Eleetar i yi Pool akiñje i bakate ku Rom 4:11 - Kwatay (Kuwaataay)

¹¹ Abe Atambatun n'abin áhino eetey karam: karam kondu keemo fu ékeetanuma yéewufoore i kaanuku Atambatun ajokojok an éejube iŋ'ite káyilen koone, abe kóŋkeyin o t'ateyoorut karam. Iyu i Aburaham aamo fu faaf ite bakan ku fe kéeyilene ku t'Atambatun ti kateyit karam. Abe bokondu Atambatun ajokiinjok bakan kéejube.

Eleetar i yi Pool akiñje i bakate ku Rom 4:11 Referans Kwoze

Eleetar i yi Pool akiñje i bakate ku Rom 3:22

Kéejube ku t'Atambatun kaamo fu bakan ku fe kéeyilene ku ti Yesu *Kiris. Te o, kúŋgowulan ku kawayeit,

Hirim Heetoofe hu hi Luk akiñje hu 19:9

Yesu n'aano: —Atambatun afakana úmiye butoŋ bonde aŋarkeyi naane ániine onde ite yooŋ tu hubukandin hite *Aburaham.

Esuwif i 11:7

Káyilen kíkinineŋe fu *Nowe n'arok etara yómbombokun kaanuku eefakan butoŋo. Ajamatanajamatan h'Atambatun áyeegalo hu beeware bu bibin kabaju, b'an ajukoorut bu. Iyu i Nowe áhine fu éewufoor kaanuku bakate t'etaam i kajakut. Atambatun n'ajoko an éejube iŋi káyilen koone.

2 Korent 1:22

Akina yooŋ áhine fu t'úne éluwenuma yeene yite káwufoor ku kaanuku úne bakan koone, abe n'anaŋ ti sihel site s'úne Búwejet boone Beenabe bu, beekuur úne kaanuku aroŋa kawunu úne eke ebaj.

Fílip 3:9

abe n'íhin ne o t'afeeneŋ íhabanein. Iŋkut eene íñj'eemo an éejube aŋarkeyi naane iŋ'íhin naane Eluwa i esoke i. Iŋ'ite káyilen kúuma ti Kiris h'eemo fu an éejube. Kájubu ku, t'Atambatun tu kúnuutina fu, abe aŋ'awun ko an fe éeyilene te o.

Efees 4:30

Atum'árihin Búwejet bite Atambatun Beenabe bu béetaañian. Bo b'Atambatun ásike fu éehin t'aruun naane éluwenuma bija tu hunak h'aja hu kafakan koonuun akuur but.

Efees 1:13

Aruun yooŋ kéehine ku t'afeeneŋ ni Kiris, arijamajam hirim hite múniyo mu, heeemo hu Hirim Heetoofe hu héekinineŋe hu n'arifak. H'áriyilene hu ti Kiris, Atambatun n'áhin t'aruun éluwenuma yite káwufoor kaanuku aruun bokoone ku; yo yeemo fu Búwejet Beenabe bu b'afiye bu aane o kawunu úne.

Galasi 6:16

Kiŋki kajok fe buroŋ bondu b'isokuun bu, Atambatun aja awuniin káasuumaay, abe n'ayubiyeniin, boko ni bakaaku yooŋ k'akino ku fe.

Galasi 5:5

Uni bare, iriyakarayakar kaanuku Atambatun kaanu írijubajub aŋarkeyi naane íriyilenayilen. Bondu b'iriemo fu ti kanahan ku ti sembe site Búwejet Beenabe bu.

Galasi 3:29

Arko Kiris ákiniuun fu, n'aŋ'áami kame aruun bakañi *Aburaham, abe n'aŋ'aribaj buroon b'Atambatun aane bu o kawunio, akina ni bakañio.

Galasi 3:22

Bare *Míkiñjin mu meenaan kaahoofoor ku kihaŋahaŋ kúŋgowulan ku fe sembe, kaanuku man b'Atambatun aane bu o kawunu, *kéeyilene ku ni kabaj bo aŋarkeyi naane káyilenayilen ti Yesu *Kiris.

Galasi 3:7

Árinandin hahiyu kaanuku *kéeyilene ku kaamo fu bakañi Aburaham nu múniyo.

Eleetar i yi Pool akiñje i bakate ku Rom 10:11

Múniyo Míkiñjin mu meenaan: «An af'áyilen te o, at'awatanooro hikee.»

Eleetar i yi Pool akiñje i bakate ku Rom 10:6

Bare ti bite káyilen ku man an u n'ájub t'Atambatun, bonde busokee fu: «Atum'a̱yinoor n'a̱ane: aañ aja fu t'etiir?» kite awe á̱maŋie *Kiris áŋaabein úne t'etaam.

Eleetar i yi Pool akiñje i bakate ku Rom 10:4

Ábuki Kiris ahabanoore fu *Eluwa yite Moyis, kaanuku man kéeyilene ku te o fe, Atambatun n'ajokiin bakan kéejube.

Saaŋ 6:35

Yesu n'aaniin: —Íñj'eemo fu humburu huhu huroŋan ésuk i. An eebine u t'íñje, aroŋut kajoñjolat. An yooŋ éeyilene u t'íñje, búhujo buroŋuto kajoku.

Kafeeñal ku 9:4

Ake n'aane bo utum bugor mahos mu, nu ñunukanuk ñu, nu doon fe déelooñina, kane arko taŋ bo bibete bakan kéehinutee ku tu kúyuut ékeetanuma yite Atambatun.

2 Piyeer 1:1

Íñje Simoŋ Piyeer aroka ite Yesu *Kiris, *n'apotor oone toko yooŋ ikiñje fee bakan k'Atambatun awune ku káyilen keeree ni kite k'uni. Yesu Kiris eeemo u Atambatun ite úne, *n'Afakana ite úne toko yooŋ awunawun úne káyilen kondu aŋarkeyi naane ájubajub.

Eleetar i yi Pool akiñje i bakate ku Rom 9:30

Náami uŋ'úene yooŋ buŋ? Keenooto ku Esuwif kaŋesut káyemi bakan kéejube t'Atambatun, bare Atambatun ajokiinjok bakan kéejube iŋi naane káyilene i ti *Kiris.

Eleetar i yi Pool akiñje i bakate ku Rom 9:6

Eenut Atambatun áhinut b'asoke bu, aaa. Bare káanukiiit bakañi Israyel kareyi fe kaamo fu bakañi Atambatun bakate ku nu múniyo.

Eleetar i yi Pool akiñje i bakate ku Rom 3:26

Bare hahiye kaasarah kondu kúwufoorawufoor kájubu koone. Akina an éejube, abe n'ajok an fe éeyilene ti Yesu Kiris an éejube.

Saaŋ 8:33

Ni kaano: —Uni bakañi *Aburaham, abe írimusut káyemi búsukateen bite an. Buŋ b'a̱yino fu kaanu uni n'iŋ'irinuut tu húsukateenaate hu?

Saaŋ 6:47

Iisokuun bifeeneŋ bu: an éeyilene u abaja buroŋ béehabanaariit bu.

Saaŋ 6:40

Hee, bonde butoofe fu Faafam: an fe eejuke Añi u abe n'áyilen te o, n'abaj buroŋ béehabanaariit bu, abe íñje karitano t'eket i tu hunak hiraanu hu.

Saaŋ 3:36

An éeyilene u t'Añi u abaja buroŋ béehabanaariit bu; an éeyilenut u t'Añi u at'ajuk buroŋ bondu, bare Atambatun akufokufo awasan.

Májiye 16:16

Simoŋ Piyeer n'ásafino aano: —Awe a̱amo fu *Afakana u, Añi ite Atambatun eekino u buroŋ bu.

Májiye 8:11

Abe íñje isok fee n'aruun: bakan keehooje kánuutina tánotan fe t'etaam ye, abe boko buñoofo t'afeeneŋ *n'Aburaham, *n'Isak, ni *Sakob ti *Jáyi jite Atambatun.

Eleetar i yi Pool akiñje i bakate ku Rom 9:33

yi *Míkiñjin mu musoke i. Meenaan: «Arijuk, iisiiŋan t'ésuk ite *Siyoŋ ejuju yey'eneyan ésuk i, elaaliñj yey'éfiiten. Bare an af'ayaajo te yo, at'awatanooro hikee.»

Saaŋ 3:33

An éeyileno u áwufoorawufoor akuur but kaanuku b'Atambatun asoke bu bite nu múniyo.

Eleetar i yi Pool akiñje i bakate ku Rom 3:30

ábuki Atambatun afeeneŋ taŋ abaje fu. Akina aja fu kajoku Esuwif i bakan kéejube ti káyilen kooniin, n'ajok yooŋ keenooto ku Esuwif bakan kéejube ti káyilen kooniin.

Eleetar i yi Pool akiñje i bakate ku Rom 4:10

Kaakaŋ nu bondu bibaje fu? Aburaham fíya káateyin karam, bare t'ateyoorut ko? Aaa, Atambatun ajokojok an éejube t'ateyoorut karam.