Eleetar i yi Pool akiñje i bakate ku Rom 8:37 - Kwatay (Kuwaataay)

³⁷ Bare naane bije i iyu fe, úne úriiŋane fu, abe an éemaŋie u úne éekinineŋ.

Eleetar i yi Pool akiñje i bakate ku Rom 8:37 Referans Kwoze

1 Korent 15:57

Bare úene Atambatun eyeehen, akina eeŋaase u t'Anahaan ite úne Yesu *Kiris éehin úne núuriiŋan eket i!

1 Saaŋ 4:4

Kúñuumo, aruun bare bakan bakate Atambatun, abe arikalakalo kiŋki kajuus kaane boko kaamo eyiŋana yite Atambatun. Ábuki Búwejet beeemo bu t'aruun bihaŋahaŋ sembe beeemo bu ti bakate ku t'etaam ye.

2 Korent 2:14

Bare úene Atambatun eyeehen, ábuki aŋ'aja n'úne ko kireyi fe kaanuku núumaat tu búriiŋan bite *Kiris. Úne k'ásike fu kaanuku núuhin Kiris éemeyiee tánotan, naane mátiso meehundane tánotan.

Kafeeñal ku 21:7

An fe eeriiŋane, o kabaju bondu t'íñje. Íñje káyemi Atambatun oone, abe n'aŋ'áyemi añi úuma.

Kafeeñal ku 12:11

Bakan úne kakalokalo iŋ'ite halan hite Ametek u, nu múniyo mi kaseedee mu. Kajukerut uŋu buroŋ booniin ni kaane kéekoleyi eket i.

Eleetar i yi Sud akiñje i 1:24

Úsokoroor Atambatun afeeneŋ u eeŋaase u t'Anahaan ite úne Yesu *Kiris eefakan úne. Akina áyinie fu kajukaruun kaanuku atum'ariney, abe n'áhinuun ariisiiŋo hágilao, o éenike u. Aruun *kakuuru but, abe kikawuun katoofu dómbokun. Akina akino fu kániku ku, ni kahahu ku, ni sembe su, ni hiseefaate hu huta hu ti kájabina ku, ni hahiye, nu ko kireyi fe! Amiin.

Galasi 2:20

Náami aŋkut áami íñj'eemo fu tu buroŋ bu, bare Kiris aamo fu tu buroŋ bu t'íñje. Buroŋ bite t'etaam ye b'eemo bee te bo hahiye, íñj'endu te bo ti káyilen ku t'Añi ite Atambatun éemaŋiam u, abe n'ásik síhiinio asaan bija t'íñje.

2 Korent 12:9

Bare n'aanam: «Kajaku kiŋk'íwufoori kifamifam, ábuki an af'aja ayak abin áami aŋkut abaj sembe, toko ti sembe súuma t'ifi sihaŋ kafeeñu te o.» Náami íñje kamaku ti béewufoore bu kabajaate kúuma kite sembe su, man sembe site *Kiris ni síyemi t'íñje.

Kafeeñal ku 17:14

Boko katiiku Ametek u, bare Ametek u kaheekiiin, ábuki akina aamo fu Anahaan ite kunahaan ku, akina yooŋ aamo fu Áyi ite bákayi ku. Bakan koone k'aruwe ku abe n'ajifan, bokondu kéejeŋgino ku kariiŋaniin yooŋ ne o.»

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

1 Saaŋ 4:19

Atambatun ajabe fu ámaŋi úne. Iŋ'ite ho h'úmaŋio fu, akina nu kúŋgowulan ku fe.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

Kafeeñal ku 1:5

Yesu *Kiris yooŋ, aseede éejube u aja ásoniyanuun, abe n'awunuun káasuumaay, akina eeemo u átiyar u dók ti karitanee t'eket i, akina eeemo u áyi ite bákayi ku t'etaam i. Kiris ámaŋamaŋi úne, abe n'aram úne tu wuhoofoor wu ni halan hoone héeyuusee hu.

1 Korent 15:54

Doon deeemo uŋu dúbujo ifi dibin duhosanee déeyemi doon déebujaariit, abe doon deeemo iŋi diket nu duhosanee déeyemi doon déeketaariit, hirim honde heesokee hu ti Míkiñjin mu n'iŋi hihaŋ hibaj. Heenaan: «Eket eroŋut, eriiŋaneeriiŋan akuur but!»

2 Tesalonik 2:16

Atambatun Faaf úne ámaŋamaŋi úne, abe ti kajaku koone n'ayaŋganan úne kikaw ko kireyi fe n'eyakar yeeyane. Uni bokondu ti kalawu Anahaan ite úne Yesu Kiris humuumo, n'Atambatun Faaf úne

Kafeeñal ku 3:9

Iye i ija fu ni bakan kite Setani, ejuusa yendu kiŋki kaane boko kaamo Esuwif abe bare nu múniyoiit: íñje kanoŋkooraniin keebin kéesukaayi, kéemeyi kaanuku ímaŋiimaŋi.

1 Saaŋ 4:10

Iye i kámaŋi aamo fu: káanukiiit man úne úmaŋie Atambatun, bare akina ámaŋie fu úne. N'áboñin Añio kaanuku man wuhoofoor wute w'úne nu wuboŋketee iŋ'ite *kaasarah koone.

2 Korent 12:19

Hahiyu tíme ariena man uni írihaminuun atoof iye kaanuku iriiŋes ekooŋ t'aruun, bare me? Aaa kújakuwe, aruun k'írimaŋie-maŋie ku, írihaminuunhamin hágila Atambatun naane eroka bakate *Kiris, abe irisokuunsok bonde fe kaanuku man n'arihaŋ kayanu ti káyilen ku.

Eleetar i yi Pool akiñje i bakate ku Rom 8:35

Naŋ fíya níyinie fu kákinineŋ kámaŋi ki Kiris ámaŋie ku úne nu kuwas? Sílaam su fíya, man yooŋ kátaañi ku, man yooŋ káhihinoor ku, man yooŋ bujoñjol bu, man yooŋ kabajaate ku, man yooŋ doon déekolinanie, man yooŋ eket i?