Eleetar i yi Pool akiñje i bakate ku Rom 8:35 - Kwatay (Kuwaataay)

³⁵ Naŋ fíya níyinie fu kákinineŋ kámaŋi ki Kiris ámaŋie ku úne nu kuwas? Sílaam su fíya, man yooŋ kátaañi ku, man yooŋ káhihinoor ku, man yooŋ bujoñjol bu, man yooŋ kabajaate ku, man yooŋ doon déekolinanie, man yooŋ eket i?

Eleetar i yi Pool akiñje i bakate ku Rom 8:35 Referans Kwoze

Saaŋ 10:28

Iŋ'iwun kiŋki kasaam ti hiñaawu buroŋ béehabanaariit bu; iti kaket hikee, abe an at'aramiin t'emoŋiam.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

2 Korent 4:17

Sílaam suns'újuk iye, uf'úliik so ni jáyi jómbokun jéehabanaariit ju j'úja ju kabaju, n'uŋ'úmeyi kaanuku síwiinawiini, abe sífiyaariit yooŋ. Abe sílaam su humuum hite te so iŋi sifare jáyi jondu bija t'úne.

2 Timote 1:12

Bo bíkinineŋe fu sílaam súuma sonde. Bare ifuñeit bondu, ábuki ímoomi t'aañ ti hikawam hiyaŋge fu, abe bukuuramkuur kaanuku abajabaj sembe site kajukar b'ánihanam bu bija tu hunak hite Kajoonan ku.

1 Korent 4:11

Bija t'ewahatu yende yooŋ irijoñjolatajoñjolat, búhujo bondu t'uni, abe iribajut wañ. Iŋ'írimiñee kep, abe iriyinaat biriiko yooŋ tand'afeeneŋ.

Eleetar i yi Pool akiñje i bakate ku Rom 8:17

Abe makamu úne bakañio, úne kabaju húrub t'ebaj y'anaŋe i bija ti bakan koone. Úne kamaatu te yo ni Kiris, ábuki uf'úmaat ti sílaam soone, úne yooŋ kamaatu ti kániku koone.

Saaŋ 13:1

H'aamo hu memee *efeet ite Kánuutina ku Esipt n'eŋ'eyooso, Yesu n'ámeyi kaanuku ewahatu yeene yite kanuutu ku t'etaam ye eeja t'etiir ti Faaf u ereeŋa. Afiyafiya ámaŋi bakan koone keeemo ku t'etaam i, abe n'ámaŋiiin bija yooŋ tu hunak hiraanu hu.

2 Tesalonik 2:16

Atambatun Faaf úne ámaŋamaŋi úne, abe ti kajaku koone n'ayaŋganan úne kikaw ko kireyi fe n'eyakar yeeyane. Uni bokondu ti kalawu Anahaan ite úne Yesu Kiris humuumo, n'Atambatun Faaf úne

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

Kafeeñal ku 1:5

Yesu *Kiris yooŋ, aseede éejube u aja ásoniyanuun, abe n'awunuun káasuumaay, akina eeemo u átiyar u dók ti karitanee t'eket i, akina eeemo u áyi ite bákayi ku t'etaam i. Kiris ámaŋamaŋi úne, abe n'aram úne tu wuhoofoor wu ni halan hoone héeyuusee hu.

Eleetar i yi Pool akiñje i bakate ku Rom 2:9

Kiŋki káhin meejakut mu kareyi fe, boko kajuku sílaam nu wútaañi, ájabin t'Esuwif i, abe n'ahabanooro ti keenooto ku Esuwif.

Eleetar i yi Pool akiñje i bakate ku Rom 8:37

Bare naane bije i iyu fe, úne úriiŋane fu, abe an éemaŋie u úne éekinineŋ.

1 Korent 4:12

Iŋ'írilaamool tu burok kaanuku íriikuumanooro. An af'álafatin uni, n'iŋ'irilaw beejake bija te o. An n'áhihinoor uni, n'iŋ'irituumen.

2 Korent 4:8

Iŋ'irijuk sílaam sánosan, bare iriwelejeit; iŋ'irijahale, bare sihel site s'uni súbujaariit;

2 Korent 4:9

iŋ'írihihinooree, bare Atambatun awasut uni; iŋ'írifiitenee t'etaam, bare iriyoolutee.

2 Korent 12:10

Iŋ'ite ho aamo fu kabajaate kúuma kite sembe su, ni kílafatinu ku, nu kúnuur ku, ni káhihinoor ku, nu wútaañi wu, hikawam uŋu hutoof dómbokun kane bondu fe bibajam iŋ'ite hu Kiris. Ábuki if'ija ayak abin áami iŋkut ibaj sembe, toko ti sembe site Kiris t'ifi síyemi t'íñje.

Efees 3:19

Hee, n'aŋ'áriyini kámeyi kámaŋi koone keehaŋe ku doon fe du húŋgowulan ayino kámeyi, man buroon b'Atambatun ákinie bu fe ni bíyemi yooŋ boonuun bu.