Eleetar i yi Pool akiñje i bakate ku Rom 2:27 - Kwatay (Kuwaataay)

²⁷ An eeteyit u karam, abe n'aŋ'áhin naane Eluwa i esoke i aja fu katinani, awe Asuwif u. Ábuki naane aamo i fe a̱teyatey karam, abe n'á̱yeki yooŋ Eluwa i, á̱jeŋginut yo.

Eleetar i yi Pool akiñje i bakate ku Rom 2:27 Referans Kwoze

2 Korent 3:6

Akina áhine fu uni íriiyini káyemi eroka kaanuku iŋ'iriwaare ésuk i *kaajamoor kíyeni ku. Kaajamoor kondu kukolut n'Eluwa yeekiñjee i, bare nu Búwejet Beenabe bu. Ábuki Eluwa yeekiñjee i eŋ'eyool, bare Búwejet bu uŋu buwun buroŋ.

Eleetar i yi Pool akiñje i bakate ku Rom 8:4

Áhinahin bondu kaanuku man n'úyini karoŋu jes naane t'Eluwa i esoke du, úne keeemo ku tu buroŋ káanukiiit naane hutoofe i úne, bare naane hutoofe i Búwejet Beenabe bu.

Eleetar i yi Pool akiñje i bakate ku Rom 2:29

Asuwif ite u nu múniyo, tu búwejeto t'aamo fu Asuwif, abe kateyi karam kite ku nu múniyo keemo fu kite ehol i. Karam kondu, tu Búwejet bite Atambatun tu kúnuutina fu, t'Eluwa yíiit yeekiñjee i. Asuwif ondu ite u nu múniyo, Atambatun af'asokorooro, kúŋgowulan kíiit.

Esuwif i 11:3

Káyilen kíkinineŋe fu n'úmeyi kaanuku hirim hite Atambatun húwuwane fu doon areyi fe. Aamo fu buroon bumb'újuk fe, ti béejukaariitee bu tu búnuutina fu.

Galasi 5:14

Ábuki suluwa su fe, efeeneŋ yende ékumbaloole fu so; yo yeemo fu: «A̱warawar kámaŋi áwiyi húŋgowulan naane á̱maŋie i hikawi.»

Eleetar i yi Pool akiñje i bakate ku Rom 13:10

An af'ámaŋi áwiyo húŋgowulan, áhinuto meejakut. Náami an af'ámaŋi áwiyo húŋgowulan, an ondu ájeŋginajeŋgin Eluwa i áhabanein.

Eleetar i yi Pool akiñje i bakate ku Rom 2:20

n'ajoŋoorana ite kéeniyeit ku, n'aliikena ite kéemeyiit ku doon ti bítim bu, aŋarkeyi naane bukuurikuur kaanuku Eluwa i éwufooriwufoor akuur but kámeyi ku nu múniyo mu.

Epotor i 13:22

Bare Atambatun n'abin áwuŋgo hiñaawu, abe n'áhin *Dafit éeyemi áyi ooniin. Asokasok uŋu hoone hu aane: “Ijuka Dafit añi ite u Seese: atoofamtoof t'ehol, abe o káhinu b'ímaŋie bu áhin fe.”

Májiye 3:15

Bare Yesu n'aano: —Wáahin iye honde. Iyu i waaware fu káhinu man b'Atambatun ákandijene bu ni bibaj. Náami Saaŋ eeene hee.

Eleetar i yi Pool akiñje i bakate ku Rom 2:15

Iŋi káwufoor iyu kaanuku naane Eluwa i eene i an aŋ'áhin, bikiñjeekiñj tu ñúwejet ñooniin. Biyinoor booniin yooŋ uŋu búwufoor bondu, ni siheliin fe, ábuki ti hike iŋi sitinaniin, ti hike ni sísiiŋoorein nu boko.

Eleetar i yi Pool akiñje i bakate ku Rom 2:25

Af'á̱hin naane Eluwa i esoke i, *kateyi karam ajakajak. Bare afut'á̱jeŋgin Eluwa i, anokooreenokoor kite a̱teyit karam.

Eleetar i yi Pool akiñje i bakate ku Rom 2:26

An eenooto Asuwif, abe ateyit karam, af'aŋ'áhin naane t'Eluwa i esoke du, Atambatun man fíya ajoko naane an eeteye karam?

Eleetar i yi Pool akiñje i bakate ku Rom 3:30

ábuki Atambatun afeeneŋ taŋ abaje fu. Akina aja fu kajoku Esuwif i bakan kéejube ti káyilen kooniin, n'ajok yooŋ keenooto ku Esuwif bakan kéejube ti káyilen kooniin.

1 Korent 7:19

Kateyi karam ni kateyaate karam, bondu bibajut éñjeriŋ t'Atambatun. Beebaje bu éñjeriŋ te o beemo fu kájeŋgin kite buluwa boone.

Efees 2:11

Aruun keenooto ku Esuwif ti kabukiee, áribaŋino naane áriyemie i hítiyar hu. Esuwif i iŋi *katey karam, abe doon dondu dindi káhin ti siniiin barebare díkinineŋe fu ifi kámaŋi karuwuuun, n'iŋi kaanuun «keeteyit ku karam».

2 Timote 3:15

Múniyo á̱moomi *Míkiñjin Meenabe mu huta hu awe añi, abe múnoonii kawunu búwesinato. Búwesinato bondu ifi bíhin an n'afak kane áyilen ti Yesu Kiris.