Eleetar i yi Pool akiñje i bakate ku Rom 6:2 - Kwatay (Kuwaataay)

² Mánoman aaa! Ti kaahoofoor ku, úne bakan keekete. Buŋ b'úyinie fu kasooñu úkin te ko?

Eleetar i yi Pool akiñje i bakate ku Rom 6:2 Referans Kwoze

1 Saaŋ 3:9

An fe eeemo añi ite Atambatun araana kahoofoor, ábuki buroŋ béenuutina bu t'Atambatun bondu te o. At'aŋk'áyini kakinu ti kaahoofoor, ábuki akina añi ite Atambatun.

Kolos 3:3

Ábuki ariketaket, abe buroŋ boonuun búnuuseenuus ni Kiris t'Atambatun.

Eleetar i yi Pool akiñje i bakate ku Rom 7:4

Iyu yooŋ a ariemo fu kújakuwe. T'Eluwa i árimoomi naane bakan keekete aŋarkeyi naane árihinahin t'afeeneŋ ni *Kiris éeketaanie u. Hahiye eŋkut ékiniuun. An éekiniuun u aamo fu an eeritanee u t'eket i, kaanuku uŋ'úbin úhin buroon beebaje éñjeriŋ bija t'Atambatun.

1 Piyeer 2:24

Akina *t'ekuruwa i, ayitayit t'enio wuhoofoor wute w'úne, kaanuku man n'úwasoor ni kaahoofoor ku núuyooso tu buroŋ beejoŋoore. Hee, iŋi busontaay bite bu Kiris h'aribaje fu káasuumaay.

Galasi 2:19

Abe bare t'Eluwa i, íñje naane an eekete, ábuki eroŋut n'ebaj sembe t'íñje. Bondu fe bibajabaj kaanuku man n'íyini karoŋu bija t'Atambatun. Iyooleeyool ni Kiris *t'ekuruwa i.

Eleetar i yi Pool akiñje i bakate ku Rom 7:6

Bare hahiye uŋkut úkol n'Eluwa i, ábuki te yo yéekulaanie i úne, úmoomi naane bakan keekete. Náami úyinooni karoku bija t'Atambatun ti máhinar míyeni, ti sembe site Búwejet Beenabe bu, káanukiiit ti máhinar meefiyee méenuutina t'Eluwa i.

1 Piyeer 1:14

Árijeŋgin Atambatun, abe atum'aribatikan siheluun tu wúfaŋi woonuun wute wu ti hítiyar hu t'árimeyioorut múniyo mu.

Kolos 2:20

Ariketaket ni *Kiris, abe n'ariramee tu ñúwejet ñite sembe su ñeeemo ñu t'etaam ye. Náami iŋi naŋ nu buroŋ boonuun beemo fu naane bite bakate ku t'etaam ye? Iŋi naŋ n'af'aribeb keenoŋkooranuun buluwa naane bonde:

Galasi 6:14

Íñje bare, ekuruwa yite Anahaan ite úne Yesu Kiris taŋ y'ija fu kamaku. Eket yeene t'ekuruwa i ékinineŋe fu n'ijok buroon bite aduna i naane beekete, bo yooŋ nu bujokam naane an eekete.

Eleetar i yi Pool akiñje i bakate ku Rom 5:11

Abe bóndiiit barebare: kikaw úne uŋu kutoof t'Atambatun, o éehine u núubukan ne o, Anahaan ite úne Yesu Kiris éekinineŋ.

Hirim Heetoofe hu hi Luk akiñje hu 20:16

Akina bibin, n'aŋ'ayool eroka yendu fe, abe n'aŋes bakaake anaŋ toko. H'ésuk i kajame hu bondu, ni kaane: —Yala bondu itim bibaj!

Eleetar i yi Pool akiñje i bakate ku Rom 6:15

*Eluwa yite Moyis eŋkut ékini úne, bare kajaku k'Atambatun kaŋk'áwufoor úne kíkinie fu úne. Náami naŋ? Bondu buwarawar fíya kákinineŋ n'uŋ'úhoofoor? Mánoman aaa!