Eleetar i yi Pool akiñje i bakate ku Rom 8:1 - Kwatay (Kuwaataay)

¹ Náami hahiye kéehine ku t'afeeneŋ ni Yesu *Kiris iŋkut káyiniee kajoloŋan ti kaayeen.

Eleetar i yi Pool akiñje i bakate ku Rom 8:1 Referans Kwoze

2 Korent 5:17

An af'áhin ni Kiris t'afeeneŋ, an ondu áyemia húŋgowulan híyeni; beehaane bu bútowutaa, bíyeni bisiiŋee fu.

Galasi 3:13

Yesu Kiris áwuumee fu eeram úne t'úware du yéeni káwuumiee iŋi naane újeŋginut i Eluwa i ereyi, ábuki Míkiñjin mu meenaan: «An fe eekobee ti kaaland kite nunukanuk eeyoolee toko, Atambatun káwuumio.»

Eleetar i yi Pool akiñje i bakate ku Rom 5:1

Náami Atambatun ajoka úne bakan kéejube aŋarkeyi naane úyilenayilen, abe hahiye káasuumaay kibaja t'etut úne ne o, Anahaan ite úne Yesu *Kiris éekinineŋ.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

Eleetar i yi Pool akiñje i bakate ku Rom 8:34

Aañ aja fu kayoosan úne ti kaayeen? Yesu *Kiris fíya? Aaa, ábuki akina humuumo aketaket abe n'aritanee yooŋ t'eket i; ondu inde *baatos Atambatun, abe aŋ'áwasiyano bija t'úne.

Saaŋ 5:24

«Iisokuun bifeeneŋ bu: an eejame u báhamin búuma, abe n'áyilen t'an éeboñinam u, an ondu abaja buroŋ béehabanaariit bu. At'ajoonanee. Ánuutino t'eket i eebin tu buroŋ bu.

Saaŋ 15:4

Arijok t'íñje, n'ijok yooŋ t'aruun. Kaaland kiyinaat kabuku miriyaay unoon te ko tu kulooñut tu nunukanuk; aruun yooŋ, afut'arijok t'íñje, at'áriyini kabuku miriyaay.

Fílip 3:9

abe n'íhin ne o t'afeeneŋ íhabanein. Iŋkut eene íñj'eemo an éejube aŋarkeyi naane iŋ'íhin naane Eluwa i esoke i. Iŋ'ite káyilen kúuma ti Kiris h'eemo fu an éejube. Kájubu ku, t'Atambatun tu kúnuutina fu, abe aŋ'awun ko an fe éeyilene te o.

Eleetar i yi Pool akiñje i bakate ku Rom 8:14

Ábuki kiŋki kawas Búwejet bite Atambatun béewufooriin bítim bu, bokondu bakañi Atambatun.

1 Korent 15:22

Naane aamo i kúŋgowulan ku fe iŋi kaket iŋi naane káhine i t'afeeneŋ *n'Adam, boko yooŋ bíriteina t'eket i iŋi naane káhine i t'afeeneŋ ni Kiris.

Galasi 5:16

Iisokuun bonde: ariwas Búwejet Beenabe bu beejoŋooran buroŋ boonuun. Af'árihin ii, man arinaban wúfaŋi woonuun weejakut wu.

Eleetar i yi Pool akiñje i bakate ku Rom 8:4

Áhinahin bondu kaanuku man n'úyini karoŋu jes naane t'Eluwa i esoke du, úne keeemo ku tu buroŋ káanukiiit naane hutoofe i úne, bare naane hutoofe i Búwejet Beenabe bu.

Galasi 5:25

Makamu Búwejet Beenabe bu buwune fu úne buroŋ bu, úwas bo beejoŋooran buroŋ bite b'úne.

Galasi 3:28

Náami Asuwif man yooŋ an eenooto Asuwif, ásukateen man yooŋ an eenooto ásukateen, ániine man yooŋ anaare, arireyi fe ariwayeit: arirare iŋi naane árihine i t'afeeneŋ ni Yesu Kiris.

Saaŋ 14:20

Hunak hondu ifi hireeŋ, n'aŋ'árimeyi kaanuku íñj'endu ti Faafam, aruun bokondu t'íñje, íñj'endu yooŋ t'aruun.

Eleetar i yi Pool akiñje i bakate ku Rom 7:20

Abe if'íhin meejakut m'ímaŋiit mu, n'aŋ'áami íñjeiit if'inoŋk iinij iyu, bare kaahoofoor keeemo ku t'íñje ifi kitiŋgam.

Eleetar i yi Pool akiñje i bakate ku Rom 7:17

Náami íñjeiit if'inoŋk iinij iyu, bare kaahoofoor keeemo ku t'íñje ifi kitiŋgam.

2 Korent 12:2

Ímoomi ake ániine Akarjen, abe abajee simit sumoŋu ni sibaakiir, Atambatun n'ayito bija t'etiir-t'etiir tu bufor bu bíraanna du. (Ímeyiit man Atambatun átumbe fu ayito, man yooŋ bibajabaj an ondu naane ti híyawutu; Atambatun unoono taŋ ámeyie fu.)

Eleetar i yi Pool akiñje i bakate ku Rom 16:7

Arisaafam ebukaam Andironikus nu Suniyas k'iribine ku irikulee t'afeeneŋ. Kajamajamo faa tu *hupotoraate hooniin, abe boko kajabe kayoosaam hikarjenaate hu.

Eleetar i yi Pool akiñje i bakate ku Rom 16:3

Arisaafam Pirisil n'Akilas keeemo ku burok uni bifeeneŋ ti Yesu *Kiris.

Eleetar i yi Pool akiñje i bakate ku Rom 5:16

Abe b'Atambatun bamb'awun biŋaaŋut káyemi naane kaahoofoor kite ániine afeeneŋ. Kaahoofoor kifeeneŋ taŋ k'Adam áhine ku kíkinineŋe fu n'ajoonanee abe n'ayoosanee, bare b'Atambatun bamb'awun ésuk i ifi bíkinineŋ n'ajokiin bakan kéejube, hutoof yooŋ wuhoofoor wooniin káahoojin.

Eleetar i yi Pool akiñje i bakate ku Rom 8:2

Ábuki Búwejet Beenabe bu bumbu buwun buroŋ bite bu nu múniyo ti káhinu ku t'afeeneŋ ni Yesu Kiris biramamram ti kaahoofoor ku n'eket i.

Eleetar i yi Pool akiñje i bakate ku Rom 8:9

Bare aruun árihinaariit beetoofuun bu; aŋ'árihin beetoofe bu Búwejet bite Atambatun, ábuki bikinakin t'aruun. An afut'abaj Búwejet bite Kiris, an ondu anooto an ite Kiris.

Eleetar i yi Pool akiñje i bakate ku Rom 8:11

Arko Búwejet bite Atambatun eeritane u Yesu t'eket i bikinakin t'aruun, Atambatun ondu eeritane u Kiris t'eket i kawunu buroŋ bu sini soonuun seeemo su iŋi siket. O káŋaasanna bo tu Búwejet boone beekine bu t'aruun.

Galasi 3:26

Arireyi fe aruun bakañi Atambatun aŋarkeyi naane áriyilenayilen ti Yesu Kiris.

Efees 1:1

Íñje Pool eeemo u *apotor ite Yesu *Kiris naane t'Atambatun ámaŋie du, íkiñjinuun fee aruun bakate ku Efees k'Atambatun akino ku, kéejeŋgine ku Yesu Kiris.