Eleetar i yi Pool akiñje i bakate ku Rom 7:15 - Kwatay (Kuwaataay)

¹⁵ Ábuki íjokaariit bimb'íhin: íhinaariit beejake bimb'ímaŋi káhinu, bare beejakut b'iteñekee bu, bo b'if'íhin.

Eleetar i yi Pool akiñje i bakate ku Rom 7:15 Referans Kwoze

Galasi 5:17

Ábuki wúfaŋi wute húŋgowulan wuwayawayo nu wute Búwejet Beenabe bu, abe wúfaŋi wute Búwejet Beenabe bu wuwayawayo nu wute húŋgowulan. Wútumbut wuŋaaŋ kajamoor, iŋ'ite ho h'áriyiniaariit fu káhinu b'árimaŋie bu.

Saak 3:2

Úreyi fe uŋ'újuum kuhooj aa ti máhinar meehooje. An éejuumaariit ti báhamin, akina an eekuure but, akina an éeyinie bújokumooro áhabanein.

Eleetar i yi Pool akiñje i bakate ku Rom 12:9

Kámaŋi koonuun kíyemi kite nu múniyo. Ariteñeko meejakut mu, abe n'arijok ti meejake mu.

Eleetar i yi Sud akiñje i 1:23

Arihaawananoor keeemo ku ti bija sambuun ariiramiin. Ariyubiyen yooŋ bakaaku, bare áriwasiyoor itim kabin kátifenuun nu doon fe deekole ni máhinar mooniin meejakut mu.

Eleetar i yi Pool akiñje i bakate ku Rom 14:22

B'a̱yinoore bu tu bondu, a̱jok bo ti hikawi hágila Atambatun, atum'a̱sok bo an. Atoof t'an i hikawo híteyooraariit tu buroon bamb'áhin!

2 Timote 2:19

Bare káyilen k'Atambatun awune ku úne kiyanayan naane kiñaan kítiyar kite enuuf. Kirim konde kikiñjee fu toko: «Atemit ámoomi bakan koone.» Nu bonde yooŋ: «An fe eeene akina an ite Atemit áwuŋg meejakut mu hiñaawu.»

Esuwif i 1:9

B'á̱maŋie bu beemo fu beejoŋoore bu, abe beejakut bu a̱huufahuuf bo. Atambatun, iŋ'ite ho h'Atambatun úuwe áyuuse fu ti hikawi éluuliin a̱atoofan. Iyu a áwufoore fu kaanuku ajokijok ahaŋ bakani.»

Eleetar i yi Pool akiñje i bakate ku Rom 7:16

Abe arko b'ímaŋiit bu b'if'íhin, n'iŋ'eene hee, kame fu Eluwa i ejakajak.

Hirim Heetoofe hu hi Luk akiñje hu 11:48

Bamb'árihin ii búwufoorawufoor kaanuku aririboorariboor ni sifaafuun. Ábuki boko kayoolayool eyiŋana yite Atambatun, aruun n'arinut búlum booniin!

Saaŋ 15:15

Iroŋutuun kaane eroka, ábuki aroka ámeyiaariit te naŋ t'an u tand'arok aamo fu. Iŋ'eenuun aruun bákawiyam, ábuki b'ijame bu ti Faafam fe, isokuunsok bo.