Eleetar i yi Pool akiñje i bakate ku Rom 3:28 - Kwatay (Kuwaataay)

²⁸ Uŋ'úene Atambatun ajokajok húŋgowulan an éejube iŋi káyilen koone ti Yesu Kiris, káanukiiit man iŋi naane ájeŋgine i Eluwa i.

Eleetar i yi Pool akiñje i bakate ku Rom 3:28 Referans Kwoze

Eleetar i yi Pool akiñje i Tit 3:7

Náami makamu ti kajaku koone áhinahin úne núujub, úne káyini kabaju buroŋ béehabanaariit bu b'úyakare bu.

Galasi 2:16

Bare írimoomi kaanuku húŋgowulan, káanukiiit man áhinahin naane *Eluwa yite Moyis esoke i h'Atambatun ajoko fu an éejube. Aaa, káyilen koone ti Yesu *Kiris taŋ kíkinineŋe fu Atambatun n'ajoko an éejube. Bondu bíkinineŋe fu uni yooŋ n'íriyilen ti Yesu Kiris, kaanuku man Atambatun n'ajok uni bakan kéejube iŋi naane íriyilene i ti Kiris; atum'ajok uni bakan kéejube aŋarkeyi naane man uni írihine naane t'Eluwa yite Moyis esoke du. Ábuki káhinu ku naane t'Eluwa yite Moyis esoke du kíkinineŋut hikee-kee Atambatun n'ajok ake an éejube.

Galasi 3:24

Náami Eluwa i ejukare fu úne bija yooŋ naane Kiris abine i, kaanuku man Atambatun n'ajok úne bakan kéejube iŋi naane úyilene i.

Galasi 3:8

Míkiñjin mu mifiyafiya musok meene Atambatun kajoku keenooto ku Esuwif bakan kéejube iŋi káyilen kooniin. Iŋ'ite ho hu musoŋke fu busok Aburaham hirim heetoofe honde. Meenaan: «Atambatun kásoniyan siheet site t'etaam i fe uŋu húuwe hu.»

Saak 2:24

Náami arijuka kaanuku Atambatun aŋ'aane an ájubajub ti manoŋkar moone; káanukiiit iŋ'ite káyilen k'abaje ku barebare.

Eleetar i yi Pool akiñje i bakate ku Rom 3:26

Bare hahiye kaasarah kondu kúwufoorawufoor kájubu koone. Akina an éejube, abe n'ajok an fe éeyilene ti Yesu Kiris an éejube.

Fílip 3:9

abe n'íhin ne o t'afeeneŋ íhabanein. Iŋkut eene íñj'eemo an éejube aŋarkeyi naane iŋ'íhin naane Eluwa i esoke i. Iŋ'ite káyilen kúuma ti Kiris h'eemo fu an éejube. Kájubu ku, t'Atambatun tu kúnuutina fu, abe aŋ'awun ko an fe éeyilene te o.

Eleetar i yi Pool akiñje i bakate ku Rom 8:3

*Eluwa yite Moyis eyinaat káhinu bondu iŋi kabajaate kite húŋgowulan kite sembe. Bare Atambatun áhinahin bo: áboñinoboñin Añio éeyemi húŋgowulan naane úne ehoofoora i, kaanuku eeram úne ti kaahoofoor ku. Iyu a Atambatun atinane fu kaahoofoor ku kiŋki kinij tu kúŋgowulan ku.

Eleetar i yi Pool akiñje i bakate ku Rom 4:5

Bare an éesike eyakar yeene anaŋ t'Atambatun, abe ajokooreit an éejube t'Atambatun uŋu burok beejake bamb'áhin, Atambatun aa ajok ehoofoora i kéeyilene ku te o bakan kéejube, kajuku ti káyilen koone n'aŋ'ajoko an éejube.

Efees 2:9

Tu kunoŋk kóonuuniit yooŋ tu búnuutina. Náami an t'aruun atum'amak.

1 Korent 6:11

Iye i bakaake t'aruun káyemie fu hítiyar hu. Bare wuhoofoor woonuun wuñaweeñaw akuur but, árikajineekajin bija t'Atambatun, arijokeejok bakan kéejube hágila Atambatun tu huruwu hite Anahaan u Yesu *Kiris, nu Búwejet bite Atambatun ite úne.

Eleetar i yi Pool akiñje i bakate ku Rom 5:1

Náami Atambatun ajoka úne bakan kéejube aŋarkeyi naane úyilenayilen, abe hahiye káasuumaay kibaja t'etut úne ne o, Anahaan ite úne Yesu *Kiris éekinineŋ.

Saaŋ 6:40

Hee, bonde butoofe fu Faafam: an fe eejuke Añi u abe n'áyilen te o, n'abaj buroŋ béehabanaariit bu, abe íñje karitano t'eket i tu hunak hiraanu hu.

Saaŋ 5:24

«Iisokuun bifeeneŋ bu: an eejame u báhamin búuma, abe n'áyilen t'an éeboñinam u, an ondu abaja buroŋ béehabanaariit bu. At'ajoonanee. Ánuutino t'eket i eebin tu buroŋ bu.

Saak 2:18

Bare an n'afin aane: «Awe á̱yilenayilen, íñje n'iŋ'ifin inoŋk ajakee», íñje kaanio: «Á̱wufooram buŋ b'a̱yino fu káyilen t'á̱noŋkaariit ajakee, abe íñje n'iŋ'íwufoori káyilen kúuma tu hunoŋk húuma.»

Saak 2:20

Esoŋ yendu! Á̱maŋamaŋi bukuuri kaanuku an af'áyilen barebare, abe ánoŋkaariit ajakee, káyilen kondu kibajut éñjeriŋ?