Eleetar i yi Pool akiñje i bakate ku Rom 8:29 - Kwatay (Kuwaataay)

²⁹ Ábuki bakan k'asoŋke ku bijifan, asoŋka yooŋ bíhabaneina kaanuku eebin éehiniin keenokoor n'Añio, man Añio n'abin áyemi aneemak ite butoŋ beehooje.

Eleetar i yi Pool akiñje i bakate ku Rom 8:29 Referans Kwoze

Efees 1:11

Naane írihine i t'afeeneŋ ni Kiris, iribajabaj húrub hite h'uni t'Atambatun, ábuki Atambatun asoŋka bijifan uni naane t'áhabaneina du. Abe Atambatun áhinahin buroon bu fe beeriib ni naane ámaŋie i akina humuumo.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

1 Piyeer 1:20

T'etaam i éwuwanoorutee n'Atambatun ajifano fu, abe afeeñafeeñ uŋu hoonuun hu tu kunak konde keeemo ku kiraanu ku.

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.

2 Timote 2:19

Bare káyilen k'Atambatun awune ku úne kiyanayan naane kiñaan kítiyar kite enuuf. Kirim konde kikiñjee fu toko: «Atemit ámoomi bakan koone.» Nu bonde yooŋ: «An fe eeene akina an ite Atemit áwuŋg meejakut mu hiñaawu.»

1 Korent 2:7

Aaa, iŋ'iriwaare búwesinato b'Atambatun ánuusaanie bu, abe kúŋgowulan ku kánandinut bo. Atambatun afiyafiya afare búwesinato bondu t'etaam i éwuwanoorutee, bija ti kánikan kite k'úne.

1 Piyeer 1:2

Atambatun Faaf u ajifanuunjifan aliik naane t'afiye du asok. Búwejet boone bíhinuunhin áriiyemi bokoone ku kaanuku áriijeŋgin Yesu Kiris, abe halan hoone nu *hukuuranuun. Atambatun aja ahaŋuun kásoniyan, abe n'awunuun yooŋ káasuumaay keefame-fam.

1 Korent 15:49

Abe naane únokoore i n'an eerokee u ni baaliisiw bu, iyu yooŋ u úja fu kanokoor n'an éenuutina u t'etiir.

Eleetar i yi Pool akiñje i bakate ku Rom 9:23

Ámaŋamaŋi káwufoor diyu buŋ bi kániku koone kibaje fu yooŋ éñjeriŋ ti bakan k'ayubiyene ku, bokondu k'asoŋke ku bifare kaanuku keebin keemaat ti kániku kondu.

1 Saaŋ 3:2

Kújakuwe, aruun k'ímaŋie-maŋie ku, hahiyu úne biñi bite Atambatun, bare naane úja i kanokoor búwuforoorutee. Bare úmoomi kaanuku *Kiris af'abin ásooñin, úne káyemi naane akina, ábuki úne kajukio naane aamo i.

2 Korent 3:18

Úne úreyi, ñuhooŋu ñite ñ'úne ñúkumbaloolutee, abe kasilan kite Anahaan u ifi kifeeñ te ño naane ti kaajukooreey. Náami úne bokondu ti kahosanee kep kaanuku núuyemi naane Anahaan u, abe uŋ'úja ti kahaŋu kasilan. Diyu burok bite Búwejet bite Anahaan u.

Eleetar i yi Pool akiñje i bakate ku Rom 11:2

Atambatun áfiitenut bakan koone k'asoŋke ku bijifan. Mánoman árimoomi naŋ *n'Eli asoke fu ti *Míkiñjin mu h'abine hu asaboor t'Atambatun iŋ'ite hu Israyel. Aanaan:

Saaŋ 17:16

Boko bákateiit t'etaam i, naane inooto i yooŋ an ite t'etaam i.

Fílip 3:21

Af'aja abin, o katitu sini site s'úne seebajut see sembe, éehin so seenokoor ni yeene i yéenike i. O káhinu bondu ni sembe sinsi síkinineŋ n'áhin buroon bu fe beejam te o.

Efees 4:24

Náami arisiimo manoŋkar míyeni m'Atambatun áwuwanee mu naane ámaŋie i, man n'aribaj buroŋ béejube abe ni binab yooŋ béenuutina tu múniyo mu.

Májiye 12:50

An aa áhin bi Faafam eeemo u t'etiir ámaŋie bu, an ondu aamo fu at'am, ániinam, n'íñaayam toko.

Saaŋ 17:26

Íhiniinhiin kéemeyii, abe íñje kasooñu íhin á̱ameyiee, man ni kámaŋi bakaaku naane á̱maŋiam i, abe íñje humuumam n'íyemi tu boko.»

Eleetar i yi Pool akiñje i bakate ku Rom 13:14

Arisolo Anahaan u Yesu Kiris, abe atum'aŋk'ariwas wúfaŋi woonuun weejakut wu weetiŋguun ti meejakut mu.

Májiye 7:23

Náami n'iŋ'ijoŋoor nu boko eeeniin: «Ímusutuun kámeyi hikee. Arikambam, aruun kaŋk'árihin wuhoofoor!»

Saaŋ 20:17

Yesu n'aano: —Atum'a̱jokam, ábuki isiroorut ti Faaf u. Bare a̱ja a̱sok eriboora íima, a̱aniin iisiro bija ti Faafam eeemo u yooŋ Faafuun, t'Atambatun úuma eeemo u yooŋ Atambatun oonuun.

Saaŋ 17:19

Isaanisaan buroŋ búuma bireyi fe uŋu hooniin hu, kaanuku man boko yooŋ ni káyemi bakan kúuwe káhabanein.

Májiye 25:40

Áyi u kásafiniin aaniin: «Iisokuun bifeeneŋ bu: híhinin fe h'árihine bo ake ti keehaŋe ku káteti tu bokonde keeemo ku naane bakat'am, íñje árihine fu bo.»

Májiye 28:10

Náami Yesu eeeniin: —Atum'árikoleyi. Arija ariene eriboora íima kaja Gálile. Bo bi kayakam fu kajuku.

1 Korent 8:3

Bare an éemaŋie u Atambatun, Atambatun ámoomio.

Kolos 3:10

Manoŋkar míyeni m'aribaje fu, abe Atambatun awunuun fu mo kaanuku ko kireyi fe n'áriyemi bakan kíyeni, ariinokoor ne o éewuwanuun u. Iyu, n'aŋ'áriyini kámeyio arihaban.