Eleetar i yi Pool akiñje i bakate ku Rom 8:33 - Kwatay (Kuwaataay)

³³ Aañ aja fu katinan úne, úne k'Atambatun ajifane ku? Atambatun fíya? Aaa, ábuki akina humuumo aanaan újubajub.

Eleetar i yi Pool akiñje i bakate ku Rom 8:33 Referans Kwoze

Eleetar i yi Pool akiñje i bakate ku Rom 8:1

Náami hahiye kéehine ku t'afeeneŋ ni Yesu *Kiris iŋkut káyiniee kajoloŋan ti kaayeen.

Hirim Heetoofe hu hi Luk akiñje hu 18:7

Náami buŋ b'Atambatun aja fu kákuri ariike ti bísiiŋooreina bu ni bakan k'ajifane ku, kiŋki kalawo kaajiŋgan ni káajiim fe?

1 Tesalonik 1:4

Kújakuwe, írimoomi kaanuku Atambatun ámaŋiuunmaŋi, abe n'ajifanuun kaanuku áriiyemi bokoone ku.

Májiye 24:24

Ábuki bakaake bibin, abe n'iŋi kajuus kaane boko kaamo fu Afakana u, man yooŋ eyiŋana yite Atambatun. Boko káhinu buroon úkaan beejahale ésuk i, kaanuku keebuut ti káyinie, humuum bakan k'Atambatun ajifane ku.

1 Piyeer 1:2

Atambatun Faaf u ajifanuunjifan aliik naane t'afiye du asok. Búwejet boone bíhinuunhin áriiyemi bokoone ku kaanuku áriijeŋgin Yesu Kiris, abe halan hoone nu *hukuuranuun. Atambatun aja ahaŋuun kásoniyan, abe n'awunuun yooŋ káasuumaay keefame-fam.

Eleetar i yi Pool akiñje i bakate ku Rom 3:26

Bare hahiye kaasarah kondu kúwufoorawufoor kájubu koone. Akina an éejube, abe n'ajok an fe éeyilene ti Yesu Kiris an éejube.

Galasi 3:8

Míkiñjin mu mifiyafiya musok meene Atambatun kajoku keenooto ku Esuwif bakan kéejube iŋi káyilen kooniin. Iŋ'ite ho hu musoŋke fu busok Aburaham hirim heetoofe honde. Meenaan: «Atambatun kásoniyan siheet site t'etaam i fe uŋu húuwe hu.»

Eleetar i yi Pool akiñje i Tit 1:1

Íñje Pool ikiñje fee, íñje aroka ite Atambatun, *n'apotor yooŋ toko ite Yesu *Kiris. Atambatun aboñamboñ kaanuku íihin bakan k'ajifane ku kéeyilen te o, abe n'íhiniin kéemeyi múniyo mu kaanuku man ni kabaj buroŋ beetoofo.