Eleetar i yi Pool akiñje i bakate ku Rom 9:33 - Kwatay (Kuwaataay)

³³ yi *Míkiñjin mu musoke i. Meenaan: «Arijuk, iisiiŋan t'ésuk ite *Siyoŋ ejuju yey'eneyan ésuk i, elaaliñj yey'éfiiten. Bare an af'ayaajo te yo, at'awatanooro hikee.»

Eleetar i yi Pool akiñje i bakate ku Rom 9:33 Referans Kwoze

Eleetar i yi Pool akiñje i bakate ku Rom 10:11

Múniyo Míkiñjin mu meenaan: «An af'áyilen te o, at'awatanooro hikee.»

Eleetar i yi Pool akiñje i bakate ku Rom 5:5

Abe eyakar yendu ébuutaariit, ábuki Atambatun ásikasik ti kámaŋi koone áyuus tu suhol site s'úne, áŋaasann ko tu Búwejet Beenabe b'awune bu úne.

1 Saaŋ 2:28

Hee kúñuumo, arijok alitee ti káhinu k'árihine ku t'afeeneŋ ni Kiris, man hunak h'abin hu ifi hireeŋ, kikaw úne ni kiyaŋg piŋ; utum'úbin úfuño hágilao hunak hondu.

Fílip 1:20

Ti kanahan k'eemo kee te ko, n'eyakar y'eemo yee te yo, at'arko hikee-kee íñje ifuñee. Aaa, b'ímaŋie bu bare úmiye nu ko kireyi fe beemo fu hikawam hiyaŋg piŋ, íiwufoor íhabanein kaanuku Kiris ahahahah, hutoof íñje buroŋ man yooŋ íñje káaketin.

2 Timote 1:12

Bo bíkinineŋe fu sílaam súuma sonde. Bare ifuñeit bondu, ábuki ímoomi t'aañ ti hikawam hiyaŋge fu, abe bukuuramkuur kaanuku abajabaj sembe site kajukar b'ánihanam bu bija tu hunak hite Kajoonan ku.

Májiye 21:42

Yesu n'aaniin: —Eeman arijaŋgajaŋga bonde beesokee bu ti *Míkiñjin mu? Meenaan: «Elaaliñj i y'enuta i káfiitene i yéeni, yo esooñe fu éyemi meeyane mite enuuf i. Atemit áhine fu bondu, abe bijahalajahal úne dómbokun!»

Eleetar i yi Pool akiñje i bakate ku Rom 10:1

Kújakuwe, b'ímaŋie bu t'eholam íhabanein, ni b'ilawe bu Atambatun beemo fu Esuwif i kafak.

Galasi 5:11

Kújakuwe, arko múniyo iroŋa ti kawaare ésuk i eeniin kawarawar kateyi karam, n'iroŋ fíya ti káhihinooree? Arko fu yéeni múniyo, an man aŋk'átaañian t'íñje ti bimb'iwaare bite eket ite Kiris *t'ekuruwa i.