Eleetar i yi Pool akiñje i bakate ku Rom 2:29 - Kwatay (Kuwaataay)

²⁹ Asuwif ite u nu múniyo, tu búwejeto t'aamo fu Asuwif, abe kateyi karam kite ku nu múniyo keemo fu kite ehol i. Karam kondu, tu Búwejet bite Atambatun tu kúnuutina fu, t'Eluwa yíiit yeekiñjee i. Asuwif ondu ite u nu múniyo, Atambatun af'asokorooro, kúŋgowulan kíiit.

Eleetar i yi Pool akiñje i bakate ku Rom 2:29 Referans Kwoze

Fílip 3:3

Keeteye ku karam nu múniyo kaamo fu úne. Ábuki úne uf'úlaw Atambatun ti sembe site Búwejet boone, úne kuŋk'úsaŋgoor ni Yesu *Kiris, abe úsikut kikaw úne únaŋ t'ejoosan ite kúŋgowulan ku.

1 Tesalonik 2:4

H'Atambatun ajuke hu t'uni, n'áwoolu kasaan uni Hirim Heetoofe hu iŋ'iriwaare ho. Kane íriyemi ti kawaare, kúŋgowulan kíiit k'if'iriŋes katoofu, bare Atambatun aa ajondoman tu suhol site s'úne.

1 Piyeer 3:4

Aaa, kuwarawar káyemi t'éhinda suhol soonuun, kite búwejet béeneenie abe ni bibeb. Káwari kondu kúbujaariit, abe kibajabaj t'Atambatun éñjeriŋ yómbokun.

1 Korent 4:5

Iŋ'ite ho aamo fu atum'arijoonan an tu hunak hu hireeŋoorut. Arinahan Anahaan u eebin: o kafeeñal ti meejaaŋe mu béenuusee bu t'ébaani i, abe n'áwufoor yooŋ biyinoor bite kúŋgowulan ku béenuusee bu. Abe huruw fe, Atambatun kaliiku ti b'áhine bu eesokorooro.

2 Korent 10:18

Ábuki kiŋki kanoŋk keesokorooro, bókoiit katoofe fu Atemit. Aaa, keetoofo ku kaamo fu kaŋk'anoŋk eesokoroor.

Eleetar i yi Pool akiñje i bakate ku Rom 7:6

Bare hahiye uŋkut úkol n'Eluwa i, ábuki te yo yéekulaanie i úne, úmoomi naane bakan keekete. Náami úyinooni karoku bija t'Atambatun ti máhinar míyeni, ti sembe site Búwejet Beenabe bu, káanukiiit ti máhinar meefiyee méenuutina t'Eluwa i.

Eleetar i yi Pool akiñje i bakate ku Rom 2:27

An eeteyit u karam, abe n'aŋ'áhin naane Eluwa i esoke i aja fu katinani, awe Asuwif u. Ábuki naane aamo i fe a̱teyatey karam, abe n'á̱yeki yooŋ Eluwa i, á̱jeŋginut yo.

2 Korent 3:6

Akina áhine fu uni íriiyini káyemi eroka kaanuku iŋ'iriwaare ésuk i *kaajamoor kíyeni ku. Kaajamoor kondu kukolut n'Eluwa yeekiñjee i, bare nu Búwejet Beenabe bu. Ábuki Eluwa yeekiñjee i eŋ'eyool, bare Búwejet bu uŋu buwun buroŋ.

Saaŋ 12:43

Kúŋgowulan ku kasokorooriin, tu boko hihaŋahaŋ Atambatun asokorooriin.

Saaŋ 5:44

Buŋ b'ariyino fu kabaju káyilen naane aa ariŋes t'ésuk i kusokorooru, abe áriŋesaariit ko t'Atambatun afeeneŋ u?

Hirim Heetoofe hu hi Luk akiñje hu 11:39

Náami Anahaan u eeeno: —Aruun *Efarisiyeŋ i, aŋ'ariñaw akuur but meejukanee mite ekot i bija ebool i fe, bare níbahindaa, aŋ'arihooj bib nu wúfaŋi wute kákuwat, ni biyinoor boonuun beejakut bu.

Eleetar i yi Pool akiñje i bakate ku Rom 14:17

Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

Saaŋ 4:23

Bare bibin birko, abe areeŋee, kiŋki kalaw Faaf u káhabanein, boko kalawio nu búwejet, nu múniyo mu. Iyu i Faaf u ámaŋie fu ésuk i kalawo.

Hirim Heetoofe hu hi Luk akiñje hu 17:21

An at'aane: «Jondu diye!» man yooŋ: «Jondu baaba!» Ábuki fu *Jáyi jite Atambatun jíreeŋinuun.

Eleetar i yi Pool akiñje i bakate ku Rom 3:1

Kame náami Esuwif i, te naŋ ti kahaŋe fu keenooto ku Esuwif? Man yooŋ karam ku, éñjeriŋ ite te ko naŋ?

1 Korent 7:19

Kateyi karam ni kateyaate karam, bondu bibajut éñjeriŋ t'Atambatun. Beebaje bu éñjeriŋ te o beemo fu kájeŋgin kite buluwa boone.