ bi kaja fu kaanu «Amiin» ti kalawu kúuwe?

Májiye 28:20

abe n'ariliikeniin kéehin buroon b'isokuun bu fe. Abe n'árimeyi bonde: íñje káyemi n'aruun ko kireyi fe, ayak abin áami yooŋ etaam i emoosena.

Kafeeñal ku 5:14

Muroon mibaakiir meeroŋe mu ni mísafin meene: «Amiin!» Abe bíhaaniin bu ni kásukaay keesokoroor Atambatun.

Epotor i 20:28

Áriwasiyoor kikawuun, abe n'arinaŋ ko yooŋ ti kaahaaw ku fe ku Búwejet Beenabe bu bisaanuun ku ariihaaw. Áriyemi ehaawa yite bakate ku Atambatun kéeyilene ku, k'aŋese ku ni halan hite Añi oone.

Májiye 6:13

Abe atum'a̱was uni iriiñakee ti kaahoofoor, bare a̱ram uni ti Setani.”

Epotor i 3:13

Atambatun ite *Aburaham, *n'Isak, ni *Sakob, Atambatun ite sifaaf úne ánikananikan aroka oone Yesu. N'árisiko arisaan eseef ite hikinu hu kaanuku eeyoolee, abe n'ariteñekoo tu buhooŋu *Pilat, h'áhabaneina hu yéeni kaanuku eewasano.

Esuwif i 7:24

Bare Yesu abaa káyemi asaraha, abe an at'asao, ábuki ondu tu buroŋ hiraanu.

Hirim Heetoofe hu hi Luk akiñje hu 20:44

Dafit humuumo aŋ'aano «Anahaan u». Náami buŋ b'Afakana u ayino fu kasooñu áyemi añio?