Eleetar i yi Pool akiñje i bakate ku Rom 8:9 - Kwatay (Kuwaataay)

⁹ Bare aruun árihinaariit beetoofuun bu; aŋ'árihin beetoofe bu Búwejet bite Atambatun, ábuki bikinakin t'aruun. An afut'abaj Búwejet bite Kiris, an ondu anooto an ite Kiris.

Eleetar i yi Pool akiñje i bakate ku Rom 8:9 Referans Kwoze

Galasi 4:6

Béewufoore bu kaanuku nu múniyo aruun bakañi Atambatun, beemo fu áboñinoboñin tu suhol site s'úne Búwejet bite Añi oone. Búwejet bondu iŋi bíhin úne núutaŋk úene: «Aba! Faafa!»

1 Korent 3:16

Kame árimeyiit kaanuku aruun ariemo fu enuuf ite Atambatun, abe Búwejet bite Atambatun bikinakin t'aruun?

2 Timote 1:14

A̱jok áwariee b'Atambatun ánihani bu. A̱jok bo ti sembe site Búwejet Beenabe bu beekine bu t'úne.

1 Korent 6:19

Árimeyiit kaanuku sini soonuun seemo fu enuuf ite Búwejet Beenabe bu, Búwejet beeemo bu t'aruun b'Atambatun awunuun bu? Árikiniit sini soonuun:

Eleetar i yi Pool akiñje i bakate ku Rom 8:11

Arko Búwejet bite Atambatun eeritane u Yesu t'eket i bikinakin t'aruun, Atambatun ondu eeritane u Kiris t'eket i kawunu buroŋ bu sini soonuun seeemo su iŋi siket. O káŋaasanna bo tu Búwejet boone beekine bu t'aruun.

Saaŋ 14:17

O aamo fu Búwejet bumbu búwufoor ésuk i múniyo mu. Bakate ku t'etaam ye biteñekoo, ábuki kayinaato kajuku, kayinaato yooŋ kámeyi. Bare aruun árimoomio, ábuki akinakin n'aruun, o yooŋ káyemi n'aruun.

Efees 1:13

Aruun yooŋ kéehine ku t'afeeneŋ ni Kiris, arijamajam hirim hite múniyo mu, heeemo hu Hirim Heetoofe hu héekinineŋe hu n'arifak. H'áriyilene hu ti Kiris, Atambatun n'áhin t'aruun éluwenuma yite káwufoor kaanuku aruun bokoone ku; yo yeemo fu Búwejet Beenabe bu b'afiye bu aane o kawunu úne.

Galasi 5:24

Bakan ki Yesu *Kiris akino ku kayoolayool *t'ekuruwa i wúfaŋi wooniin weejakut wu.

Efees 2:22

Abe naane árihine i t'afeeneŋ ni Kiris, aruun yooŋ árigiilooleegiilool ni bakaaku *kéeyilene ku fe tu kunut kondu tu Búwejet bite Atambatun bikine du.

Eleetar i yi Pool akiñje i bakate ku Rom 8:2

Ábuki Búwejet Beenabe bu bumbu buwun buroŋ bite bu nu múniyo ti káhinu ku t'afeeneŋ ni Yesu Kiris biramamram ti kaahoofoor ku n'eket i.

Saaŋ 3:6

An eebukee naane uu úbukee, diyu kafiya; an n'afin abukee nu Búwejet Beenabe bu, o ite Búwejet Beenabe bu.

Fílip 1:19

ábuki ímoomi kaanuku naane aa arilaw bija t'íñje, ni naane Búwejet bite bu Yesu Kiris uu búyokunanam, bondu fe biyak fu kákinineŋ n'ifak.

1 Saaŋ 4:13

Iye u úmeyie fu kaanuku úhinahin t'afeeneŋ n'Atambatun, abe akina yooŋ n'áhin n'úne t'afeeneŋ: awunawun úne Búwejet boone.

Hirim Heetoofe hu hi Luk akiñje hu 11:13

Naane árijakaatie i fe, árimoomi kawunu bakañuuun buroon beejake. Náami buŋ bi Faaf úne eeemo u t'etiir atuf'áhin ahaŋ diyu ariike, eewun Búwejet Beenabe bu kiŋki kalawo bo?

1 Saaŋ 4:4

Kúñuumo, aruun bare bakan bakate Atambatun, abe arikalakalo kiŋki kajuus kaane boko kaamo eyiŋana yite Atambatun. Ábuki Búwejet beeemo bu t'aruun bihaŋahaŋ sembe beeemo bu ti bakate ku t'etaam ye.

1 Korent 15:23

Bare huruw fe ni hífinooru hoone: Kiris aamo fu átiyar u dók ti birito bu t'eket i. Abe h'aŋa h'ayak bíbatikeina, bakan k'akino ku n'iŋi kafin karito.

1 Saaŋ 3:24

An éejeŋgine suluwa site Atambatun, an ondu áhina t'afeeneŋ n'Atambatun, Atambatun yooŋ áhina ne o t'afeeneŋ. Abe úmoomi kaanuku Atambatun áhinahin n'úne t'afeeneŋ, ábuki awunawun úne Búwejet boone.

2 Korent 6:16

*Enuuf ite Atambatun éyinooni fíya kakolu nu ñúwisenum ñu? Ábuki fu úne úemo fu enuuf ite Atambatun eeemo u buroŋ. Akina humuumo Atambatun asokasok aane: «Íñje kakinu t'etutiin, abe n'iŋ'iŋ'iriboor nu boko. Íñje káyemi Atambatun ooniin, boko n'iŋi káyemi bakan kúuma.»

Saaŋ 3:34

An a Atambatun áboñina u aŋ'asok kirim kite Atambatun, ábuki Atambatun awunowun Búwejet Beenabe beerume tak.

1 Piyeer 1:11

Búwejet bite bu Kiris búmoomi tu boko, abe busoŋka busok sílaam s'aware su kajuku, nu buroon béewarie-warie beeja bu káseina. Eyiŋana yendu ni kaŋes yooŋ kámeyi kaakaŋ, nu buŋ bu bondu bija fu kabaju.

Kafeeñal ku 20:15

An fe eeemo huruwu hoone hikiñjutee ti kaawiit kite buroŋ bu, n'áfiitenee ti han hite sineemak su.

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.

2 Korent 10:7

Arijondoman jak tu buroon bu. Ufu bukuur ake kaanuku akina an ite Kiris, aja ámeyi kaanuku uni yooŋ bakan bakate Kiris naane akina.

Saaŋ 14:23

Yesu n'aano: —An af'ámaŋiam, o káhinu doon d'isoke du. Faafam kámaŋio, abe n'iŋ'iribin te o íñje ni Faafam iriikin te o.

Epotor i 16:7

Hi kalohene hu ésuk ite Misi, ni kaŋes bija Bitini, bare Búwejet bite Yesu buwunutiin bondu.

Eleetar i yi Pool akiñje i bakate ku Rom 7:5

Múniyo huh'úhinaani buroon beetoofe bu úne, wúfaŋi wute w'úne weejakut wu uŋu wukuuso *t'Eluwa yite Moyis weetiŋg úne núunij awayo ni beesokee bu te yo, abe doon dund'úbaj toko deemo fu eket i.

Eleetar i yi Pool akiñje i bakate ku Rom 8:1

Náami hahiye kéehine ku t'afeeneŋ ni Yesu *Kiris iŋkut káyiniee kajoloŋan ti kaayeen.

1 Korent 6:17

An bare af'ásik enio asaan Anahaan u, áhina ne o búwejet bifeeneŋ.

Efees 3:17

Atambatun áhin *Kiris eekin tu suhol soonuun aŋarkeyi naane áriyilenayilen te o. Áhinuun yooŋ áriimaŋioori. Af'árimaŋioori, n'aŋ'arilooñ te o, abe n'aŋ'arinut yooŋ buroŋ boonuun te o.