Eleetar i yi Pool akiñje i bakate ku Rom 9:30 - Kwatay (Kuwaataay)

³⁰ Náami uŋ'úene yooŋ buŋ? Keenooto ku Esuwif kaŋesut káyemi bakan kéejube t'Atambatun, bare Atambatun ajokiinjok bakan kéejube iŋi naane káyilene i ti *Kiris.

Eleetar i yi Pool akiñje i bakate ku Rom 9:30 Referans Kwoze

Fílip 3:9

abe n'íhin ne o t'afeeneŋ íhabanein. Iŋkut eene íñj'eemo an éejube aŋarkeyi naane iŋ'íhin naane Eluwa i esoke i. Iŋ'ite káyilen kúuma ti Kiris h'eemo fu an éejube. Kájubu ku, t'Atambatun tu kúnuutina fu, abe aŋ'awun ko an fe éeyilene te o.

Esuwif i 11:7

Káyilen kíkinineŋe fu *Nowe n'arok etara yómbombokun kaanuku eefakan butoŋo. Ajamatanajamatan h'Atambatun áyeegalo hu beeware bu bibin kabaju, b'an ajukoorut bu. Iyu i Nowe áhine fu éewufoor kaanuku bakate t'etaam i kajakut. Atambatun n'ajoko an éejube iŋi káyilen koone.

Galasi 2:16

Bare írimoomi kaanuku húŋgowulan, káanukiiit man áhinahin naane *Eluwa yite Moyis esoke i h'Atambatun ajoko fu an éejube. Aaa, káyilen koone ti Yesu *Kiris taŋ kíkinineŋe fu Atambatun n'ajoko an éejube. Bondu bíkinineŋe fu uni yooŋ n'íriyilen ti Yesu Kiris, kaanuku man Atambatun n'ajok uni bakan kéejube iŋi naane íriyilene i ti Kiris; atum'ajok uni bakan kéejube aŋarkeyi naane man uni írihine naane t'Eluwa yite Moyis esoke du. Ábuki káhinu ku naane t'Eluwa yite Moyis esoke du kíkinineŋut hikee-kee Atambatun n'ajok ake an éejube.

Eleetar i yi Pool akiñje i bakate ku Rom 4:11

Abe Atambatun n'abin áhino eetey karam: karam kondu keemo fu ékeetanuma yéewufoore i kaanuku Atambatun ajokojok an éejube iŋ'ite káyilen koone, abe kóŋkeyin o t'ateyoorut karam. Iyu i Aburaham aamo fu faaf ite bakan ku fe kéeyilene ku t'Atambatun ti kateyit karam. Abe bokondu Atambatun ajokiinjok bakan kéejube.

Efees 2:12

Áribaŋino kaanuku kóŋkeyin arikambakamb *Kiris; árigiiloolutee ti bakate ku *Israyel; árigiiloolutee yooŋ tu *wujamoor w'Atambatun ajamoore wu nu boko. Árimoomi naane emoosoora. Arikinakin t'etaam ye, bare aribajut yéeni eyakar, árimeyiit yooŋ Atambatun.

Galasi 5:5

Uni bare, iriyakarayakar kaanuku Atambatun kaanu írijubajub aŋarkeyi naane íriyilenayilen. Bondu b'iriemo fu ti kanahan ku ti sembe site Búwejet Beenabe bu.

Eleetar i yi Pool akiñje i bakate ku Rom 10:20

Atambatun atiŋgatiŋg yooŋ Esayi eeene: «Keeŋesutam ku yéeni kajukam fu, abe n'ifeeñ ti keeruwutam ku.»

Eleetar i yi Pool akiñje i bakate ku Rom 10:6

Bare ti bite káyilen ku man an u n'ájub t'Atambatun, bonde busokee fu: «Atum'a̱yinoor n'a̱ane: aañ aja fu t'etiir?» kite awe á̱maŋie *Kiris áŋaabein úne t'etaam.

Eleetar i yi Pool akiñje i bakate ku Rom 9:14

Náami uŋ'úene buŋ? Atambatun fíya ájubut? Mayet fu!

1 Piyeer 4:3

Múniyo kóŋkeyin arifiyafiyo aa ti káhinu kite buroon bi kéeyilenut ku bimbi kámaŋi káhinu. Árikinaanakinaani tu huŋotu hu ni bakan k'ariseñeit ku, nu wúfaŋi weejakut wu, n'éwusan i, ni kahahan ku tu buñoofo nu tu búhujo bu, nu wuwaasen wute ñájiim ñu, abe bonde búfuñinanafuñinani.

1 Timote 6:11

Bare awe eeemo u an ite Atambatun, a̱tey buroon beejakut bondu. A̱ŋes káyemi an éejube, a̱jok t'Atambatun, a̱baj káyilen, á̱maŋi an, á̱muñ, abe n'á̱neeni.

Galasi 3:24

Náami Eluwa i ejukare fu úne bija yooŋ naane Kiris abine i, kaanuku man Atambatun n'ajok úne bakan kéejube iŋi naane úyilene i.

Galasi 3:8

Míkiñjin mu mifiyafiya musok meene Atambatun kajoku keenooto ku Esuwif bakan kéejube iŋi káyilen kooniin. Iŋ'ite ho hu musoŋke fu busok Aburaham hirim heetoofe honde. Meenaan: «Atambatun kásoniyan siheet site t'etaam i fe uŋu húuwe hu.»

Eleetar i yi Pool akiñje i bakate ku Rom 10:10

Ábuki an af'áyilen tu búwejeto, Atambatun n'aŋ'ajoko an éejube, abe an n'asok nu butumo tu buhooŋu ésuk i káyilen koone ti Yesu, Atambatun kafakano.

Eleetar i yi Pool akiñje i bakate ku Rom 9:31

Abe bare bakate ku *Israyel keeŋese ku káyemi bakan kéejube t'eluwa i, kafinut kabaj bondu.

Eleetar i yi Pool akiñje i bakate ku Rom 5:1

Náami Atambatun ajoka úne bakan kéejube aŋarkeyi naane úyilenayilen, abe hahiye káasuumaay kibaja t'etut úne ne o, Anahaan ite úne Yesu *Kiris éekinineŋ.

Eleetar i yi Pool akiñje i bakate ku Rom 4:22

Bondu bíkinineŋe fu Atambatun n'ajuker ti káyilen koone «n'ajoko an éejube».

Eleetar i yi Pool akiñje i bakate ku Rom 4:13

Atambatun asokasok *Aburaham ni bakañio aaniin o kawuniiin etaam i kéekini yo. Asokasok bondu káanukiiit man Aburaham ájeŋgine Eluwa i, bare aŋarkeyi naane akina Atambatun ajokojok an éejube iŋi káyilen koone.

Eleetar i yi Pool akiñje i bakate ku Rom 4:9

Katoofu kondu, kite fíya *keeteye ku karam barebare? Kíteiit yooŋ keeteyit ku karam? Úenaan memee: «Atambatun ajukajuk ti káyilen kite Aburaham, n'ajoko an éejube.»

Eleetar i yi Pool akiñje i bakate ku Rom 3:5

Bare arko kajoŋooraate kite k'úne, ko kite káwufoor kaanuku Atambatun ájubajub, n'uŋ'úene fíya buŋ? Atambatun fíya ájubut aŋarkeyi naane aŋ'ayiŋat t'úne? (Íihaminuun naane bakaake ii káhamin.)