Eleetar i yi Pool akiñje i bakate ku Rom 15:30 - Kwatay (Kuwaataay)

³⁰ Kújakuwe, íñj'endu ti káwasiyanuun bonde t'Anahaan ite úne Yesu Kiris, ni ti naane Búwejet Beenabe bu ii bíhin úne núumaŋioori: árisiiŋoorein n'íñje ariilaw Atambatun árihabanein uŋu húuma hu.

Eleetar i yi Pool akiñje i bakate ku Rom 15:30 Referans Kwoze

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

2 Korent 1:11

Aruun yooŋ kumuumuun aŋ'áriyokunan uni naane aa arilaw bija t'uni. Iyu i bakan keehooje ifi kaane Atambatun eyeehen ti naane aa ájeŋgin kalawu kooniin bija t'uni, abe n'awun uni káasuumaay.

1 Tesalonik 5:25

Kújakuwe, arilaw bija t'uni.

2 Korent 4:11

Uni bokondu tu buroŋ, bare ko kireyi fe iŋ'íriheelin t'eket i iŋ'ite hu Kiris, kaanuku man buroŋ boone ni bifeeñ yooŋ ti sini site s'uni seeemo su iŋi siket.

2 Tesalonik 3:1

Hahiyu kújakuwe, arilaw bija t'uni man hirim hite Anahaan u ni hijamo ahilee, abe tánotan fe nu hujokee, naane aa árihin t'aruun.

Fílip 2:1

Naane árihine i t'afeeneŋ ni *Kiris, híkinineŋut fíya kikawuun ni kiyaŋg? Naane ámaŋiuun i, híkinineŋut fíya kikawuun iŋkut kiteyoor? Arijamoorajamoor nu Búwejet Beenabe bu? Árineenaneeni me, abe aŋ'ariyubiyenoor yooŋ?

Kolos 2:1

Ímaŋamaŋi árimeyi kaanuku íñj'endu t'étuum yeeyane faŋ uŋu hoonuun hu. Iŋ'írituum yooŋ bija ti bakate ku Lawodise kéeyilene ku, ni bakaaku yooŋ kéeyilene ku fe kéemusut ku káheelin t'íñje.

2 Korent 4:5

Úniiit kumuum uni k'if'iriwaareuun, bare Anahaan u Yesu Kiris i if'iriwaareuun. Irijokoorajokooro naane eroka yeenuun iŋ'ite hu Yesu.

2 Timote 4:1

Íñj'endu ti káwasiyani bonde hágila Atambatun, ni Yesu *Kiris eeja u bíbatikeina ti Jáyi joone, abe n'ajoonan keeroŋe ku ni keekete ku:

Kolos 1:8

Akina asoke fu uni naane Búwejet Beenabe bu bíhinuun i áriimaŋioori.

Efees 6:19

Arilaw yooŋ bija t'íñje, man Atambatun n'aŋ'awunam kirim keejoŋoore kane íyemi ti báhamin, hikawam heeyaŋg iŋ'iwaare béenuusee bite Hirim Heetoofe hu.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

2 Korent 12:10

Iŋ'ite ho aamo fu kabajaate kúuma kite sembe su, ni kílafatinu ku, nu kúnuur ku, ni káhihinoor ku, nu wútaañi wu, hikawam uŋu hutoof dómbokun kane bondu fe bibajam iŋ'ite hu Kiris. Ábuki if'ija ayak abin áami iŋkut ibaj sembe, toko ti sembe site Kiris t'ifi síyemi t'íñje.