Eleetar i yi Pool akiñje i bakate ku Rom 2:16 - Kwatay (Kuwaataay)

¹⁶ Bondu bija fu kajukiee akuur but hunak h'Atambatun aja hu kaŋaasu ti Yesu *Kiris eejoonan biyinoor béenuusee bite kúŋgowulan ku, naane Hirim Heetoofe hu hih'iwaare iye husoke i.

Eleetar i yi Pool akiñje i bakate ku Rom 2:16 Referans Kwoze

1 Korent 4:5

Iŋ'ite ho aamo fu atum'arijoonan an tu hunak hu hireeŋoorut. Arinahan Anahaan u eebin: o kafeeñal ti meejaaŋe mu béenuusee bu t'ébaani i, abe n'áwufoor yooŋ biyinoor bite kúŋgowulan ku béenuusee bu. Abe huruw fe, Atambatun kaliiku ti b'áhine bu eesokorooro.

Epotor i 17:31

Ábuki áfiitenafiiten hunak h'aja hu kajoonan te ho ésuk i ereyi fe ajoŋooree. Awasawas bondu tu sumoŋu site an a ajifane u. Áwufoorawufoor ésuk i ereyi fe an ondu aamo fu aañ, h'aritano hu t'eket i!

Epotor i 10:42

N'áhamin uni ayan, aane iriwaare ésuk i, abe n'irisok kaanuku akina aamo fu an u a Atambatun asiiŋane u kaanuku eejoonan keeroŋe ku ni keekete ku.

Hirim Heetoofe hu hi Luk akiñje hu 8:17

Doon fe déenuusee bibin kajukiee, abe beesokutee bu fe bibin kámeyiee, beesokee mijiniŋga raŋgaw.

1 Piyeer 4:5

Bare boko bibin kakamu Atambatun bi káhine bu fe. Akina afaraa kajoonan keeroŋe ku ni keekete ku.

Eleetar i yi Pool akiñje i bakate ku Rom 3:6

Mayet fu! Arko Atambatun ájubut, n'áyini fíya kajoonan ésuk i?

2 Piyeer 2:9

Bondu búwufoorawufoor kaanuku Atemit áyinooni kafakan ti sílaam su kéejeŋgino ku, abe n'afin awas keejakut ku kaanuku eebin eenij tu boko hunak hite Kajoonan ku.

2 Timote 4:1

Íñj'endu ti káwasiyani bonde hágila Atambatun, ni Yesu *Kiris eeja u bíbatikeina ti Jáyi joone, abe n'ajoonan keeroŋe ku ni keekete ku:

2 Timote 2:8

Á̱baŋino Yesu *Kiris. Akina ite tu hubukandin hite *Dafit, abe aritaneeritan t'eket i. Bondu beemo fu Hirim Heetoofe hu hih'iwaare.

1 Timote 1:11

Beeliikenee bondu, bondu ti Hirim Heetoofe hu h'isaanee hu, heesoke hu bite b'Atambatun éenike u, abe n'ajak.

Eleetar i yi Pool akiñje i bakate ku Rom 16:25

Úsokoroor Atambatun! Áyinooni káhinu káyilen koonuun keeyan naane busokee i ti Hirim Heetoofe hu hih'iwaare, heesoke hu bite bu Yesu *Kiris. Hirim hondu húwufoorawufoor b'Atambatun ánuusaanie bu huta hu kóŋkeyin,

Saaŋ 12:48

An af'ateñekaam, abe n'ateñeko yooŋ kirim kúuma, o katinanee. Hirim h'isoke hu hija fu katinan koone tu hunak hiraanu hu.

Esuwif i 9:27

Húŋgowulan fe, hifeeneŋ taŋ h'aware fu kaketu; ahaban, Atambatun n'aŋ'ajoonano.

2 Timote 4:8

Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.

2 Korent 5:10

Ábuki úwarawar bibin bisiiŋo úreyi fe hágila Kiris eejoonan úne, huruw fe eebatikanee doon d'aroke du t'enio, man meejake, man yooŋ meejakut.

Eleetar i yi Pool akiñje i bakate ku Rom 2:5

Bare a̱yaŋgayaŋg hikaw, á̱maŋiit buwatanooro. Iŋ'ite ho aamo fu aw'ondu ti binaŋooro kúnuur keehaŋe kásufu tu hunak h'Atambatun aja hu káwufoor kayiŋat koone, abe n'ajoonan te ho ésuk i ajoŋoor júl.

Májiye 16:27

Isokuunsok bonde ábuki *Añi ute Húŋgowulan hu bibin ti sembe sómbokun site Faafo n'emalaka yeene, abe n'aŋ'abatikan huruw fe doon d'aroke du.

Galasi 1:11

Kújakuwe, íñj'endu ti kasokuuun bonde: Hirim Heetoofe h'iwaareuun hu, húŋgowulaniit átuute ho.

1 Korent 15:1

Kújakuwe, íñj'endu ti kábaŋinanuun Hirim Heetoofe h'ibine hu isokuun, n'áriyilen ho, abe n'arijok ho yooŋ alit tip.