Eleetar i yi Pool akiñje i bakate ku Rom 7:4 - Kwatay (Kuwaataay)

⁴ Iyu yooŋ a ariemo fu kújakuwe. T'Eluwa i árimoomi naane bakan keekete aŋarkeyi naane árihinahin t'afeeneŋ ni *Kiris éeketaanie u. Hahiye eŋkut ékiniuun. An éekiniuun u aamo fu an eeritanee u t'eket i, kaanuku uŋ'úbin úhin buroon beebaje éñjeriŋ bija t'Atambatun.

Eleetar i yi Pool akiñje i bakate ku Rom 7:4 Referans Kwoze

1 Piyeer 2:24

Akina *t'ekuruwa i, ayitayit t'enio wuhoofoor wute w'úne, kaanuku man n'úwasoor ni kaahoofoor ku núuyooso tu buroŋ beejoŋoore. Hee, iŋi busontaay bite bu Kiris h'aribaje fu káasuumaay.

Eleetar i yi Pool akiñje i bakate ku Rom 8:2

Ábuki Búwejet Beenabe bu bumbu buwun buroŋ bite bu nu múniyo ti káhinu ku t'afeeneŋ ni Yesu Kiris biramamram ti kaahoofoor ku n'eket i.

Efees 2:15

Akina aneyane fu *Eluwa yite Moyis, nu buroon b'esoke bu kaanuku iŋi bíhinee. Iyu a akuukane fu Esuwif i ni keenooto ku Esuwif kéeyemi te o an afeeneŋ áyeni, káasuumaay keebaj.

Eleetar i yi Pool akiñje i bakate ku Rom 7:6

Bare hahiye uŋkut úkol n'Eluwa i, ábuki te yo yéekulaanie i úne, úmoomi naane bakan keekete. Náami úyinooni karoku bija t'Atambatun ti máhinar míyeni, ti sembe site Búwejet Beenabe bu, káanukiiit ti máhinar meefiyee méenuutina t'Eluwa i.

Galasi 5:18

Bare arko Búwejet Beenabe bu ufu bujoŋooranuun, n'aŋ'áami *Eluwa yite Moyis ékiniituun.

Kolos 1:22

Bare hahiye, Atambatun áhina ariibukan ne o t'eket ite Añio, eejuke u sílaam t'enio, kaanuku af'aribin arisiiŋo hágilao, n'áriyemi bakan keenabe, *keekuure, abe an at'áyiniuun kawatan tu doon.

Eleetar i yi Pool akiñje i bakate ku Rom 6:22

Bare hahiye arikolut ni kaahoofoor ku, abe aruun búsukateen bite Atambatun. Doon d'aribaje du toko deemo fu buroŋ beenabe, abe ti biraanu, aruun kabaju buroŋ béehabanaariit.

Galasi 3:13

Yesu Kiris áwuumee fu eeram úne t'úware du yéeni káwuumiee iŋi naane újeŋginut i Eluwa i ereyi, ábuki Míkiñjin mu meenaan: «An fe eekobee ti kaaland kite nunukanuk eeyoolee toko, Atambatun káwuumio.»

Eleetar i yi Pool akiñje i bakate ku Rom 6:14

Kaahoofoor ku kuroŋut kabaju t'aruun sembe, ábuki *Eluwa yite Moyis eŋkut ékiniuun, bare kajaku k'Atambatun kaŋk'áwufooruun kíkiniuun fu hahiye.

Kolos 2:14

Kaawiit keetinane ku úne yéeni iŋi naane újeŋginut i ko, Atambatun atibatib ko *t'ekuruwa yite Kiris eeneyan ko tuus.

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Kafeeñal ku 19:7

Kikaw úne kutoof, abe n'útoofan núunikano, ábuki asibar ite Ametek u afaraa, abe huyoosan hoone hireeŋa!

Eleetar i yi Pool akiñje i bakate ku Rom 6:2

Mánoman aaa! Ti kaahoofoor ku, úne bakan keekete. Buŋ b'úyinie fu kasooñu úkin te ko?

Kolos 2:20

Ariketaket ni *Kiris, abe n'ariramee tu ñúwejet ñite sembe su ñeeemo ñu t'etaam ye. Náami iŋi naŋ nu buroŋ boonuun beemo fu naane bite bakate ku t'etaam ye? Iŋi naŋ n'af'aribeb keenoŋkooranuun buluwa naane bonde:

Kolos 1:6

Hirim hondu Heetoofe hu híreeŋinuun naane hireeŋe i yooŋ tánotan fe t'etaam ye. Hondu ti kabukoor, hondu yooŋ ti kahaŋu bija hágila. Iyu yooŋ i hije fu t'aruun huta h'aŋ'aribin arijam abe n'árimeyi kaanuku Atambatun aŋ'áwufoor ésuk i kajaku koone nu múniyo.

Fílip 4:17

Íñjeiit eeemo ti hiŋes kaanuku man n'ibaj dike doon t'aruun. B'ímaŋie bu beemo fu Atambatun ásoniyanuun iŋ'ite kawunu koonuun.

Saaŋ 3:29

Eeman kereŋ an eesee akino fu anaar'o? Bare ajak u, akina aa asiiŋo kaagoroor n'an eesee u, eejam naane aa asok, aŋ'atoofan dómbokun naane aa ajam kaaji koone. Katoofu kondu yooŋ keemo fu t'íñje, abe itoofanatoofan íhabanein.

Májiye 26:26

Bokondu tu buñoofo bu, Yesu n'ayit humburu abe n'aane Atambatun eyeehen. N'afiitar ho, abe n'asaan eriboora yeene ti kaaniiin: —Árisik ariiteŋ, diye eniam.

Kafeeñal ku 21:9

Ake t'emalaka i hutok ni bákasuba kéeyekie ku sukot hutok nu súsuba seehooje su nu wútaañi wu hutok nu wúsuba wuraanu wu n'aanam: —A̱bin, abe n'iŋ'íwufoori anaare eeemo u ti biseño bu, asibar ite Ametek u.

Esuwif i 10:10

Makamu Yesu Kiris áhina ahaban b'Atambatun ámaŋie bu, kaasarah k'áhine ku kite eni yeene, kifeeneŋ ku taŋ abe yooŋ kiraanu, kukuurana úne tu wuhoofoor wu.

2 Korent 11:2

Ítumbatumba ífiir t'aruun káfiiru kéenuutina t'Atambatun. Ábuki isibaruunsibar bija t'ániine afeeneŋ eeemo u *Kiris, abe n'ímaŋi kaanuku huyoosan hu ifi hireeŋ, n'iŋ'isaanuuno naane ásuŋgute éemeyiit ániine, abe n'akuur but.

1 Korent 10:16

Uŋ'úene Atambatun eyeehen bija t'ekot ite kásoniyan ku. Uf'úyemi tu búhujo te yo, bondu búwufoorut kereŋ kaanuku uŋ'úmaat úreyi fe tu buroon beejake bite bu Kiris, halan hoone héekinineŋ? Abe humburu huh'úfiitar, uf'úyemi ti kateŋu ho, bondu búwufoorut kaanuku úhinahin t'afeeneŋ ni Kiris iŋ'ite eni yeene?

Saaŋ 15:8

Af'aribuk miriyaay meehooje, iyu i Faafam aja fu kánikanee, iyu yooŋ a arija fu káwufoor kaanuku aruun eriboora íima.

Saaŋ 6:51

Íñj'eemo fu humburu huhu huwun buroŋ bu, héewaneina hu t'etiir. An eeteŋe u te ho, buroŋ boone iti bihabano. Humburu h'ija hu kawunu heemo fu eniam. Íñje kawunu ho kaanuku ésuk i keeroŋ.

Mark 4:20

Bakaaku bare kámoomi naane etaam yeejake i ti sinawaay su sineye du. Boko kaamo fu kiŋki kajam hirim hu, ni kajok ho káhabanein, abe ni kabukoor. Afeeneŋ n'aŋ'abuk kaamo butuman nu sumoŋu, ake bakan bákahaaji, ake téemeer.

Eleetar i yi Pool akiñje i bakate ku Rom 6:11

Náami aruun yooŋ árihin iye: ti kaahoofoor ku, arijokooro naane bakan keekete, abe n'arijokooro naane bakan keeroŋe bija t'Atambatun iŋi naane árihine i t'afeeneŋ ni Yesu Kiris.

Eleetar i yi Pool akiñje i bakate ku Rom 7:3

Af'ariboor n'ake ániine áyino buroŋ, n'aŋ'áami ajokeejok n'ániine. Bare áyino af'aket, eluwa i eŋkut ejoko. Áyinooni biseño n'ake, abe an at'aane ajokojok n'ániine.