Eleetar i yi Pool akiñje i bakate ku Rom 7:9 - Kwatay (Kuwaataay)

⁹ Kóŋkeyin t'ímeyioorut Eluwa i, íñje yéeni húŋgowulan heeroŋe. Bare h'ibine hu ijam yo, kaahoofoor ku nu kuroŋ,

Eleetar i yi Pool akiñje i bakate ku Rom 7:9 Referans Kwoze

Galasi 3:10

Kiŋki kayinoor ni kaane Atambatun kajokiiin bakan kéejube aŋarkeyi naane kájeŋginajeŋgin Eluwa yite Moyis, Atambatun káwuumiiin, ábuki Míkiñjin mu meenaan: «An fe afut'aŋ'aboo káhinu beesokee bu bireyi fe t'Eluwa yite Moyis, Atambatun káwuumio.»

Eleetar i yi Pool akiñje i bakate ku Rom 8:7

Kiŋki kayinoor ko kireyi fe beetoofiin bu, bokondu enatoora Atambatun. Kájeŋginut eluwa yite Atambatun, kátumbut yooŋ káyini yo kájeŋgin.

Galasi 2:19

Abe bare t'Eluwa i, íñje naane an eekete, ábuki eroŋut n'ebaj sembe t'íñje. Bondu fe bibajabaj kaanuku man n'íyini karoŋu bija t'Atambatun. Iyooleeyool ni Kiris *t'ekuruwa i.

Eleetar i yi Pool akiñje i bakate ku Rom 10:5

Bonde bi *Moyis asoke fu t'an éemaŋie kaŋaasu t'Eluwa i éejub t'Atambatun. Aanaan: «An af'áhin b'Eluwa i esoke bu bireyi fe, o kabaju buroŋ bu.»

Eleetar i yi Pool akiñje i bakate ku Rom 7:11

Ábuki kaahoofoor ku kukuusakuuso t'Eluwa i keebuutam, abe nu kuyoolam t'Eluwa yendu yoyo.

Eleetar i yi Pool akiñje i bakate ku Rom 7:6

Bare hahiye uŋkut úkol n'Eluwa i, ábuki te yo yéekulaanie i úne, úmoomi naane bakan keekete. Náami úyinooni karoku bija t'Atambatun ti máhinar míyeni, ti sembe site Búwejet Beenabe bu, káanukiiit ti máhinar meefiyee méenuutina t'Eluwa i.

Eleetar i yi Pool akiñje i bakate ku Rom 7:4

Iyu yooŋ a ariemo fu kújakuwe. T'Eluwa i árimoomi naane bakan keekete aŋarkeyi naane árihinahin t'afeeneŋ ni *Kiris éeketaanie u. Hahiye eŋkut ékiniuun. An éekiniuun u aamo fu an eeritanee u t'eket i, kaanuku uŋ'úbin úhin buroon beebaje éñjeriŋ bija t'Atambatun.

Hirim Heetoofe hu hi Luk akiñje hu 18:21

Ániine u n'aano: —Huta hu íñje añi, ifesut hikee tu bondu fe.

Hirim Heetoofe hu hi Luk akiñje hu 15:29

Bare ahaawa u n'aano: “Eene i, abajee simit, íñj'endu ti karokii, abe ímusut biteñeko hirim húuwe. Bare á̱musutam kawunu mayet ajaameel kaanuku iiñun bákawiyam.

Májiye 19:20

Ábaakiit u n'aano: —Ifesut hikee tu suluwa sondu fe. Naŋ n'iware fu kasooñu íhin?

Eleetar i yi Pool akiñje i bakate ku Rom 7:8

Bare kaahoofoor ku nu kukuuso tu bondu b'Eluwa i esoke bu, kéehinam iŋ'imero buroon beehooje-hooj bite bakan. Arko Eluwa ebajut fu yéeni, kaahoofoor man átumb abaj sembe.

Eleetar i yi Pool akiñje i bakate ku Rom 7:10

íñje n'iket. Eluwa i yeeware i yéeni káhinu ésuk i keeroŋ, n'éhinam íiyemi an eekete.