Eleetar i yi Pool akiñje i bakate ku Rom 5:1 - Kwatay (Kuwaataay)

¹ Náami Atambatun ajoka úne bakan kéejube aŋarkeyi naane úyilenayilen, abe hahiye káasuumaay kibaja t'etut úne ne o, Anahaan ite úne Yesu *Kiris éekinineŋ.

Eleetar i yi Pool akiñje i bakate ku Rom 5:1 Referans Kwoze

Eleetar i yi Pool akiñje i bakate ku Rom 15:13

Yala Atambatun aa áhin ésuk i ni kayakar te o, n'áhinuun ariitoofan dómbokun, abe n'áhinuun ariibaj káasuumaay iŋi naane áriyilene i te o. Káhinu iyu, sembe site Búwejet Beenabe bu n'iŋi síhinuun ariihaŋ kabaju eyakar.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

Kolos 1:20

Iyu yooŋ a áhabaneina fu kaanuku eebukan nu dóonodoon fe eeŋaasan bondu t'Añio. Ti halan hite Añio héeyuusee hu *t'ekuruwa i t'Atambatun áhine fu káasuumaay t'etutiin, akina nu buroon bu fe beeemo t'etiir bufor bu, ni t'etaam i.

Eleetar i yi Pool akiñje i bakate ku Rom 6:23

Ábuki bajaam bite kaahoofoor beemo fu eket i; bare b'Atambatun bamb'awun fuufu beemo fu buroŋ béehabanaariit bu iŋi naane úhine i t'afeeneŋ ni Yesu *Kiris Anahaan ite úne.

Eleetar i yi Pool akiñje i bakate ku Rom 14:17

Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

2 Tesalonik 3:16

Yala Anahaan u aa awun káasuumaay ku n'awunuun akina humuumo káasuumaay ko kireyi fe, nu tu doon areyi. Yala Anahaan u n'áyemi n'aruun arireyi fe.

Saaŋ 14:27

«Káasuumaay k'iwas fee n'aruun; káasuumaay kúuma k'iwunuun fu. Iwunutuun ko aliik naane bakate ku t'etaam ye ii kawun. Atum'ariyinoor doon fe, atum'árikoleyi yooŋ.

Eleetar i yi Pool akiñje i bakate ku Rom 4:5

Bare an éesike eyakar yeene anaŋ t'Atambatun, abe ajokooreit an éejube t'Atambatun uŋu burok beejake bamb'áhin, Atambatun aa ajok ehoofoora i kéeyilene ku te o bakan kéejube, kajuku ti káyilen koone n'aŋ'ajoko an éejube.

Kolos 3:15

Káasuumaay ki Kiris kaŋk'awun kija kujoŋooran siheluun. Atambatun aruwuunruw bite káasuumaay kondu kaanuku áriiyemi eni efeeneŋ. Arieno ko kireyi fe eyeehen.

Eleetar i yi Pool akiñje i bakate ku Rom 15:33

Atambatun aa awun káasuumaay ku aja áyemi n'aruun arireyi fe! Amiin.

Epotor i 10:36

Atambatun áboñinoboñin *t'Israyel Hirim Heetoofe hite káasuumaay ku, éeŋaasann káasuumaay kondu ti Yesu *Kiris eeemo u Anahaan ite ésuk i ereyi fe.

Fílip 3:9

abe n'íhin ne o t'afeeneŋ íhabanein. Iŋkut eene íñj'eemo an éejube aŋarkeyi naane iŋ'íhin naane Eluwa i esoke i. Iŋ'ite káyilen kúuma ti Kiris h'eemo fu an éejube. Kájubu ku, t'Atambatun tu kúnuutina fu, abe aŋ'awun ko an fe éeyilene te o.

1 Tesalonik 5:23

Atambatun humuumo aa awun káasuumaay ku, áhin áriiyemi bokoone ku árihabanein. Aja ajukaruun yooŋ búwejet bu, yaan i, n'eni i fe, atum'aribin ariwatanee tu doon hunak h'Anahaan ite úne Yesu Kiris ábatikein hu te ho.

Eleetar i yi Pool akiñje i bakate ku Rom 5:18

Náami naane aamo i kaahoofoor kite Adam kifeeneŋ ku taŋ kuyoosane fu ésuk i fe ti kaayeen, burok yooŋ béejube bifeeneŋ taŋ bite bu Yesu Kiris bíhine fu Atambatun n'ajok kúŋgowulan ku fe bakan kéejube, abe nu buwuniin buroŋ.

Hirim Heetoofe hu hi Luk akiñje hu 19:42

aŋ'aane: —Kane arko fu yéeni awe á̱meyie fu úmiye naŋ níyinii fu kawunu káasuumaay! Bare hahiye, a̱yinaat bo kajuku!

Eleetar i yi Pool akiñje i bakate ku Rom 1:7

Aruun keeemo ku *Rom k'íkiñjina fee, aruun k'Atambatun ámaŋie ku arireyi fe, abe n'aruwuun kaanuku áriiyemi bakan koone. Atambatun Faaf úne, n'Anahaan u Yesu Kiris kaja kásoniyanuun, abe ni kawunuun káasuumaay.

Hirim Heetoofe hu hi Luk akiñje hu 19:38

N'iŋi kaane: «Atambatun ásoniyan áyi u eebin ii tu huruwu hite Atemit! Káasuumaay kibaj t'etiir bufor bu, abe n'únikan Atambatun!»

Galasi 2:16

Bare írimoomi kaanuku húŋgowulan, káanukiiit man áhinahin naane *Eluwa yite Moyis esoke i h'Atambatun ajoko fu an éejube. Aaa, káyilen koone ti Yesu *Kiris taŋ kíkinineŋe fu Atambatun n'ajoko an éejube. Bondu bíkinineŋe fu uni yooŋ n'íriyilen ti Yesu Kiris, kaanuku man Atambatun n'ajok uni bakan kéejube iŋi naane íriyilene i ti Kiris; atum'ajok uni bakan kéejube aŋarkeyi naane man uni írihine naane t'Eluwa yite Moyis esoke du. Ábuki káhinu ku naane t'Eluwa yite Moyis esoke du kíkinineŋut hikee-kee Atambatun n'ajok ake an éejube.

Saaŋ 20:31

Bare beeemo bu te ko bikiñjeekiñj man n'áriyilen kaanuku Yesu aamo fu *Afakana u, Añi ite Atambatun. Abe af'áriyilen te o, n'aŋ'aribaj te o buroŋ bu.

Eleetar i yi Pool akiñje i bakate ku Rom 10:10

Ábuki an af'áyilen tu búwejeto, Atambatun n'aŋ'ajoko an éejube, abe an n'asok nu butumo tu buhooŋu ésuk i káyilen koone ti Yesu, Atambatun kafakano.

Eleetar i yi Pool akiñje i bakate ku Rom 3:30

ábuki Atambatun afeeneŋ taŋ abaje fu. Akina aja fu kajoku Esuwif i bakan kéejube ti káyilen kooniin, n'ajok yooŋ keenooto ku Esuwif bakan kéejube ti káyilen kooniin.

Eleetar i yi Pool akiñje i bakate ku Rom 1:17

Múniyo Hirim Heetoofe hu húwufoorawufoor buŋ b'Atambatun af'ajok húŋgowulan an éejube: ti káyilen ku taŋ. Ti káyilen ku tu bondu bíjabina fu, ni biraan yooŋ te ko, naane busokee i ti *Míkiñjin mu. Meenaan: «An éejube, buroŋ boone káyemi bite káyilen.»

Esuwif i 13:20

Atambatun aa awun káasuumaay ku, abe n'aritan Anahaan ite úne Yesu t'eket i, aja awunuun sembe aŋ'aribin árihin meejake mu, man n'áriyini káhinu b'ámaŋie bu. Aja áhin t'úne burok beetoofo bu tu huruwu hite Yesu *Kiris, eeemo u ahaawa ómbokun ite síkarniina su. Halan hite *kaasarah koone híkinineŋe fu *kaajamoor kéehabanaariit ku ni kisiiŋanee t'etut Atambatun nu kúŋgowulan ku. Yesu Kiris aja ákini kániku ku hiraanu! Amiin.

Efees 2:7

Náami h'áwufoore hu úne ti Yesu Kiris kajaku koone, am aamo yooŋ ti káwufoor bakate ku kuwaatu kaanuku aŋ'ayubiyen ahahee.

Galasi 3:25

Náami hahiyu bítim bite káyilen ku ti Kiris búwufooree; Eluwa yite Moyis eŋkut ejukar úne.

Eleetar i yi Pool akiñje i bakate ku Rom 10:15

Buŋ b'an aja fu kasokiiin ho t'aboñutee? Míkiñjin mu meenaan: «Aŋ'atoof dómbokun kane kiŋki kawaare Hirim Heetoofe hu káreeŋin!»

Eleetar i yi Pool akiñje i bakate ku Rom 9:30

Náami uŋ'úene yooŋ buŋ? Keenooto ku Esuwif kaŋesut káyemi bakan kéejube t'Atambatun, bare Atambatun ajokiinjok bakan kéejube iŋi naane káyilene i ti *Kiris.

Hirim Heetoofe hu hi Luk akiñje hu 2:14

«Atambatun eeemo u t'etiir-t'etiir ánikanee, abe káasuumaay koone nu kuwunee bakan keetoofo ku t'etaam ye!»

Eleetar i yi Pool akiñje i bakate ku Rom 3:22

Kéejube ku t'Atambatun kaamo fu bakan ku fe kéeyilene ku ti Yesu *Kiris. Te o, kúŋgowulan ku kawayeit,

Saaŋ 5:24

«Iisokuun bifeeneŋ bu: an eejame u báhamin búuma, abe n'áyilen t'an éeboñinam u, an ondu abaja buroŋ béehabanaariit bu. At'ajoonanee. Ánuutino t'eket i eebin tu buroŋ bu.

Eleetar i yi Pool akiñje i bakate ku Rom 5:11

Abe bóndiiit barebare: kikaw úne uŋu kutoof t'Atambatun, o éehine u núubukan ne o, Anahaan ite úne Yesu Kiris éekinineŋ.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,