Eleetar i yi Pool akiñje i bakate ku Rom 5:19 - Kwatay (Kuwaataay)

¹⁹ Naane kájeŋginaate kite an afeeneŋ taŋ kíhine i bakan keehooje ni káyemi ehoofoora, afeeneŋ yooŋ taŋ ájeŋgine fu ayak áhin bakan keehooje kéejub t'Atambatun.

Eleetar i yi Pool akiñje i bakate ku Rom 5:19 Referans Kwoze

2 Korent 5:21

Kiris ámusut káhinu kaahoofoor, bare Atambatun asejanosejan wuhoofoor wute w'úne. Áhinahin bondu kaanuku man úne kéehine ku t'afeeneŋ ni Kiris n'úyini káyemi bakan kéejube t'Atambatun.

Eleetar i yi Pool akiñje i bakate ku Rom 5:18

Náami naane aamo i kaahoofoor kite Adam kifeeneŋ ku taŋ kuyoosane fu ésuk i fe ti kaayeen, burok yooŋ béejube bifeeneŋ taŋ bite bu Yesu Kiris bíhine fu Atambatun n'ajok kúŋgowulan ku fe bakan kéejube, abe nu buwuniin buroŋ.

Fílip 2:8

awananoorawananooro, abe ájeŋginajeŋgin Atambatun bija yooŋ t'eket i; hee, eket i *t'ekuruwa i.

Eleetar i yi Pool akiñje i bakate ku Rom 5:12

Afeeneŋ taŋ áyoosanna fu kaahoofoor ku t'etaam ye, abe kaahoofoor ku ni kibin n'eket i: o aamo fu *Adam. Iyu e eket i éreeŋina fu kúŋgowulan ku fe, ábuki kareyi fe kahoofoorahoofoor.

Efees 1:6

Náami úsokorooro iŋi meejake moone meehahe mu. Anoŋkanoŋk eewun úne mo fuufu iŋi naane úhine i t'afeeneŋ n'Añi oone a ámaŋie-maŋie u.

Eleetar i yi Pool akiñje i bakate ku Rom 5:15

bare kawayawayo tu dómbokun. Katin kite Adam kiŋaaŋut káyemi naane b'Atambatun bamb'awun fuufu. Múniyo bakan keehooje kaketaket iŋi katin kite an afeeneŋ ondu. Bare kajaku k'Atambatun kaŋk'áwufoor kihaŋahaŋ tu dómbokun, abe bamb'awun bakan keehooje-hooj fuufu, áŋaasann bo t'an afeeneŋ taŋ eeemo u Yesu *Kiris nu busooñ bihaŋ.

Eleetar i yi Pool akiñje i bakate ku Rom 11:32

Náami Atambatun akulakul ésuk i ereyi fe iŋi kájeŋginaate kooniin, kaanuku man n'áyiniiin kayubiyen kareyi fe.