Eleetar i yi Pool akiñje i bakate ku Rom 9:23 - Kwatay (Kuwaataay)

²³ Ámaŋamaŋi káwufoor diyu buŋ bi kániku koone kibaje fu yooŋ éñjeriŋ ti bakan k'ayubiyene ku, bokondu k'asoŋke ku bifare kaanuku keebin keemaat ti kániku kondu.

Eleetar i yi Pool akiñje i bakate ku Rom 9:23 Referans Kwoze

Eleetar i yi Pool akiñje i bakate ku Rom 2:4

Bare me á̱wiinianawiinian Atambatun aŋarkeyi naane ajakajak aa, aŋ'ámuñ yooŋ, abe amokenut ti kajoonan kúuwe? Á̱meyiit kaanuku kajaku kite Atambatun kuwarawar katiŋgii a̱awatanooro kinij kúuwe?

Efees 3:16

Ánikanik areeŋ ñaaj, abe abajabaj yooŋ doon areyi fe. Náami íñj'endu ti kalawio kaanuku man n'áhin Búwejet boone beewun siheluun sembe.

Efees 2:10

Ábuki Atambatun aroke fu úne. Naane úhine i t'afeeneŋ ni Yesu Kiris híkinineŋe fu n'áwuwan úne kaanuku ko kireyi fe n'uŋ'úhin kunoŋk keejake. Kunoŋk kondu, Atambatun afiyafiya afare ko kaanuku uŋ'úbin úhin ko.

2 Timote 2:21

*Kéeyilene ku yooŋ iyu. An *af'akuuranooro ti meejakut monde m'isoke mu fe, an ondu anokooranokoor n'éndiis yey'énuutannee hunak hite efeet. Atambatun kákajino bija ti bike burok, ábuki o káñjeriŋ an éekinio u, abe o kásikiee aŋ'abin áhin burok bánoban fe beejake.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

Efees 2:7

Náami h'áwufoore hu úne ti Yesu Kiris kajaku koone, am aamo yooŋ ti káwufoor bakate ku kuwaatu kaanuku aŋ'ayubiyen ahahee.

Efees 1:18

Iŋ'ilaw Atambatun kaanuku eejaaŋan ñúwejet ñoonuun, man n'árimeyi eyakar yómbokun y'aruwuun i bite te yo, n'ebaj yéewarie-warie i y'anaŋe i bija ti bakan k'akino ku.

Eleetar i yi Pool akiñje i bakate ku Rom 8:29

Ábuki bakan k'asoŋke ku bijifan, asoŋka yooŋ bíhabaneina kaanuku eebin éehiniin keenokoor n'Añio, man Añio n'abin áyemi aneemak ite butoŋ beehooje.

Hirim Heetoofe hu hi Luk akiñje hu 1:17

Akina kágilanna Atambatun, abe o kabaju búwejet, ni sembe naane *Eli *ayiŋana ite Atambatun, éehin sifaaf su keebukan ni bakañiiin. Kéejeŋginut ku Atambatun, akina káhiniiin keesooñ keebaj biyinoor beejake. Akina bifare ésuk i bija t'Anahaan u.

1 Tesalonik 5:9

Atambatun ajifanut úne kaanuku núubin újuk kayiŋat koone, bare kaanuku eebin eeŋaas t'Anahaan ite úne Yesu Kiris eefakan úne.

Kolos 1:12

Ariene Faaf u eyeehen, akina éehinuun u áriiyini kabaju húrub t'ebaj y'anaŋe i bija ti bakan k'akino ku ti Jáyi jite meejaaŋe mu.

Efees 3:8

Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

Epotor i 9:15

Bare Anahaan u n'aano: —A̱ja, ábuki ijifanajifan ániine ondu kaanuku eebin éewufoor keenooto ku Esuwif, ni bákayi kooniin, ni bakate ku *Israyel íñj'eemo fu aañ.

Eleetar i yi Pool akiñje i bakate ku Rom 8:30

Bakan kéekinineŋe ku Atambatun n'asoŋk bíhabaneina tu bondu, aruwiinruw yooŋ; k'aruwe ku, ajokiinjok yooŋ bakan kéejube; k'ajoke ku bakan kéejube, áhiniinhin yooŋ keemaat ti kániku koone.